K Drama ပရိသတ်တွေစောင့်နေရတဲ့ Love Alarm Season 2 ကိုတော့ မတ်လ ၁၂ ရက်နေ့မှာ ထုတ်လွှင့်ပြသတော့မှာပဲ ဖြစ်ပါတယ်။ မကြည့်ရသေးတဲ့သူတွေကတော့ Season 1 ကို ပြန်ကြည့်လို့ရပါတယ်။ ဒီ Drama လေးက Season 1 မှာ အပိုင်း ၈ ပိုင်းပဲပါတဲ့ ဇာတ်လမ်းတိုလေးဖြစ်ပေမယ့် အရမ်းကိုပေါက်ခဲ့ပြီး Rating တွေလည်း အများကြီးရခဲ့တာပါ။ ဒီထဲမှာပါဝင်တဲ့ အဓိကဇာတ်ဆောင်တွေကတော့ Song Kang, Kim So-hyun နဲ့ Jung Ga-ram တို့ပဲ ဖြစ်ပါတယ်။
Season 1 မကြည့်ရသေးတဲ့သူတွေအတွက် ဇာတ်လမ်းအကျဉ်းကို ပြောပြပေးလိုက်ပါတယ်။ ဖုန်းတွေထဲမှာ ထည့်သွင်းအသုံးပြုလို့ရတဲ့ Joalarm ဆိုတဲ့ Application ကို တောင်ကိုရီးယားမှာ တီထွင်ထားပါတယ်။ အဲ့ဒီ Joalarm Application ကို ဖုန်းထဲ ထည့်ထားမယ်ဆိုရင် ကိုယ့်ကို သဘောကျနေတဲ့လူနဲ့ ၁၀ မီတာ အကွာအဝေးလောက်မှာတင် အဲ့ဒီ Application လေးက အချက်ပေးပါတယ်။
Season 1 မှာတုန်းကတော့ Kim Jo Jo (Kim So Hyun), Hwang Sun Oh (Song Kang), Lee Hye Yeong (Jung Ga Ram) တို့က Joalarm နဲ့ သူတို့ရဲ့အချစ်ကို ဖော်ပြထားကြပါတယ်။ ဒါပေမယ့် ဘယ်သူနဲ့မှမညားခဲ့သေးပဲ ဇာတ်လမ်းက မပြီးပြတ်သေးတာကြောင့် အခု Season 2 ကို ဆက်မှာပါ။ ဒီ Season 2 မှာကော ဘာတွေဆက်ဖြစ်ပြီး နောက်ဆုံးမှာ ဘယ်သူနဲ့ညားမလဲဆိုတာကို စောင့်ကြည့်ရမှာပေါ့။
Source: www.soompi.com
