လူငယ်ဆန်ဆန်နဲ့ ချစ်စရာကောင်းနေတဲ့ စကပ်ဖက်ရှင်စတိုင်လ်များ

အားလုံးပဲ မင်္ဂလာပါ။ ပျိုမေလေးတွေကို မိန်းကလေးပိုဆန်စေတဲ့ ဖက်ရှင်လေးတွေကို ပြောပါဆိုရင်တော့ စကပ်နဲ့ ဂါဝန်ဖက်ရှင်လေးတွေပါပဲ။

သူငယ်ချင်းတွေနဲ့ လျှောက်လည်လို့ပဲဖြစ်ဖြစ်၊ သင်တန်းသွားတက်စရာရှိလို့ပဲဖြစ်ဖြစ် အကြောင်းအမျိုးမျိုးကြောင့် အပြင်သွားရတဲ့အခါ စကပ်လေးတွေဝတ်သွားမယ်ဆိုရင် လူငယ်ဆန်ဆန်နဲ့ ချစ်စရာကောင်းနေမှာ အသေအချာပဲပေါ့။

ဒါ့ကြောင့် လူငယ်ဆန်ဆန်နဲ့ ချစ်စရာကောင်းတဲ့ စကပ်ဖက်ရှင်လေးတွေကို ဘယ်လိုအဝတ်အစား ဖက်ရှင်လေးတွေနဲ့ စတိုင်လ်ကျလှပအောင် ဝတ်ဆင်ကြမလဲဆိုတာကို အတူတူလေ့လာကြည့်လိုက်ရအောင်နော်။

ချစ်စရာကောင်းတဲ့ အလွှာလိုက်စကပ်လေးတွေကို အင်္ကျီအဖြူရောင်၊ နို့နှစ်ရောင်စတဲ့ အရောင်နုလေးတွေနဲ့ တွဲဖက်ဝတ်ဆင်လိုက်ရင်တော့ တကယ့်ကို မိန်းကလေးဆန်သွားမှာပါ။