မင်္ဂလာပါ MyStyle Myanmar ပရိတ်သတ်တို့ရေ။ မိုးရာသီလည်း နီးလာပြီဆိုတော့ ကျွန်မတို့ဆီမှာ လွယ်လွယ်ကူကူရနိုင်တဲ့အသီးတစ်မျိုးကတော့ သရက်သီးပါ။ ရာသီစာဆိုတော့ စားရတာလည်း အရသာရှိလှပါတယ်။ သရက်သီးက ချိုချိုမြမြလေးအရသာရှိသလို သင့်မျက်နှာအလှအပအတွက် အသုံးပြုနိုင်တယ်ဆိုတာရော သိပါသလား။

ဟုတ်ပါတယ်။ သရက်သီးကို မျက်နှာပေါင်းတင်တဲ့နေရာမှာ သုံးနိုင်ပါတယ်။ သရက်သီးမှာ အသားအရေခြောက်သွေ့မှုကို အစိုဓာတ်ပေးနိုင်တဲ့ ဗီတာမင် အေပါဝင်ပါတယ်။ Vitamin B ကလည်း အသားအရေအိုမင်းရင့်ရော်ခြင်းကို နှေးကွေးစေပါတယ်။ ဗီတာမင်စီလည်း ပါဝင်တာကြောင့် သင့်အသားအရေအတွက် လိုအပ်တဲ့ ကော်လဂျင်ဓာတ်ကိုလည်းဖြည့်တင်းပေးပါတယ်။ သရက်သီးမျက်နှာသစ်ဆေးတွေကိုလည်း ပျိုမေတို့တွေ့ဖူးကြမှာပါ။ ဒါကြောင့် ရာသီစာ သရက်သီးနဲ့ မျက်နှာပေါင်းတင်ကြရအောင်နော်။

၁။ အသားအရေကို အာဟာရဖြည့်တင်းဖို့ သရက်သီးနှင့်ထောပတ်သီး Mask

သရက်သီးအမှည့်ဖျော်ပြီးသား လက်ဖက်ရည်ဇွန်းတစ်ဇွန်း၊ ထောပတ်သီးဖျော်ရည် နှစ်ဇွန်းနဲ့ အုန်းဆီတစ်ဇွန်းကို ခွက်တစ်ခွက်ထဲရောပါ။ ဒီအရောကို ပျစ်ပျစ်လေးရအောင် မွှေပေးပါ။ လိမ်းလို့ရပါပြီ။ သင့်မျက်နှာပေါ်မှာ စက်ဝိုင်းပုံစံလိမ်းပေးပါ။ ၁၀ မိနစ်ကနေ ၁၅ မိနစ်ထားပေးပါ။ ရေအေးနဲ့ဆေးချပါ။ ခြောက်သွေ့အောင်သုတ်ပေးပါ။

ထောပတ်သီးနဲ့ သရက်သီးနှစ်မျိုးလုံးက အမှည့်ဆိုရင် ပိုကောင်းပါတယ်။ ဖျော်ရလွယ်လို့ပါ။ တကယ်လို့ ပေါင်းတင်ပြီး ပိုရင်လည်း ရေခဲသေတ္တာထဲမှာ ၄ ရက်ကျော်ထားနိုင်ပါတယ်။ ပြန်သုံးမယ်ဆိုရင် အခန်းအပူချိန်ရအောင် ထားရပါမယ်။ မျက်နှာမှာ လိမ်းပြီး ပိုရင်လည်း ခန္ဓာကိုယ်တစ်လျှောက် အာဟာရဖြည့်တင်းချင်တဲ့နေရာကို လိမ်းနိုင်ပါတယ်။

၂။ အသားအရေစိုပြည်ဖို့ သရက်သီးနဲ့ ပျားရည် Mask

ပျားရည်က သင့်အသားအရေကို အစိုဓာတ်ပေးပြီး ဘတ်တီးရီးယားတိုက်ထုတ်ပေးတဲ့ အာနိသင်ရှိပါတယ်။ ဆဲသေတွေကိုလည်း ဖယ်ရှားပေးပါတယ်။ ဒိန်ချဉ်ကတော့ အသားအရေကို နူးညံ့စေပါတယ်။ ပြုလုပ်ပုံကတော့

သရက်သီးဖျော်ပြီးသားအနှစ် လက်ဖက်ရည်ဇွန်း တစ်ဇွန်း၊ ပျားရည်တစ်ဇွန်းနဲ့ ဒိန်ချဉ်တစ်ဇွန်းကို ခွက်တစ်ခွက်ထဲမှာရောမွှေပေးပါ။ ဒီအရောကို သင့်လက်ဖျားပေါ်တင်ပြီး မျက်နှာပေါ်စက်ဝိုင်းပုံစံလိမ်းပေးပါ။ အပေါ်ကနည်းအတိုင်းပဲ ၁၀ မိနစ်ကနေ ၁၅ မိနစ်ထားပေးပါ။ ပေါင်းတင်တာမျက်နှာပေါ် ခြောက်သွေ့ထားတဲ့အချိန် ရေဆေးချလို့ရပါပြီ။ သရက်သီးအနှစ်ပြုလုပ်နေတဲ့အချိန် အခွံမပါအောင် ဂရုစိုက်ပေးပါ။ သရက်သီးအခွံနဲ့ အစီးက သင့်အရေပြားကို ယားယံစေပါတယ်။ ဒိန်ချဉ်ကိုလည်း အချိုဘာမှမပါတဲ့ ဒိန်ချဉ်အလွတ်ဖြစ်ရပါမယ်။

၃။ မျက်နှာကြေးချွတ်ပေးဖို့ သရက်သီးနဲ့ အုတ်ဂျုံ Mask

အုတ်ဂျုံက ဆဲသေတွေကို ဖယ်ရှားပေးပြီး အသားအရေစိုပြေစေပါတယ်။ သရက်သီးကတော့ အရေပြားကြမ်းတမ်းမှုကို ချောမွတ်စေပြီး အသားအရေမညီညာတာကိုလည်း သက်သာစေပါတယ်။ အမည်းစက်တွေကိုလည်း ပျောက်ကင်းစေပါတယ်။ အုတ်ဂျုံက အဆီပြန်တဲ့အသားအရေပိုင်ရှင်တွေအတွက် အထူးသင့်လျော်ပါတယ်။ အရေပြားသွေးလည်ပတ်မှုကို ကောင်းမွန်စေပါတယ်။ ပြုလုပ်ပုံကတော့

သရက်သီးအနှစ် လက်ဖက်ရည်ဇွန်းတစ်ဇွန်းနဲ့ ကျိတ်ပြီးသားအုတ်ဂျုံ နှစ်ဇွန်းကို ခွက်တစ်ခွက်ထဲရောလိုက်ပါ။ ဒီအရောကို သင့်မျက်နှာပေါ် စိမ့်ဝင်အောင်လိမ်းပေးပါ။ ၁၀ မိနစ်ကနေ ၁၅ မိနစ်ထားပေးပါ။ ပြီးတာနဲ့ ရေနွေးနွေးလေးနဲ့ ဆေးပေးပါ။ ချွေးပေါက်ကျဉ်းစေဖို့ ရေအေးနဲ့ ဒုတိယအဆင့်သဘော ဆေးပေးပါ။ ဒီ Mask အာနိသင်ပိုကောင်းစေဖို့ အသုံးမပြုခင် Facial Steaming မျက်နှာကို ရေခိုးရေငွေ့နဲ့ ပေါင်းတင်တဲ့ အဆင့်ပြုလုပ်သင့်ပါတယ်။

၎။ အသားအရေနုပျိုဖို့ ဘဲဥနဲ့ သရက်သီး Mask

Source: Stylecraze

ဘဲဥက သင့်အရေပြားအရောင်ညှိပေးပါတယ်။ သရက်သီးကတော့ အသားအရေခြောက်သွေ့ခြင်းကို ကာကွယ်ပေးပြီး ဘဲဥက အသားအရေတင်းရင်းစေပါတယ်။ ဒီ Mask က အရေးအကြောင်းတွေ လျှော့ချပေးပြီး အိုမင်းရင့်ရော်မှုကို နှေးကွေးစေပါတယ်။ ပြုလုပ်ပုံကတော့-

သရက်သီးအနှစ် လက်ဖက်ရည်ဇွန်း နှစ်ဇွန်းကို ဘဲဥမွှေထားတဲ့အထဲ ထည့်ပေးပါ။ ဒီအရောကို မျက်နှာပေါ်လိမ်းပေးပါ။ ခြောက်သွေ့အောင်ထားပါ။ ပြီးတာနဲ့ ရေအေးနဲ့ဆေးချပါ။

ဒီ Mask တွေအသုံးပြုနေတဲ့အချိန် ကိုယ့်အင်္ကျီပေါ်ပေနိုင်တာကြောင့် အင်္ကျီအဟောင်းလေးပဲဝတ်ပါနော်။

Source: bellatory.com

By MyStyle Myanmar