မင်္ဂလာပါနော်။ ချစ်စရာကောင်းတဲ့ အပြုံးချိုချိုလေးတွေပိုင်ဆိုင်ထားတဲ့ ထိုင်းမင်းသမီးလေး Mint Ranchrawee ကိုတော့ ထိုင်းဇာတ်လမ်းတွဲကြိုက်မြန်မာပရိသတ်တွေ ရင်းနှီးပြီးသားဖြစ်မှာပါ။ လတ်တလောမှာ သူမပါဝင်ရိုက်ကူးခဲ့တဲ့ May-December Romance ၊ Praomook စတဲ့ ဇာတ်လမ်းတွဲတွေနဲ့အတူ ပရိတ်သတ်တွေကြား လူသိများလာတာပဲဖြစ်ပါတယ်။ လက်ရှိမှာ မော်ဒယ်လ်မင်းသမီးတစ်ဦးအနေနဲ့ လုပ်ကိုင်နေပြီး မကြာခင်မှာထွက်ရှိမယ့် Ch3 ကရိုက်ကူးတဲ့ Lai Kinnaree ဆိုတဲ့ထိုင်းဒရမ်မာဇာတ်လမ်းတွဲ မှာလည်း ထပ်မံပါဝင်သရုပ်ဆောင်ထားပါသေးတယ်။
သူမရဲ့နာမည်အပြည့်အစုံကတော့ Mint Ranchrawee Uakoolwarawat ဖြစ်ပြီး ပရိသတ်တွေက ‘Mint’ လို့ချစ်စနိုးခေါ်ကြပါတယ်။ ၁၉၉၈ ခုနှစ် စက်တင်ဘာလ ၉ ရက်နေ့မှာမွေးဖွားခဲ့ပြီး မောင်နှမအနေနဲ့ အကိုတစ်ယောက်၊ မောင်လေးတစ်ယောက်ရှိပါတယ်။
အသက် (၂၃) နှစ်ပဲရှိသေးတဲ့သူမဟာ သူမနဲ့လိုက်ဖက်ပြီး မိန်းကလေးဆန်ဆန်နဲ့ ချစ်စရာကောင်းတဲ့ ဖက်ရှင်လေးတွေကို ဝတ်ဆင်တတ်တဲ့သူတစ်ယောက်လည်းဖြစ်ပါတယ်။ ကြက်တောင်ရိုက်အားကစားကို နှစ်သက်တဲ့သူဖြစ်ပြီး အရပ်အမြင့်ကလည်း ၅ ပေ ၈လက်မအထိရှိတာကြောင့် သူမဝတ်ဆင်တဲ့ပုံစံလေးတွေက အခုခေတ် အရပ်ရှည်တဲ့လူငယ်မိန်းကလေးတွေနဲ့ လိုက်ဖက်စေမှာပါ။
ဒီတော့ ဒီတစ်ခေါက်မှာ Mint ရဲ့ပရိသတ်တွေနဲ့ သူမရဲ့ဖက်ရှင်ကိုစိတ်ဝင်စားတဲ့သူတွေအတွက် Mint ဝတ်လေ့ရှိတဲ့ ချစ်စရာဖက်ရှင်ပုံရိပ်လေးတွေကိုဖော်ပြပေးလိုက်ပါတယ်။
Photo Source: Pinterest
By MyStyle Myanmar
