သီချင်းအေးအေးလေးတွေ ကြိုက်ကြသူတို့ နားဆင်နိုင်မယ့် Ju Jingyi ရဲ့ OST သီချင်းများ

တရုတ်ကားဆို လက်မလွှတ်တမ်း ကြည့်ရှုတတ်တဲ့ ပရိတ်သတ်တွေဆိုရင်တော့ လက်ရှိ ထိပ်တန်းတရုတ်မင်းသမီးတွေထဲက တစ်ဦးအပါအဝင်ဖြစ်တဲ့ Ju Jingyi နဲ့ ပတ်သက်ပြီး တကူးတက မိတ်ဆက်နေစရာ လိုမယ်မထင်ပါဘူးနော်။

သူမရဲ့ နာမည်ကို သိပ်ပြီးမရင်းနှီးတဲ့ သူတွေဆိုရင်တောင် သူမဆိုထားတဲ့ OST သီချင်းတွေကို TikTok မှာဖြစ်ဖြစ် ကြားဖူးနားဝါရှိလို့ ရင်းနှီးကြမှာပါ။

အသံချိုချို အေးအေးလေးနဲ့ဆိုထားတဲ့ သူမရဲ့ ကိုရီးယားဇာတ်ဝင်တေး OST တွေ အများကြီးထဲကမှ လူကြိုက်အများဆုံးဖြစ်တဲ့ OST သီချင်းကောင်းလေးတွေကို ပရိသတ်တွေအတွက် မျှဝေပေးလိုက်ပါတယ်။

သီချင်းအေးအေးလေးတွေ နားထောင်ရတာကြိုက်တဲ့သူဆိုရင်တော့ ဒီသီချင်းလေးတွေကို ကြိုက်နှစ်သက်မှာ သေချာပါတယ်။

Sigh

ဒီသီချင်းလေးကတော့ သူမ သီဆိုခဲ့ဖူးတဲ့ OST တွေထဲမှာ အကြိုက်ဆုံးတစ်ပုဒ်ပါ။ ၂၀၁၈ ခုနှစ်တုန်းက ထွက်ရှိခဲ့တဲ့ Legend of Yun Xi ဇာတ်ကားထဲက ဇာတ်ဝင်တေးဖြစ်ပြီး ဇာတ်လမ်းရော သီချင်းရောပါ အင်မတန်ကို လူကြိုက်များခဲ့ပါတယ်။ နောက်ပြီးတော့ သီချင်းရဲ့ စာသားလေးတွေက ချစ်သူကိုတစ်ယောက်တည်းထားပြီး ထွက်သွားရလို့ စိတ်မကောင်းမဖြစ်ပါနဲ့၊ သူနဲ့အမြဲ အတူရှိနေမှာပါ လို့ နှစ်သိမ့်နေတာဖြစ်လို့ ရင်ထဲထိရှလွန်းပါတယ်။

Never Part Again

2021 ခုနှစ်က ထွက်ရှိခဲ့တဲ့ Rebirth For You ဇာတ်ကားထဲက Ju Jingyi ရဲ့ နောက်ထပ် တေးသီချင်းကောင်းတစ်ပုဒ်ပါ။ အနောက်က အေးငြိမ့်သာယာတဲ့ တူရိယာအသံလေးတွေ ပေါင်းစပ်ပြီး သီဆိုထားလို့ နားထောင်လို့ကောင်းလှပါတယ်။

Furong

Legend of Yunxi ပြီးနောက် ၂၀၂၀ ခုနှစ်မှာ မင်းသား Zhang Zhehan နဲ့ ထပ်မံရိုက်ကူးခဲ့တဲ့ The Blooms At Ruyi Pavilion ဇာတ်လမ်းတွဲကလည်း အင်မတန်လူကြိုက်များခဲ့ပါတယ်။

The Legend of White Snake

The Legend of White Snake ဇာတ်လမ်းတွဲကတော့ Legend of Yunxi ဇာတ်လမ်းတွဲနဲ့ အောင်မြင်မှု ရရှိပြီးနောက် ဆက်လက်ရိုက်ကူးခဲ့တာဖြစ်ပြီး ဒီဇာတ်ကားထဲက ဇာတ်ဝင်တေးကလည်း သူမရဲ့လူသိများတဲ့ သီချင်းတစ်ပုဒ်ဖြစ်လာခဲ့ပါတယ်။

Looking For The Rain