အခုနောက်ပိုင်း ပျိုမေတို့ကြား Layered Haircut က ရေပန်းစားလာပါတယ်။ ဘာလို့လဲဆိုတော့ ဒီ Layerd Haircut က သင့်ကို ပိုငယ်တယ် ထင်ရစေမယ့်အပြင် မျက်နှာပြည့်သူတွေကိုပါ မျက်နှာ ပိုသေးသွားစေလို့ပါ။ ဒါ့အပြင် ဒီဆံပင်စတိုင်က မျက်နှာပိုသွယ်တယ်လို့လည်း ထင်ရစေပါတယ်။ ဒါပေမဲ့ Layerd Haircut ရဲ့ အားနည်းချက်ကတော့ ပုံခဏခဏ သွင်းပေးရတာပါ။ မဟုတ်ရင် အထပ်လိုက်ကြီးနဲ့ သင်လိုချင်တဲ့ ပုံစံကို ပိုင်ဆိုင်မှာ မဟုတ်ပါဘူး။

ဒီတစ်ခေါက်မှာတော့ ကိုးရီးယားဇာတ်လမ်းတွဲထဲမှာ ဇာတ်ကောင်မင်းသမီးတွေ ထားလေ့ရှိတဲ့ နာမည်ကြီး Layered haircut ပုံစံတွေကို သင်နမူနာ ယူနိုင်ဖို့ ဖော်ပြလိုက်ပါတယ်။

Han So Hee (Nevertheless)

မင်းသမီး Han So Hee က Nevertheless ဇာတ်လမ်းထဲမှာ ဂုတ်ကျော်ဆံပင်စတိုင်ကို အလွှာနဲ့ ညှပ်ထားတာပါ။ သူမရဲ့ ဆံပင်စတိုင်က မျက်နှာဘယ်ညာ အချိုးမညီသူတွေနဲ့ပါ လိုက်ဖက်မှာပါ။

Kim Sejeong (Business Proposal)

Business Proposal ထဲက Sejeong ရဲ့ ဆံပင်စတိုင်ကိုလည်း ပျိုမေတို့ တော်တော်များများ သဘောကျကြပါတယ်။ Kim Sejeong ရဲ့ ဆံပင်စတိုင်က မျက်နှာအချိုးအစားတိုင်း လိုလိုနဲ့ လိုက်ဖက်တဲ့ စတိုင်ပါ။

Kim Da Mi (Our Beloved Summer)

Our Beloved Summer ထဲက Kook Yeon-Soo အနေနဲ့ သရုပ်ဆောင်တဲ့ Kim Da Mi ရဲ့ ၂၉ နှစ်အရွယ် ဆံပင်စတိုင်က သူမကို ပိုငယ်တယ်ထင်ရစေပြီး မျက်နှာပိုသွယ်တယ် ထင်ရစေပါတယ်။ Da Mi က ဒီဆံပင်စတိုင်နဲ့ ပိုလိုက်ဖက်တာကိုလည်း ဇာတ်ကားထဲမှာ မြင်တွေ့ရမှာပါ။

Song Hye Kyo (Now, we are breaking up)

ကိုးရီးယား နာမည်ကြီးမင်းသမီး Song Hye Kyo ရဲ့ နောက်ဆုံးထွက်ရှိထားတဲ့ ဇာတ်ကား “Now, we are breaking up” ထဲမှာ သူမရဲ့ အထပ်ကေကို မြင်တွေ့ရမှာပါ။

Choi Soo Young (Run On)

SNSD အဖွဲ့ဝင် အနေနဲ့ သိကြတဲ့ မင်းသမီး Choi Soo Young က ထူးချွန်တဲ့ သရုပ်ဆောင်တစ်ဦးဆိုလည်း မမှားပါဘူး။ အသစ်ထွက်ရှိထားတဲ့ Run On ဇာတ်လမ်းထဲမှာ Choi Soo Young ရဲ့ ဆံပင်စတိုင် အသစ်ကို တွေ့မြင်ရမှာပါ။

Photo Source: Pinterest

By MyStyle Myanmar