ခန္ဓာကိုယ်ပြည့်တဲ့ကောင်မလေးတွေအတွက် မင်းသမီး Lana Condor ရဲ့ဖက်ရှင်များ

Lana Condor ကိုတော့ “To All The Boys” ဇာတ်လမ်းနဲ့ ရင်းနှီးကြမှာပါ။ ငယ်ဘဝက စိတ်ဝင်စားခဲ့ဖူးတဲ့ ကောင်လေးတွေဆီ ရေးခဲ့ဖူးတဲ့ အချစ်စာတွေက ကောင်လေးတွေဆီ တကယ်ရောက်သွားတဲ့အချိန်ကစပြီး အရာရာပြောင်းလဲသွားတဲ့ ကောင်မလေး တစ်ယောက်အကြောင်းကို ရိုက်ကူးထားတာပါ။ Lana က ဒီဇာတ်လမ်းထဲမှာအဓိက ဇာတ်ဆောင်နေရာက ပီပြင်စွာ သရုပ်ဆောင်ထားတာပါ။ လက်ရှိမှာတော့ မင်းသား Cole Sprouse နဲ့Moonshot ဆိုတဲ့ ဇာတ်လမ်းကို ထွက်ရှိထားပါတယ်။

Lana Condor က ချစ်ရသူ မင်းသား Anthony De La Torre နဲ့ အချစ်ခရီးလမ်းကို ပျော်ပျော်ကြီး လျှောက်နေသူတစ်ယောက်ပါ။ Lana ရဲ့ ထူးခြားမှုက သူမကိုယ် သူမ ယုံကြည်မှု ရှိခြင်းပါ။ အထူးသဖြင့် သူမ ခန္ဓာကိုယ် ကို သူမ ချစ်မြတ်နိုးပြီး ယုံယုံကြည်ကြည် နေထိုင်တတ်သူ ဖြစ်ပါတယ်။ သူမရဲ့ ယုံကြည်မှုကို သူမရဲ့ ဓာတ်ပုံတွေထဲကတစ်ဆင့် အထင်းသား တွေ့မြင်နိုင်ပါတယ်။ သင်က သူမလို ခန္ဓာကိုယ်မျိုး ပိုင်ဆိုင်ထားရင် သူမလိုပဲ ယုံကြည်မှုရှိရှိ ဝတ်ဆင်နိုင်ပါတယ်။ ဒီတော့ Lana Condor ရဲ့ ဖက်ရှင်တွေကို ဆက်ကြည့်လိုက်ရအောင်။