အရပ်ပုပုနဲ့ ချစ်စရာကောင်းတဲ့ တရုတ်မင်းသမီးချောလေး Xing Fei ရဲ့ ဖက်ရှင်များ

My Little Happiness ဆိုတဲ့ တရုတ်အချစ်ဇာတ်လမ်းလေးကတော့ လူငယ်တွေကြားထဲ တော်တော်လေးကိုရေပန်းစားတဲ့ ဇာတ်ကားလေးပါပဲ။ အဲ့ဒီထဲမှာ မင်းသားကအရပ်ရှည်ရှည်နဲ့ မင်းသမီးလေးကတော့ အရပ်ပုပုလေးနဲ့ အရမ်းကို ချစ်စရာကောင်းပြီး အတွဲညီညီနဲ့သရုပ်ဆောင်ကြတာတော့ ပရိသတ်တွေ မျက်မြင်ပဲဖြစ်ပါတယ်။

Xing Fei ဆိုတဲ့ကောင်မလေးကို ၁၉၉၄ ခုနှစ် အောက်တိုဘာလ ၁ ရက်နေ့မှာ တရုတ်နိုင်ငံရှိ Hulunbuir မြို့မှာ မွေးဖွားခဲ့ပါတယ်။ နာမည်အရင်းကတော့ Xing YiFei ဖြစ်ပြီး သူမကို Fair Xing လို့လည်း ပရိတ်သတ်အများစုက သိကြပါတယ်။ အရပ်အမြင့် ၁၅၈ စင်တီမီတာရှိပြီး သွေးအမျိုးအစားကတော့ အိုသွေးပိုင်ရှင်လေးပါ။

Xing Fei က အသက် ၆ နှစ်အရွယ်မှာ ဂျွမ်းဘားအလှကခြင်းကို လေ့လာဆည်းပူးခဲ့ပြီး ပြိုင်ပွဲတွေမှာဝင်ရောက်ယှဥ်ပြိုင်ခဲ့ကာ ရွှေတံဆိပ်အများအပြားလည်း ရရှိခဲ့ဖူးပါတယ်။ တရုတ်မင်းသမီးတွေထဲက သူမသဘောကျဆုံး အနုပညာရှင်ကတော့ Tang Wei ဖြစ်ပြီး BlackPink အဖွဲ့ဝင် Lisa ကိုလည်း ကြိုက်ပါတယ်တဲ့။

သူမပါဝင်သရုပ်ဆောင်ထားတဲ့ ဇာတ်ကားတွေအနက် Master Devil Do Not Kiss Me, Put Your Head on My Shoulder, Your Highness Class Monitor, Forget You Remember Love နဲ့ My Little Happiness ဆိုတဲ့ ဇာတ်ကားတွေ သူမအတွက် အောင်မြင်ကျော်ကြားမှုကို ယူဆောင်ပေးလာနိုင်တယ်ဆိုလည်း မမှားပါဘူး။