ဂါဝန်ဝတ်ရတာကြိုက်တဲ့ ကောင်မလေးတွေအတွက် ဒီတစ်ခါမှာတော့ ပူပြင်းတဲ့နွေရာသီအတွက် အရမ်းအဆင်ပြေတဲ့ ဂါဝန်အရှည်ဖက်ရှင်တွေကို ဖော်ပြပေးလိုက်ပါတယ်။ ဝတ်ရတာလည်း ပေါ့ပါးမှုရှိပြီး အပူဒဏ်သက်သာစေမယ့်အပြင် လှလည်းလှတဲ့အတွက် ရွေးချယ်သင့်တဲ့ ဖက်ရှင်မျိုးပါပဲ။

ကြိုးတစ်လုံးဂါဝန်အရှည်လေးတွေကတော့ နွေရာသီနဲ့ အလိုက်ဖက်ဆုံးပါပဲ။ အေးအေးလေးနဲ့ အရမ်းနေလို့ကောင်းစေမယ့် ဖက်ရှင်လေးတွေပါ။

မိန်းကလေးပိုဆန်တာမျိုးလေး ကြိုက်ရင်တော့ ကြိုးတစ်လုံးကိုမှ floral ဒီဇိုင်းလေးတွေကို ရွေးဝတ်ပါ။ နွေရာသီနဲ့လည်း အရမ်းလိုက်ပါတယ်။

ကြိုးတစ်လုံးမဝတ်ချင်ရင် လက်ပြတ်လေးတွေဝတ်ပါ။ နွေရာသီအတွက် အရမ်းအဆင်ပြေပြီး ထသွားထလာ
ကောက်ဝတ်လို့လည်း အရမ်းအဆင်ပြေပါတယ်။ ဝတ်ရတာပေါ့ပါးမှုရှိပြီး ချစ်ဖို့ကောင်းစေပါတယ်။

ဒီလိုဂါဝန်အရှည် အပွကြီးတွေဆိုရင် နွေရာသီအတွက် အရမ်းလွတ်လပ်ပေါ့ပါးမှုရှိစေပါတယ်။ ဝတ်လိုက်ရင် အရမ်းချစ်ဖို့ကောင်းတဲ့ပုံစံလေးတွေပါ။ ခရီးသွားရင်လည်း ဝတ်လို့ကောင်းတဲ့ဂါဝန်မျိုး ဖြစ်ပါတယ်။

ရှပ်အင်္ကျီပုံစံကိုမှ ဒီလိုဂါဝန်အရှည်တွေရှိပါတယ်။ ဒီဂါဝန်မျိုးတွေက လက်ရှည်ပေမယ့် အရမ်းဝတ်လို့ကောင်းပါတယ်။ အသားအေးပြီး နွေရာသီနဲ့လည်း အဆင်ပြေသလို အသားမဲမှာ ကြောက်တဲ့သူတွေအတွက်လည်း ကွက်တိပါပဲ။

ဂါဝန်အရှည်ကိုမှ ဒီလိုလက်ပုံစံလေးတွေနဲ့က ရှားပါတယ်။ ဒါပေမယ့် ဝတ်လိုက်ရင် မိန်းကလေးဆန်ပြီး အရမ်းလှပါတယ်။ နွေရာသီနဲ့လည်း လိုက်ဖက်တာကြောင့် ဂါဝန်ဝတ်ရတာကြိုက်ရင် ရွေးချယ်သင့်ပါတယ်။

ဂါဝန်အရှည်ကိုမှ လက်ဖောင်းလေးတွေဆိုရင် မိန်းကလေးဆန်ပြီး ချစ်ဖို့ကောင်းပါတယ်။ နွေရာသီအတွက်လည်း ပေါ့ပေါ့ပါးပါးဖြစ်စေမှာပါ။

နွေရာသီမှာ နေပူထဲသွားလို့ အသားမဲမှာကြောက်ရင် ဒီလိုလက်ရှည်ဂါဝန် အရှည်လေးတွေကို ရွေးဝတ်ပါ။ ဝတ်ရတာလည်းမပူပဲ အသားပါးတာမျိုး၊ ပေါ့ပါးမှုရှိစေတာမျိုး၊ အသားအေးတာမျိုးကို ရွေးဝတ်ပါ။

နွေရာသီမှာ ဂါဝန်အရှည်လေးတွေဝတ်မယ်ဆိုရင် မဖြစ်မနေရွေးချယ်သင့်တာကတော့ ဂါဝန်အဖြူလေးတွေပဲ ဖြစ်ပါတယ်။ အရမ်းအေးပြီး ဝတ်ရတာပေါ့ပါးမှုရှိစေသလို ရှင်းရှင်းလေးနဲ့ အရမ်းလှပါတယ်။

Photo source:www.pinterest.com