ချစ်သူနှစ်ဦးဆက်ဆံရေးမှာ အရာအားလုံး ချောမွေ့အဆင်ပြေနေတာတော့မဟုတ်ပါဘူး။ ဒါပေမယ့်လည်း အခုဖော်ပြမယ့် လက္ခဏာတွေ အမြဲတမ်းလိုလို ဖြစ်နေရင်တော့ လမ်းခွဲဖို့ ဖြစ်လာနိုင်ပါတယ်။
အားလပ်ချိန်တွေကို အတူတူ မကုန်ဆုံးကြဘူး။
ချစ်သူစဖြစ်ပြီဆိုရင် ပြောမကုန် တွေ့လို့မဝတာနဲ့ အမြဲတမ်းလမ်းအတူတူလျှောက် အချိန်ပြည့် သူနဲ့ပဲအတူတူရှိပေမယ့် အချိန်တွေကြာလာနဲ့အမျှ ချစ်သူကို အရင်လို အချိန်တွေမပေးချင်တော့ဘူးဖြစ်လာတတ်ပါတယ်။ အပြင်မှာတွေ့မယ်ပြောလိုက်တိုင်း နှစ်ယောက်အတူတူ လျှောက်သွားမယ်ပြောလိုက်တိုင်း ဆင်ခြင်တွေပေးနေမိတာဟာ ချစ်သူနှစ်ဦး လမ်းခွဲရတဲ့ အဓိကအကြောင်းရင်းတစ်ခုပါပဲ။
သူ့အတွက် ကြိုးစားအားထုတ်မှုမရှိတော့ဘူး။
အရင်တုန်းကဆိုရင် သူနဲ့တွေ့ဖို့ မိုင်ပေါင်းများစွာ ဖြတ်ပြီးသွားနေ သွားလာနေပေမယ့် အခု သူနဲ့ အတူတူရှိနေရ်တောင် သူ့ကို စကားပြောမယ့်အစား ကိုယ့်ဘာသာကိုယ်ပဲ လုပ်ချင်တာလုပ်နေတယ်ဆိုတာဟာ ချစ်သူနှစ်ဦး ဆက်ဆံရေးအတွက် များစွာ ထိခိုက်စေပါတယ်။ သူ့အတွက် အခုလို ကြိုးစား အားထုတ်မှုမရှိတော့ဘူးဆိုရင် လမ်းခွဲနိုင်ချေရှိတဲ့ လက္ခဏာရပ်တစ်ခုဖြစ်ပါတယ်။
အနာဂတ်အတွက် ဘယ်သူမှ မဆွေးနွေးကြဘူး။
ချစ်သူနှစ်ဦး လမ်းခွဲရတဲ့ အဓိကအကြောင်းအရင်တွေထဲမှာ တစ်ခုအပါအဝင်ဖြစ်ပါတယ်။ တစ်ချို့ ကောင်မလေး (သို့) ကောင်လေးတွေက ကလေးတွေလိုချင်ကြတယ် အနာဂတ်အတွက် စိတ်ကူးတွေရှိကြပါတယ်။ ဒါပေမယ့် သင်တို့နှစ်ယောက်မှာ အနာဂတ်အတွက် ဘာအစီစဉ်မှမရှိဘူးဆိုရင်တော့ ချစ်သူနှစ်ဦးလမ်းခွဲဖို့ အကြောင်းတစ်ခုပါပဲ။
သူပြောသမျှကို ကန့်လန့်တိုက်နေတယ်။
သူပြောတဲ့ ထင်မြင်ယူဆချက်တွေအားလုံးကို သဘောမတူဘဲ ကန့်လန့်တိုက်နေတာဟာ ချစ်သူနှစ်ဦးလမ်းခွဲရတဲ့ အဓိကအကြောင်းရင်းတစ်ခုပါပဲ။ တစ်ယောက်ကိုယ်တစ်ယောက်လည်း နာကျင်စေသလို ရေရှည်အတွက်လည်း မကောင်းပါဘူး။
သူနဲ့ပတ်သတ်ရင် အမြဲတမ်းစိတ်ရှုပ်ရတယ်။
သူ့အကြောင်းစဉ်းစားလိုက်တိုင်း အမြဲတမ်းစိတ်ရှုပ်ရတယ်။ သူနဲ့ဆို ဘာမှမပြောချင်မလုပ်ချင်ဘူးဆိုတာက သင်တို့နှစ်ယောက်ဆက်ဆံရေးကို ရပ်တန့်စေနိုင်ပါတယ်။
သူနဲ့နေတာထက် တခြားသူတွေနဲ့နေတာ (သို့) သီးသန့်နေတာ ပိုပြီးပျော်တယ်။
သင့်သူငယ်ချင်းတွေနဲ့ အပြင်သွားရင်ပဲဖြစ်ဖြစ်တစ်ယောက်တည်းနေရင်ပဲဖြစ်ဖြစ် ပိုပြီး သက်သောင့်သက်သာရှိတယ်။ ပိုပြီးနေပျော်တာဟာ သင်သူ့အပေါ် အချစ်တွေ တဖြည်းဖြည်း လျှော့လာပြီဆိုတဲ့ လက္ခဏာရပ်တွေဖြစ်ပြီး ချစ်သူနှစ်ဦး လမ်းခွဲရတဲ့ အဓိကအကြောင်းရင်းတစ်ခုပါပဲ။
ဒီလိုလက္ခဏာရပ်တွေဖြစ်နေပြီဆိုရင် သေချာစဉ်းစားပါ။ သင့်ရဲ့အနာဂတ်အတွက် သူနဲ့ ဆက်လက်တွဲသင့် မတွဲသင့်ကို သေချာစဉ်းစားဆုံးဖြတ်သင့်ပါတယ်။
Featured Image Source: rawpixel.com
