ထူးခြားတဲ့အသံချိုချိုလေးပိုင်ဆိုင်ထားတဲ့ တောင်ကိုးရီးယား Solo အဆိုတော် Seori ရဲ့ ပေါ့ပေါ့ပါးပါးဖက်ရှင်များ

Kpop သီချင်းချစ်သူပရိသတ်များအားလုံးပဲမင်္ဂလာပါနော်။ ၂၀၂၀ ခုနှစ်ကမှ ပွဲဦးထွက်ခဲ့တဲ့ Solo အနုပညာရှင် Seori ဟာဆိုရင် သူမရဲ့ ထူးခြားတဲ့အသံနဲ့ ဆိုဟန်ကြောင့် အချိန်တိုအတွင်း လူသိများလာခဲ့သူတစ်ဦးဖြစ်ပါတယ်။ သူမကို ၁၉၉၆ခုနှစ် နိုဝင်ဘာလ ၁၆ရက်နေ့မှာမွေးဖွားခဲ့ပြီး နာမည်အရင်းကတော့ Baek Sohyun ဖြစ်ပါတယ်။

Seori ဟာ ပွဲဦးမထွက်ခင်တစ်နှစ်အလိုမှာ ကိုယ်ပိုင် Youtube Channel တစ်ခုနဲ့အတူ Cover Song တွေ သီဆိုခဲ့ပြီး “?depacse ohw” ဆိုတဲ့ သီချင်းခြောက်ပုဒ်ပါဝင်တဲ့ Mini Album နဲ့ပွဲဦးထွက်ခဲ့ပါတယ်။

သူမဟာ ထူးခြားတဲ့အသံအေးအေးချိုချိုလေး ရှိရုံမကဘဲ သီဆိုထားတဲ့ သီချင်းတွေအားလုံးကိုလည်း ကိုယ်တိုင်ရေးစပ်ခဲ့သူတစ်ဦးဖြစ်ပါတယ်။ ကမ္ဘာကျော် Kpop အဖွဲ့ဖြစ်တဲ့ TXT အဖွဲ့၊ Day 6 အဖွဲ့ဝင် eaJ တို့နဲ့လည်း တွဲဖက်သီချင်းတွေသီဆိုခဲ့ပြီး ဒီနှစ်မှာထွက်ရှိခဲ့တဲ့ သူမရဲ့ “Lovers In The Night” ဆိုတဲ့ English သီချင်းဟာဆိုရင် Youtube မှာ ကြည့်ရှူသူပေါင်း ၄ မီလီယံကျော်အထိ ပိုင်ဆိုင်ထားခဲ့ပြီပဲဖြစ်ပါတယ်။ မကြာသေးခင်ကမှ LA နိုင်ငံမှာပြုလုပ်တဲ့ Music Festival တစ်ခုမှာဖျော်ဖြေပေးခဲ့ပြီး တဖြည်းဖြည်းနဲ့ အောင်မြင်မှုတွေပိုင်ဆိုင်လာတဲ့ တစ်ကိုယ်တော်အနုပညာရှင်အဖြစ် ရပ်တည်လျက်ရှိပါတယ်။