ကိုးရီးယား နာမည်ကျော် Le Sserafim အဖွဲ့ရဲ့ ပေါ့ပေါ့ပါးပါး ဖက်ရှင်များ

သင်က အခုနောက်ပိုင်း Kpop သီချင်းတွေနဲ့ ရင်းနှီးမယ်ဆိုရင် Le Sserafim အဖွဲ့ကို သိမှာပါ။ Le Sserafim ရဲ့ သီချင်းတိုင်းက မြူးကြွပြီး နားထောင်လို့ ကောင်းတဲ့အပြင် အဖွဲ့ဝင်တွေ အားလုံးက အလှတစ်မျိုးစီနဲ့ လှကြပါတယ်။ Le Sserafim အဖွဲ့ရဲ့ အောင်မြင်တဲ့ သီချင်းတွေကတော့- Fearless, Antifragile စတဲ့ သီချင်းတွေ ဖြစ်ပါတယ်။ ဒီတစ်ခေါက်မှာတော့ Le Sserafim အဖွဲ့ဝင် တစ်ဦးချင်းစီ ဝတ်လေ့ရှိတဲ့ ပေါ့ပေါ့ပါးပါး ဖက်ရှင်တွေကို ဖော်ပြပါရစေ။

Kazuha

ဂျပန်မလေး Kazuha က အဖွဲ့ရဲ့ Visual တွေထဲက တစ်ဦးဖြစ်ပြီး ကြွက်သားနဲ့ ခါးသေးသေးလေးပါ ပိုင်ဆိုင်ထားသူ ဖြစ်ပါတယ်။

သူမက ဒီထဲမှာတော့ ကုတ်အနက် အရှည်နဲ့အတူ Short ကို စတိုင်မိမိ ဝတ်ထားပါတယ်။

ဂျင်းဘောင်းဘီရှည်နဲ့အတူ ဂျင်းအနွေးထည်ကို အထာကျကျ ဝတ်ထားတဲ့ သူမက ဘာဝတ်ဝတ် လှတယ်ဆိုတာ ငြင်းမရပါဘူး။

Sakura

Sakura က Trainee ကာလ ကြာခဲ့တဲ့ အလျောက် ပရိတ်သတ်တွေရဲ့ စိတ်ဝင်စားမှု ခံရသူဖြစ်ပါတယ်။ သူမက ခါးသေးသေးလေးနဲ့ ချစ်ဖို့ကောင်းတဲ့ သူတစ်ယောက်ပါ။

Kim Chae-won က အင်မတန် ကြိုးစားတဲ့ ကောင်မလေးဆိုပြီး ပြောစမှတ်ပြုရသူ တစ်ဦးဖြစ်ပါတယ်။ သူမက Iz*One အဖွဲ့ကနေ Le Sserafim အဖွဲ့ထဲ ရောက်ပြီးမှ သိသိသာသာ တိုးတက်မှု ခြေလှမ်းစိပ်စိပ်တွေကို လှမ်းနိုင်ခဲ့သူ ဖြစ်ပါတယ်။ သူမကလည်း ခါးသေးတာကြောင့် ဘာဝတ်ဝတ် လှနေလေ့ရှိပါတယ်။

ကိုယ့်ကိုယ်ကိုယ် ယုံကြည်မှု အပြည့်နဲ့ Yun-jin က ပေါ့ပေါ့ပါးပါး သဘာဝ ကျကျ ဝတ်ဆင်နိုင်သူ တစ်ဦးဖြစ်ပါတယ်။ သူမက တခြား အဖွဲ့ဝင်တွေလောက် ခါးမသွယ်ပေမယ့် သူ့စတိုင်နဲ့သူ အထာကျကျ ဝတ်တတ်သူ ဖြစ်ပါတယ်။

Le Sserafim အဖွဲ့ရဲ့ အသက်အငယ်ဆုံး အဖွဲ့ဝင်ဖြစ်တဲ့ Eun-chae က ငယ်ရွယ်သူ ပီပီ ချစ်ဖို့ကောင်းလှပါတယ်။ သူမ ဝတ်တဲ့ ဖက်ရှင်စတိုင်တွေကလည်း ချစ်ဖို့ကောင်းလေ့ရှိပါတယ်။