၂၀၂၁ ခုနှစ် MAMA ဆုပေးပွဲမှာ ထူးချွန်ဆုပေါင်း (၉) ဆုအထိရရှိခဲ့ပြန်တဲ့ ကမ္ဘာကျော် BTS အဖွဲ့

နှစ်စဉ်ကျင်းပလေ့ရှိတဲ့ အာရှရဲ့အကြီးဆုံး အနုပညာရှင်ထူးချွန်ဆုပေးပွဲဖြစ်တဲ့ MAMA (Mnet Asian Music Awards) ကိုတော့ ကိုးရီးယားနိုင်ငံမှာ ယခုနှစ် ဒီဇင်ဘာလ ၁၁ ရက်နေ့က ကျင်းပခဲ့တာပဲဖြစ်ပါတယ်။ ဒီပွဲမှာကမ္ဘာကျော် Kpop အနုပညာရှင်များစွာဆုရရှိခဲ့ကြပြီး BTS အဖွဲ့ဟာဆိုရင် တစ်နှစ်စာအတွက် ဆုပေါင်း (၉) ဆုအထိ သိမ်းပိုက်နိုင်ခဲ့တာကိုတွေ့ရပါတယ်။

Photo Source: News18

BTS အဖွဲ့ဟာ လက်ရှိမှာ ကမ္ဘာအကျော်ကြားဆုံး Kpop အဖွဲ့တစ်ခုဖြစ်ပြီး မကြာသေးခင်က ကယ်လီဖိုးနီးယားနိုင်ငံ Los Angeles မှာ အဖွဲ့ဖျော်ဖြေပွဲကြီးတစ်ခုကို လေးရက်တိုင် အောင်အောင်မြင်မြင်ကျင်းပခဲ့ပါသေးတယ်။

ယခုနှစ် MAMA ပွဲကိုတော့ အချိန်မအားလပ်မှုကြောင့် အဖွဲ့ဝင်တွေကိုယ်တိုင် မတက်ရောက်နိုင်ခဲ့ပေမယ့် ပွဲရဲ့ Daesang (Grand Prizes) ဆုကြီး (၄) ဆုအပါအဝင် စုစုပေါင်း (၉) ဆုကို BTS အဖွဲ့က ရရှိသွားခဲ့တာ ဖြစ်ပါတယ်။

BTS ဟာ MAMA ပွဲရဲ့ဆုကြီးအားလုံးကို သုံးနှစ်ဆက်တိုက် ရယူနိုင်ခဲ့တာဖြစ်ပြီး လက်ရှိမှာ Kpop လောကရဲ့ ဆုကြီးအများဆုံးပိုင်ဆိုင်ထားသူတွေလည်း ဖြစ်ကြပါတယ်။

သူတို့ဟာ တစ်နှစ်တာအကောင်းဆုံး အနုပညာရှင်ဆုကို ၂၀၁၆ ခုနှစ်ကစလို့ (၆) နှစ်ဆက်တိုက်ရရှိခဲ့ပြီး အကောင်းဆုံး သီချင်း Album ဆု၊ Worldwide Icon ဆုတို့ကိုတော့ (၄) နှစ်ဆက်တိုက် သိမ်းပိုက်ထားခဲ့တာ ဖြစ်ပါတယ်။ ဒီနှစ်မှာ အခြားဆုတွေဖြစ်တဲ့ Best Male Group, Best Dance Performance (Male Group), Best Music Video, Tiktok Favorite Moment နဲ့ Worldwide Fan’s Choice Top10 တို့ကိုပါရရှိခဲ့ပါတယ်။ BTS အဖွဲ့ရဲ့အောင်မြင်မှုကတော့ အံ့မခန်းပါပဲနော်။

Photo Source: US_BTS_ARMY

ဒီပွဲမှာ အဖွဲ့ဝင်တွေဟာ ကိုယ်တိုင်မတတ်ရောက်နိုင်ပေမယ့် ဆုရရှိခြင်းနဲ့ပက်သက်ပြီး သူတို့ရဲ့ပရိသတ်တွေအတွက် အသီးသီး ကျေးဇူးတင်စကားပေးပို့ခဲ့ပါတယ်။ အဖွဲ့ဝင်တွေအားလုံးက ပရိသတ်တွေရဲ့အားပေးမှုကို ကျေးဇူးတင်ကြောင်း၊ ဆုရရှိခြင်းကိုများစွာဂုဏ်ယူမိကြောင်းနဲ့ နောက်နှစ်တွေမှာ ချစ်ရတဲ့ပရိသတ်တွေအတွက် ပိုပြီးအားဖြစ်စေမယ့် သီချင်းကောင်းတွေ၊ Performance တွေချပြနိုင်အောင် ကြိုးစားသွားမှာဖြစ်ကြောင်းကို ပြောပြခဲ့ကြပါတယ်။