မင်းသမီး Lee Da Hee ကိုတော့ ကိုးရီးယားဒရာမာထဲမှာ မမ နဲ့ မောင်လေး ဇာတ်လမ်းအများစုထဲက ကျက်သရေရှိရှိ မာနကြီးကြီး မမ အနေနဲ့ ရင်းနှီးကြမှာပါ။ သူမက ပါဝင်သရုပ်ဆောင်တဲ့ ဇာတ်ကားတိုင်းမှာ တွဲဖက်မင်းသားတွေနဲ့ အတွဲညီညီ သရုပ်ဆောင်နိုင်သူ ဖြစ်ပါတယ်။ သူမ ပါဝင်တဲ့ နာမည်ကျော် ဇာတ်ကားတွေကတော့- Beauty Inside, Search WWW တို့ပဲ ဖြစ်ပါတယ်။ ဒီဇာတ်ကားတွေထဲမှာ သူမက ကျိကျိတက် ချမ်းသာပြီး ကျက်သရေရှိစွာနဲ့ အမြဲ လှလှပပ ကျော့ကျော့မော့မော့ နေတတ်သူ အဖြစ် သရုပ်ဆောင်ထားပါတယ်။
ကျက်သရေရှိပြီး ဘုရင်မတစ်ဦးနဲ့ တူတဲ့ ဇာတ်ရုပ်က သူမအတွက် ပေါ်ပေါက်လာသလိုပါပဲ။ ဇာတ်ကားတိုင်းလိုလိုမှာ သူမရဲ့ ဖက်ရှင်ဝတ်ဆင်ပုံတွေက သာမန်ထက် ကွဲထွက်နေတတ်ပြီး ဝတ်သမျှက သူမနဲ့ဆိုရင် ပိုလှသွားတတ်ပါတယ်။ ဒီတစ်ခေါက်မှာတော့ Lee Da Hee ရဲ့ ဒရာမာတွေထဲမှာ ဝတ်ခဲ့ဖူးတဲ့ ကျက်သရေရှိရှိ ဖက်ရှင်ဝတ်ဆင်ပုံတွေကို ဖော်ပြလိုက်ပါတယ်။
သူမရဲ့ ထူးခြားမှုတွေထဲမှာ နားဆွဲကို ပေါ်လွင်စွာ ဝတ်တာပါ။ နားဆွဲခပ်ကြီးကြီးတွေက သူမရဲ့ အလှကို ပိုပေါ်လွင်သွားစေပါတယ်။
ဖက်ရှင်ဝတ်ဆင်ပုံအပြင် သူမရဲ့ နောက်ထပ် ထူးခြားမှုကတော့ လက်ရာမြောက်လွန်းတဲ့ မိတ်ကပ်ပြင်ဆင်မှုပါ။ မိတ်ကပ်ဘယ်လောက်လိမ်းလိမ်း သူမက လှနေဆဲပါ။ မိန်းကလေးတိုင်းလိုလို ဘဝမှာ တစ်ခါလောက် Lee Da Hee လို မိတ်ကပ် Look မျိုး လိုချင်မှာပါ။
သူမက တော်ဝင်ဆန်ဆန် ဝတ်စုံတွေနဲ့ လိုက်ဖက်နေတတ်ပါတယ်။
မောင်လေးတိုင်း ကျရှုံးရတဲ့ မမ Lee Da Hee ဆိုလည်း မမှားပါဘူး။
သူမက အရောင်တွေကို အမျိုးမျိုး တွဲစပ်ဝတ်ဆင်တတ်ပြီး သူမ ဝတ်လိုက်ရင်ကို သူများနဲ့ မတူတော့ဘဲ ပိုမိုက်သွားတတ်ပါတယ်။
Goddess လို့ တင်စားရအောင်အထိ Lee Da Hee က အထာကျကျ ဝတ်ဆင်တတ်ပါတယ်။ ဒီတော့ သူမရဲ့ ဒရာမဇာတ်လမ်းထဲက ဖက်ရှင်တွေကို ဆက်ကြည့်လိုက်ရအောင်။
Photo Source: Pinterest
By MyStyle Myanmar