ဝက်ခြံနဲ့ ဝက်ခြံကြောင့်ကျန်ခဲ့တဲ့ အမာရွတ်တွေရှိလို့ စိတ်ညစ်နေတဲ့သူတွေအတွက် သံပယိုရည်ကိုသုံးပြီး ဝက်ခြံနဲ့အမာရွတ်တွေ သက်သာအောင် ပြုလုပ်နိုင်မယ့်နည်းလမ်းကို ပြောပြပေးလိုက်ပါတယ်။

သံပယိုရည် – စားပွဲတင်ဇွန်း ၁ ဇွန်းနဲ့ ရေသန့် – စားပွဲတင်ဇွန်း ၁ ဇွန်းကို ရောမွှေပြီး Cotton pads (သို့) ဂွမ်းလုံံးလေးနဲ့တို့ယူပြီး ဝက်ခြံနေရာ၊ အမာရွတ်ရှိတဲ့နေရာကို တို့ပေး၊ အုံထားပေးပါ။ ၁၅ မိနစ်လောက်ထားပြီးရင်တော့ ရေသန့်နဲ့ပဲ မျက်နှာသစ်ပေးပါ။ ဒီနည်းလမ်းကို တစ်နေ့တစ်ကြိမ် ပုံမှန်လုပ်ပေးမယ်ဆိုရင်တော့ ဝက်ခြံတွေသက်သာလာပြီး က်ခြံကြောင့်ကျန်ခဲ့တဲ့ အမာရွတ်တွေကလည်း တစ်ဖြေးဖြေးနဲ့ မှိန်သွားမှာပါ။

သံပယိုရည်က အသားခြောက်စေတဲ့အတွက် ဒီနည်းလမ်းကိုလုပ်ပြီးရင်တော့ Toner နဲ့ အစိုဓာတ်ကောင်းကောင်းပေးနိုင်တဲ့ Moisturizer ကို မဖြစ်မနေ လိမ်းပေးရပါမယ်။

သံပယိုရည်နဲ့ တည့်တဲ့သူအတွက်ကတော့ အသားခြောက်ရုံကလွဲရင် ဘာမှမဖြစ်ပါဘူး။ bacteria တွေကိုသေစေပြီး ဝက်ခြံတွေသက်သာမယ်၊ အမာရွတ်တွေပါးလာပြီး ကောင်းတဲ့ Result တွေပဲရမှာပါ။

Sensitive ဖြစ်တဲ့အသားအရေတွေဆိုရင်တော့ အသားခြောက်တာ၊ အသားယားတာ၊ နီရဲတာ၊ စပ်ဖျင်းဖျင်းဖြစ်တာမျိုးတွေ ဖြစ်နိုင်ပါတယ်။

ဒါကြောင့် တစ်ခုခုလုပ်တော့မယ်ဆိုရင် ကိုယ့်အသားအရေနဲ့ တည့်မတည့်ဆိုတာကို သေချာသိဖို့လိုပါတယ်။ မသေချာရင် နည်းနည်း အရင်စမ်းကြည့်တာမျိုးလုပ်ပြီးမှ မျက်နှာပေါ်တင်တာ အကောင်းဆုံးပါပဲ။

Source:www.stylecraze.com