ပေါင်တံသွယ်သွယ်လေးတွေက စကပ်တို၊ ဘောင်းဘီတို ဝတ်တဲ့အခါ ပိုကြည့်ကောင်းနေတာကတော့ ငြင်းမရတဲ့ အချက်တစ်ချက်ပါ။ အစားအသောက်ပုံစံနဲ့အတူ တွဲလုပ်ပေးရမှာကတော့ ပေါင်သွယ်စေနိုင်မယ့် လေ့ကျင့်ခန်းတွေပါပဲ။ ဗိုက်ချပ်အောင် လုပ်တဲ့ နည်းလမ်းလိုပဲ ပေါင်အဆီချတဲ့ နေရာမှာလည်း အစားအသောက်နဲ့ လေ့ကျင့်ခန်းကို တွဲလုပ်ပေးရပါမယ်။

ဒီတော့ ပေါင်မှာ အဆီပို မရှိဘဲ သွယ်သွယ်လေး ဖြစ်လာဖို့ လေ့ကျင့်ခန်းတွေကို ကြည့်လိုက်ရအောင်နော်-

၁။ Single Leg Airplanes

Photo Source: Pinterest

ခြေထောက်တစ်ဘက်ကို နောက်ဘက် ကန်ပြီး တန်းထားကာ ဒီအနေအထားအတိုင်း သင့်ခန္ဓာကိုယ်ကို အောက်ဘက် ကိုင်းပေးရပါမယ်။ ဘယ်ညာ တစ်လှည့်စီကို ၁၀ ခါ လုပ်ပေးရပါမယ်။ ဒီ ၁၀ ခါကို သုံးကြိမ် လုပ်ရပါမယ်။

၂။ Glute Bridge with Single Leg Raises

Photo Source: www.self.com

အိပ်လျက်အနေအထားနဲ့ ဒူးကွေးကာ နေပေးရပါမယ်။ ပြီးနောက် တင်ပါးကို အပေါ်ပင့်တင်ရပါမယ်။ ဒီအနေအထားမှာပဲ ခြေထောက်ကို တစ်လှည့်ဆီ အပေါ် မြှောက်ပေးရပါမယ်။ ၁၅ ခါ မြှောက်ပေးရပါမယ်။ ဒါကို သုံးကြိမ်လုပ်ရပါမယ်။

၃။ Bulgarian Squats

Photo Source: Healthline

နောက်မှာ လှေကား ဒါမှမဟုတ် ခိုင်မာတဲ့ ခုံတစ်ခုံကို အမှီပြုကာ ခြေထောက်တစ်ဘက်ကို နောက်ပြန် တင်ထားရပါမယ်။ ပြီးနောက် ဆန့်ထားတဲ့ ကျန်ခြေထောက်ကို အားပြုကာ ထိုင်ထ လုပ်ပေးရပါမယ်။ ဘယ်ညာ တစ်လှည့်စီ လုပ်ရပါမယ်။ ၁၀ ခါဆီ သုံးကြိမ်လုပ်ရပါမယ်။

၄။ Leg Cross Over Taps

Photo Source: Tenor

ဒူးထောက်ကာ ကိုယ်ကို ကုန်းထားပေးရပါမယ်။ တစ်ဘက်က ဒူးထောက်ပြီး ကျန်တစ်ဘက်ကို ဆန့်ထားကာ ဘယ်ညာ တစ်လှည့်စီ ဝိုက်ပေးရပါမယ်။ ဘယ်ဘက် ရောက်တဲ့အချိန် ဆန့်ထားတဲ့ ခြေထောက်ကို မြေကြီးနဲ့ ထိအောင် ချပေးရပါမယ်။ ပြီးရင်တော့ ညာဘက်ကိုပြန်လွှဲကာ ဘယ်ဘက်လိုပဲ မြေနဲ့ထိအောင် ချရပါမယ်။ ဒါကိုလည်း တစ်ဘက် ၁၀ ခါဆီ သုံးကြိမ် ပြုလုပ်ပေးရပါမယ်။

By MyStyle Myanmar