ချက်ပြုတ် ဘောင်းဘီဝတ်တိုင်း ဗိုက်ပူပူလေးဖြစ်နေတတ်တဲ့ ပျိုမေတို့အတွက် လေ့ကျင့်ခန်းများ

ဝမ်းဗိုက်အဆီမှာမှ ယေဘုယျအားဖြင့် Upper Belly Fat နဲ့ Lower Belly Fat ဆိုပြီး ရှိပါတယ်။ အထူးသဖြင့် ပျိုမေအများစုက အကြောင်းအမျိုးမျိုးကြောင့် ဝမ်းဗိုက် အောက်ပိုင်းအဆီ ရှိလေ့ရှိပါတယ်။ ဒီအကြောင်းအမျိုးမျိုးထဲမှာ ဟော်မုန်းအတက်အကျ၊ စိတ်ဖိစီးမှု၊ အချိုများတဲ့ အစားအသောက်တွေ နဲ့ အိပ်ချိန်၊ အသက်အရွယ် စတဲ့ အရာတွေ ပါဝင်ပါတယ်။ ဒီလိုအရာတွေက ပျိုမေတို့ အများစု ရင်ဆိုင်ရလေ့ရှိတဲ့ အကြောင်းအရာတွေ ဖြစ်တာကြောင့် ဝမ်းမိုက် အောက်ပိုင်းအဆီက ကျဖို့ ခက်လေ့ရှိပါတယ်။

အောက်ပိုင်း ဗိုက်အဆီက ဘယ်အချိန် သိသာလဲဆိုရင် ချက် ပြုတ် ဘောင်းဘီ၊ စကပ်တွေ ဝတ်တဲ့အခါ သိသိသာသာ ထွက်နေလေ့ရှိပါတယ်။ ဒီလို စိတ်ရှုပ်ဖို့ကောင်းတဲ့ Lower Belly Fat ကို ဖယ်ရှားချင်တယ်ဆိုရင်တော့ ဒီလေ့ကျင့်ခန်းတွေကို လုပ်သင့်ပါတယ်။

၁။ Cross body Mountain Climber

လက်ကို ထောက်ထားကာ ကျောပြင်ကို တစ်တန်းတည်းထားပြီး သင့်ခြေထောက်ကို ဘယ်ညာ တစ်လှည့်စီ တောင်တက်တဲ့ပုံစံ လုပ်ပေးရပါမယ်။ ရင်ဘတ်နဲ့နီးတဲ့အခါ ဆန့်ကျင်ဘက်စီ လှည့်ပေးရပါမယ်။ ဒီ Cross Body လေ့ကျင့်ခန်းကို ၄၅ စက္ကန့် လုပ်ပေးရပါမယ်။

Photo Source: Tenor

၂။ Leg Lift and Extend

ကြမ်းပြင်ပေါ်မှာ လက်နှစ်ဖက်နဲ့ အားပြုပြီး ထိုင်ပေးရပါမယ်။ ပြီးနောက် ညာခြေထောက်ကို မ ကာ ရင်ဘတ်နဲ့ နီးအောင် ကပ်ပေးရပါမယ်။ ပြီးရင်တော့ ဒီအနေအထားကနေ ခြေထောက်ကို ကြမ်းပြင်နဲ့ မထိစေဘဲ မ ပေးရပါမယ်။ ဒီလေ့ကျင့်ခန်းကို ဘယ်ဘက်ကို ၄၅ စက္ကန့် ညာဘက်ကို ၄၅ စက္ကန့် လုပ်ပေးရပါမယ်။

Photo Source: Pinterest

၃။ Flutter Kicks

အိပ်လျက်အနေအထားနဲ့ နေ ကာ ခြေထောက်နှစ်ဘက်ကို တစ်တန်းတည်း မ ပေးရပါမယ်။ ပြီးနောက် ကြမ်းပြင်နဲ့ မထိစေဘဲ ဘယ်ဘက်နဲ့ ညာဘက်ကို တစ်လှည့်စီ မြှင့်တင်ပေးရပါမယ်။ ဒီ Flutter Kicks ကို ၄၅ စက္ကန့် လုပ်ပေးရပါမယ်။

Photo Source: Giphy

၄။ Hip Raise

အိပ်လျက် အနေအထားနဲ့ပဲ ခြေထောက်ကို အပေါ် ပင့်တင်ပေးရပါမယ်။ ဒီလို ပင့်တင်တဲ့အခါ တင်ပါးကိုပါ ပင့် တင်ပေးရပါမယ်။ ပြီးရင်တော့ နဂို ခြေထောက်ဆန့်တဲ့ အနေအထား ပြန်သွားနိုင်ပါပြီ။ ဒီလို ပြန်သွားတဲ့အခါ ခြေဖနောင့်နဲ့ ကြမ်းပြင် မထိရပါဘူး။ ဒါကိုလည်း ၄၅ စက္ကန့်ပါပဲ။