ကိုးရီးယားက သင်သဘောကျတဲ့ Kpop Idol တွေရဲ့ ထင်ရှားတဲ့ အမှတ်အသား တစ်ခုကိုပြောပါဆိုရင် ခါးသွယ်သွယ်လေးတွေပါပဲ။ သူတု့ိရဲ့ ခါးသွယ်သွယ်လေးနဲ့ ဝတ်လိုက်တဲ့ ဖက်ရှင်တိုင်းက ဘိုမရုပ်လေး တစ်ရုပ်လို လှနေတတ်ပါတယ်။ သင်က သင်နှစ်သက်တဲ့ Idol တွေလို ခါးသွယ်သွယ်လေး ပိုင်ဆိုင်ချင်တယ်ဆိုရင်တော့ အစားအသောက် ဂရုစိုက်ရမှာ ဖြစ်သလို လေ့ကျင့်ခန်းလည်း ပုံမှန်လုပ်ပေးသင့်ပါတယ်။ ဒီတော့ ပြုလုပ်နိုင်မယ့် လေ့ကျင့်ခန်းတွေကို ကြည့်လိုက်ရအောင်နော်-
၁။ Spiderman Plank
Photo Source: Pinterest
- လက်ကို အားပြုထောက်ပြီး ခန္ဓာကိုယ်ကို တစ်တန်းတည်း ထားပေးရပါမယ်။
- ပြီးနောက် ဘယ်ခြေထောက်ကို ဘေးဘက် ကွေးပေးရပါမယ်။
- ညာဘက်ကိုလည်း ဒီလိုပဲ လုပ်ရပါမယ်။
- ဘယ်ညာ တစ်လှည့်စီ စက္ကန့် ၃၀ စာ ၄ ကြိမ်လုပ်ရပါမယ်။
၂။ Oblique Crunch
Photo Source: Pinterest
- လက်တစ်ဖက်ကို ထောက်ထားပေးပြီး ခန္ဓာကိုယ်ကို ဘယ်ဘက် စောင်းထားရပါမယ်။
- ဒီအနေအထားနဲ့ အပေါ်ကို မြှောက်ပေးရပါမယ်။
- ဘယ်ဘက်စောင်းတာကို စက္ကန့် ၃၀ စာ လေးခါ လုပ်ရပါမယ်။
- ပြီးနောက် ညာဘက်ကိုလည်း ပုံထဲကအတိုင်း စောင်းလျက် လုပ်ပေးရပါမယ်။
၃။ Side Plank Pulses
Photo Source: Popsugar
- ဘယ်ဘက်တံတောင်ကို ထောက်ထားပြီး ခါးနဲ့ တင်ပါးကို အားပြုကာ နဂိုနေရာကနေ အပေါ် ဘက် မြှင့်ပေးရပါမယ်။
- ဘယ်ဘက်ကို စက္ကန့် ၃၀ စာ လေးကြိမ်လုပ်ရပါမယ်။
- ညာဘက်ကိုလည်း ဒီပုံစံအတိုင်း လုပ်ရပါမယ်။
၄။ Plank knee to elbow
Photo Source: Gfycat
- လေ့ကျင့်ခန်း နာမည်အတိုင်း ဘေးစောင်း Plank ထောက်တဲ့ပုံစံ နေပေးရပါမယ်။
- ပြီးနောက် အပေါ်ဘက် ဒူးနဲ့ တံတောင်ကို ထိအောင် လုပ်ရပါမယ်။
- ဒါကို ဘယ်ဘက် စက္ကန့် ၃၀ စာ လေးကြိမ်နဲ့ ညာဘက် စက္ကန့် ၃၀ စာ လေးကြိမ်လုပ်ရပါမယ်။
၅။ Alternate Heel Touch
Photo Source: Pinterest
- အိပ်လျက်အနေအထားနဲ့ နေပြီး ဒူးကွေးထားရပါမယ်။
- လက်နှစ်ဖက်ကို ဘေးဖက် ဆန့်ထားရပါမယ်။
- ပြီးနောက် ပခုံးကို မထားပြီး ဘယ်ညာ တစ်လှည့်စီ ခြေဖနောင့်နဲ့ ဆန့်ထားတဲ့ လက်ကို ထိပေးရပါမယ်။
- ဒါကို ၁ မိနစ်စာ လေးကြိမ် လုပ်ရပါမယ်။
By MyStyle Myanmar
