MCU ရဲ့ Avengers ကားထဲမှာ သရုပ်ဆောင်ခဲ့ကြတဲ့ ဟီးရိုးတွေ၊ ဗီလိန် ဇာတ်ကောင်တွေအားလုံးနီးပါဟာ ပရိသတ်တွေရဲ့ အားပေးမှုချစ်ခင်မှုကို သိမ်းပိုက်ရရှိထားကြတဲ့သူတွေပါ။
တချို့ဇာတ်ကောင်တွေဟာ ကာရိုက်တာ တစ်ခုရဖို့အတွက်ကို တစ်ရက်ကို ၅ နာရီလောက် မိတ်ကပ်လိမ်းဖို့ အချိန်ပေးကြရပါတယ်။ ဒီနေ့ ပရိသတ်တွေကြိုက်တဲ့ ဇာတ်ကောင်တွေရဲ့ မိတ်ကပ်မပါတဲ့ ဓာတ်ပုံတွေကို မျှဝေပေးလိုက်ပါတယ်။
(၁) Nebula — Karen Gillan
Avengers ဇာတ်ကားထဲမှာ Nebula အဖြစ်သရုပ်ဆောင် ထားတဲ့သူဟာ စကော့တလန် လူမျိုး Karen Gillan ပဲဖြစ်ပါတယ်။ သူဟာ ဒီဇာတ်ကောင်နေရာမှာ သရုပ်ဆောင်ဖို့အတွက် သူမြတ်နိုးလှတဲ့ ဆံပင်တွေ အကုန်ရိတ်ပစ်ခဲ့ရပါတယ်။
ပြီးတော့ မိတ်ကပ်ပြင်ဖို့ တစ်ရက်ကို ၄ နာရီအချိန်ပေးရပြီး မိတ်ကပ်ပြန်ဖျက်ဖို့ကိုလည်း မိနစ် ၃၀ အချိန်ယူရပါတယ်။
(၂) Thanos — Damion Poitier
Avengers ရဲ့အဓိက ဗီလိန်အဖြစ် သရုပ်ဆောင် ခဲ့တဲ့သူကတော့ အမေရိကန် သရုပ်ဆောင် Josh Brolin ပဲဖြစ်ပါတယ်။ Thanos ဇာတ်ကောင် ပီပြင်ဖို့အတွက် ရှုပ်ထွေးတဲ့ အထူးပြုလုပ်ချက်တွေ အများကြီး ပြုလုပ်ခဲ့ရပါတယ်။
(၃) Ronan the Accuser — Lee Pace
Guardians of the Galaxy ဇာတ်ကားရဲ့ ဗီလိန် Ronan နေရာမှာ သရုပ်ဆောင်ခဲ့တာကတော့ အမေရိကန် သရုပ်ဆောင် Lee Pace ပဲဖြစ်ပါတယ်။
(၄) Johann Schmidt, Red Skull — Hugo Weaving, Ross Marquand
The Matrix ကားထဲက ဗီလိန်ကြီး Agent Smith ကို ပရိသတ်တွေ မှတ်မိကြဦးမယ်ထင်ပါတယ်။ သူဟာ Captain America: The First Avenger ကားမှာလည်း Red Skull အနေနဲ့ သရုပ်ဆောင်ခဲ့ပါတယ်။
Avengers: Infinity War and Avengers: Endgame ဇာတ်ကားတွေမှာတော့ အမေရိကန် သရုပ်ဆောင် Ross Marquand ကပါဝင် သရုပ်ဆောင်ခဲ့ပါတယ်။Red Skull ဇာတ်ကောင် ရဖို့အတွက် မိတ်ကပ်ပြင်ဖို့ ၃ နာရီလောက် အချိန်ပေးခဲ့ရပါတယ်။
(၅) Gamora — Zoe Saldana
Gamora နေရာကနေ သရုပ်ဆောင်ခဲ့တာကတော့ Zoe Saldana ပဲဖြစ်ပါတယ်။ သူမဟာ Avatar ကားမှာလည်း ပါဝင်ခဲ့ပါသေးတယ်။ Guardians of the Galaxy ကားထဲမှာ Gamora ဇာတ်ရုပ်ရဖို့အတွက် မိတ်ကပ်ပြင်တာ ၅ နာရီတောင် ကြာပါတယ်။
(၆) Drax the Destroyer — Dave Bautista
Drax အဖြစ် သရုပ်ဆောင်ခဲ့တာကတော့ Dave ပဲ ဖြစ်ပါတယ်။ သူဟာ နပန်းသမား၊ bodybuilder၊ နဲ့ MMA ဖိုက်တာတစ်ယောက်လည်း ဖြစ်ပါတယ်။ Drax ဇာတ်ရုပ်ရဖို့အတွက် နာရီပေါင်းများစွာ ပြင်ဆင်ခဲ့ရပါတယ်။
(၇) Mantis — Pom Klementieff
Guardians of the Galaxy Vol. 2. ကားမှာ Mantis နေရာကနေ ပါဝင်သရုပ်ဆောင်ခဲ့တဲ့သူကတော့ ပြင်သစ်သူ Pom Klementieff ပဲဖြစ်ပါတယ်။ Mantis ဇာက်ကောင်ရဖို့ကိုတော့ ကွန်ပျူတာ အထူးပြုလုပ်ချက်တွေ သုံးခဲ့ရပါတယ်။
(၈) Yondu Udonta — Michael Rooker
Michael Rooker ဟာ The Walking Dead မှာ Merle Dixon အနေနဲ့လည်း ပါဝင်ခဲ့ပါသေးတယ်။ Guardians of the Galaxy မှာတော့ Yondu အဖြစ် ပါဝင်လာခဲ့ပါတယ်။ ဒီဇာတ်ကောင်ရဖို့အတွက် မိတ်ကပ် ၆ ထပ်တောင် ပြင်ဆင်ခဲ့ရပါတယ်။
Source: Bright Side
