အရပ် ၆ ပေ ၁ လက်မရှိတဲ့ Lee Jae-wook ကိုတော့ “Alchemy of souls” ဇာတ်လမ်းထဲက သခင်လေး ဂျန်အူအနေနဲ့ ရင်းနှီးကြမှာပါ။ တွဲဖက်သရုပ်ဆောင် မင်းသမီး Jung So-Min နဲ့အတူ Chemistry မိမိ သရုပ်ဆောင်ထားတာကို ကြည့်ဖူးသူ ပရိတ်သတ်တိုင်း သိမှာပါ။ ဒီ “Alchemy of souls” ဇာတ်ကားက ဇာတ်အိမ်ကောင်းကောင်းနဲ့ စိတ်ဝင်စားဖို့ ကောင်းတာမို့ Drama ကြိုက် ပရိတ်သတ်တွေ ကြားမှာ ရေပန်းစားတဲ့ နန်းတွင်း ဇာတ်ကားတစ်ကားပါ။

Lee Jae-wook က ကိုယ်ရတဲ့ ဇာတ်ကောင်မှာ ပီပြင်အောင် သရုပ်ဆောင်နိုင်တဲ့အပြင် ထူးခြားကာ ချောမောတဲ့ သူ့ရဲ့ မျက်နှာပုံစံကြောင့် နာမည်ကြီးပါတယ်။

Jae-wook က 1998 Born ဖြစ်ပြီး Taurus ရာသီဖွား တစ်ဦးဖြစ်ပါတယ်။ Lee Jae-wook ကို နောက်ထပ် သိကြတဲ့ ဇာတ်ကောင်ကတော့ “Search WWW” ထဲက မင်းသား ဆိုးဂျီဟွန်း အနေနဲ့ပါ​။ ဒီဇာတ်ကားမှာလည်း မင်းသမီး Lee Da Hee နဲ့အတူ တွဲဖက်ညီညီ သရုပ်ဆောင်ထားပါတယ်။

Jae Wook က သရုပ်ဆောင်ဖြစ်တဲ့အပြင် မော်ဒယ် တစ်ဦးဖြစ်တာကြောင့် သူဝတ်သမျှက အထာကျနေတတ်ပါတယ်။ ခြေတံရှည်ရှည်နဲ့ Lee Jae-wook က ဝတ်လိုက်တဲ့ ဝတ်စုံတိုင်းနဲ့ လိုက်ဖက်နေတတ်ပါတယ်။ ဒီတော့ Lee Jae-wook ရဲ့ ဖက်ရှင်ဝတ်ဆင်ပုံတွေကို ဆက်ကြည့်လိုက်ရအောင်နော်။

Photo source: Pinterest

By MyStyle Myanmar