အထူးသဖြင့် နွေရာသီမှာ ချွေးပြန်တာနဲ့ မိတ်ကပ်တွေကွက်ပြီး ပျက်ကုန်တာမျိုး မဖြစ်စေဖို့ ကိုယ်လိမ်းထားတာတွေက sweat-proof ဖြစ်နေဖို့ လိုပါတယ်။
ဒါကြောင့် sweat-proof makeup look မျိုးရဖို့အတွက် သတိထားပြင်ဆင်ရမယ့်အရာတွေကို ပြောပြပေးလိုက်ပါတယ်။
Moisturizer သေချာရွေးပါ
Dry skin ကလွဲလို့ ကျန်တဲ့ skin တွေက oil-free moisturizer လိမ်းပေးပါ။ ဒါမှအဆီပြန်တာသက်သာပြီး မိတ်ကပ်သားလည်း ကြာရှည်ခံမှာပါ။
Sunscreen လိမ်းပါ
Sunscreen မလိမ်းပဲမနေပါနဲ့။ ညပိုင်းကလွဲလို့ ကျန်တဲ့အချိန် လိမ်းဖြစ်အောင်လိမ်းပါ။
Primer လိမ်းပါ
မိတ်ကပ်သားကြာရှည်ခံအောင်၊ ကွက်တာမျိုးတွေမဖြစ်အောင် မိတ်ကပ်မလိမ်းခင်မှာ primer လိမ်းပေးဖို့လည်း မမေ့ပါနဲ့။
Foundation လျှော့လိမ်းပါ
Foundation တွေလိမ်းတာများနေရင် ချွေးထွက်တဲ့အခါ ကြည့်ရဆိုးစေပါတယ်။ မိတ်ကပ်တွေကွက်တာ၊ မဲတာမျိုးတွေ ဖြစ်တတ်ပါတယ်။ ဒါကြောင့် foundation ကို ပါးပါးလေးပဲလိမ်းပါ။
Shimmer တွေမသုံးပါနဲ့
Glow look လေးလိုချင်ရင် shimmer တွေမသုံးပါနဲ့။ ချွေးထွက်ရင်၊ အဆီပြန်ရင် ကြည့်ရဆိုးစေပါတယ်။ ဒါကြောင့် glow ချင်ရင် bronzer ကောင်းကောင်းလေးသာသုံးပါ။
Powder လိမ်းပါ
မိတ်ကပ်သားကွက်တာရွေ့တာမျိုးတွေ မဖြစ်စေဖို့ brush လေးနဲ့ powder လိမ်းပေးပါ။ အများကြီးလည်းမလိမ်းပါနဲ့။
Setting Spray ဖြန်းပါ
နောက်ဆုံးမှာ setting spray ဖြန်းပေးပါ။ ဒါမှ မိတ်ကပ်သားကြာရှည်ခံပြီး sweat-proof ဖြစ်မှာပါ။
