တချို့က ဓာတ်ပုံထဲမှာ မလှပေမယ့် အပြင်မှာ လှကြတဲ့သူတွေရှိသလို တချို့က ဓာတ်ပုံထဲမှာ အရမ်းလှပေမယ့် အပြင်မှာ အဲဒီလောက်ထိ မလှတဲ့သူတွေလည်း မြင်ဖူးကြမှာပါ။ ဓာတ်ပုံရိုက်တဲ့အခါ ကိုယ်ဟန်အနေအထားကို အထူးဂရုစိုက်ဖို့လိုအပ်ပါတယ်။
ဒီတခါမှာတော့ ဓာတ်ပုံလှလှရိုက်ချင်တဲ့သူတွေအတွက် ဆောင်ရန် ရှောင်ရန်လေးတွေကို မျှဝေပေးချင်ပါတယ်။
၁။ မေးစေ့ကို ဂရုစိုက်ပါ
ဓာတ်ပုံရိုက်တဲ့အခါ မေးစေ့ကို အရမ်းကြီး အောက်ငိုက်ချထားတာမျိုးမဟုတ်ဘဲ မေးစေ့ပေါ်အောင်ရိုက်ပါ။
၂။ ခေါင်းမငုပ်ပါနဲ့
ခေါင်းကို အရမ်းငုပ်တာမျိုး မလုပ်ပါနဲ့။ ကိုယ်ဟန်အနေအထားကိုလည်း ခါးကုန်းနေတာမျိုး မလုပ်ဘဲ မတ်မတ်နေပါ။ ကင်မရာရှေ့မှာ ကိုယ်ကို နည်းနည်း တစောင်းလေး ရပ်နေပါ။
၃။ ကိုယ်ဟန်အနေအထားကို ဂရုစိုက်ပါ
Pose ပေးတဲ့အခါ ကိုယ်ဟန်အနေအထား မတ်မတ်ထားပြီး ပေးတတ်ဖို့လိုပါတယ်။ မတ်မတ်ထား လည်ပင်းကို မတ်မတ်ထား မျက်နှာကိုလည်း တစောင်းလေးထားပြီး ကင်မရာကို ကြည့်ပေးရင် ပြီးပြည့်စုံတဲ့ ဓာတ်ပုံတစ်ပုံဖြစ်လာမှာပါ။
၄။ Angle ပြောင်းပါ
ကင်မရာနဲ့ တန်းတန်း ခြေထောက်ထားတာမျိုးမဟုတ်ဘဲ ဒူးကို ဘေးတစောင်းလေး နေပေးပါ။ အခုပုံမှာ အမှားနဲ့ အမှန်ကို တွဲပြထားတာမို့ တကူးတက ပြောနေစရာမလိုတော့ပါဘူးနော်။
၅။ ပုခုံးနဲ့ ခန္ဓာကိုယ်အပေါ်ပိုင်းကို နည်းနည်းလှည့်လိုက်ပါ
ပုခုံးအပါအဝင် ကင်မရာအပေါ်ပိုင်းကို နည်းနည်းလှည့်ပေးလိုက်တာဟာ သင့်ကို ပိုပြီး ဆွဲဆောင်မှုရှိစေတဲ့ ဓာတ်ပုံတစ်ပုံရလာစေမှာဖြစ်ပါတယ်။
၆။ လက်ကို ဂရုစိုက်ပါ
ဓာတ်ပုံရိုက်တဲ့အခါ လက်အမူအရာကိုလည်း ဂရုစိုက်တတ်ဖို့လိုပါတယ်။ လက်က တန်းတန်းပြီး မတ်မတ်ပြီး ဖြစ်နေတာထက် နွဲ့နွဲ့လေး အားဖျော့ဖျော့လေး ထားတာ ပိုကောင်းပါတယ်။
၇။ တဒေါင်ဆစ်ကို ကင်မရာရှေ့မှာ မထားပါနဲ့
တဒေါင်ဆစ်ကို ကင်မရာရှေ့မှာ မထားဘဲ အောက်ကိုပဲချထားပြီး ပို့စ်ပေးတာက သင့်ကို ပိုပြီး ဆွဲဆောင်မှုရှိစေမှာဖြစ်ပါတယ်။
၈။ အဝတ်အစား အပွတွေကနေ ခန္ဓာကိုယ်အချိုးအစား မပေါ်လွင်တာမျိုး မဖြစ်ပါစေနဲ့
အင်္ကျီပွပွတွေ အဝတ်အစား ပွပွလေးတွေဟာ ခန္ဓာကိုယ်အချိုးအစားကို မပေါ်လွင်စေတာမို့ ခန္ဓာကိုယ် အရှေ့မှာ ပိတ်ပြီးထားမယ့်အစား အနောက်ဖက်ကို ထားပြီးမှ ပို့စ်ပေးပါ။
