Kpop သီချင်းမြူးမြူးလေးတွေက သင့်ကို ပျော်ရွှင်မှု ပေးတဲ့အပြင် အတူ လိုက်ကချင်စိတ်ပါ ဖြစ်စေတာကိုတော့ သင်ငြင်းရမှာ မဟုတ်ပါဘူး။ အထူးသဖြင့် Kpop သီချင်းတိုင်းလိုလိုမှာ ထူးခြားတဲ့ ကကွက်လေးတွေ ပါနေတတ်ပါတယ်။ အနီးစပ်ဆုံး ဥပမာ ပေးရရင် PSY သီချင်း “Gangnam Style” ထဲက မြင်းစီးအက လိုမျိုးပါ။
ဒီတစ်ခေါက်မှာတော့ Kpop သီချင်းကို ကြိုက်နှစ်သက်ပြီး လိုက်ကတတ်တဲ့ ပျိုမေတို့အတွက် ဝိတ်ပါကျစေမယ့် ကကွက်တွေ ပါဝင်တဲ့ သီချင်းတွေကို ဖော်ပြပါရစေ။
၁။ Uh-Oh by (G)I-dle
Hip Hop Vibe ပါဝင်တဲ့ သီချင်းတွေကို ဆိုလေ့ရှိတဲ့ (G)I-dle အဖွဲ့က သူတို့ရဲ့ သီချင်းတိုင်းလိုလိုမှာ ထူးခြားတဲ့ Beat တွေ ပါဝင်ပြီး မြူးကြွလှပါတယ်။ မကောင်းတဲ့ သီချင်း မရှိတဲ့ (G)I-dle အဖွဲ့ရဲ့ Uh-Oh က လှုပ်ရှားမှု မျိုးစုံ ပါတဲ့အပြင် တစ်နေရာကနေ တစ်နေရာကို အမြန် လှုပ်ရှားရတာမို့ ဝိတ်ကျမှာ မလွဲမသွေပါပဲ။
၂။ Secret Story of the Swan by IZ*ONE
ခြေထောက် Movement နဲ့အတူ ခန္ဓာကိုယ်ကိုပါ ဘယ်ညာ ယိမ်းပေးရတာမို့ တစ်ကိုယ်လုံးစာ ဝိတ်ကျစေမယ့် ကကွက်တွေ ပါဝင်တဲ့ သီချင်းပါ။ ဒါ့အပြင် သီချင်းက Powerful Beat ဖြစ်တာမို့ သင့်အတွက် ကရတာ ပိုအားပါ မှာပါ။
၃။ Dance the night away by Twice
သီချင်းခေါင်းစဉ်လိုပဲ အပီအပြင်ကရမယ့် သီချင်းပါ။ အထူးသဖြင့် Chorus အပိုဒ်မှာ ခုန်ရတာ ပါတာမို့ သင့်အတွက် ဝိတ်ကျဖို့ မလွဲမသွေပါပဲ။ တစ်ကိုယ်လုံး လှုပ်ရှားရတဲ့အပြင် သီချင်းက မြူးတာမို့ သင့်ကိုပါ ပျော်ရွှင်စေမှာပါ။
၄။ Pretty Savage by Blackpink
Blackpink ရဲ့ သီချင်းဆိုမှတော့ မကောင်းမှာ စိတ်ပူစရာ မလိုတော့ပါဘူး။ ဒီသီချင်းမှာတော့ ခန္ဓာကိုယ်ကို Twist လုပ်ရတာတွေ ပါတဲ့အပြင် ခေါင်းပါ လှုပ်ရတာမို့ သင့်ခန္ဓာကိုယ် အဆီအပြင် မျက်နှာအဆီကိုပါ ကျစေပါလိမ့်မယ်။
၅။ Why Not by Loona
ဒီသီချင်းကလည်း ဝိတ်ကျစေမယ့် ကကွက်တွေကို အများအပြား ထည့်ထားတဲ့ သီချင်းပါ။ Chorus ပိုဒ်မှာ ပိုမြန်လာပြီး သင်ပါ အမှီလိုက်က နိုင်မယ်ဆိုရင် ဝိတ်ကျဖို့ ကျိန်းသေပေါက် သေချာပါတယ်။
Photo Source: Pinterest
By MyStyle Myanmar
