ကိုးရီးယား ဒရမ်မာကားအသစ်တွေ မလွတ်တမ်းကြည့်တတ်ကြတဲ့ ပရိသတ်တွေကတော့ လတ်တလောထွက်ရှိထားတဲ့ “Alchemy Of Souls” ဆိုတဲ့ ဇာတ်လမ်းထဲက မင်းသမီးချောလေး Go Yung Jung ကို မြင်ဖူးကြမှာပါ။ သူမဟာ မင်းသမီးမဖြစ်ခင်ကတည်းက နာမည်ကြီး Model တစ်ဦးအနေနဲ့ လူသိများခဲ့တဲ့သူလေးဖြစ်ပါတယ်။


သူမပါဝင်ရိုက်ကူးခဲ့တဲ့ “Alchemy Of Souls” ဇာတ်ကားဟာ ၂၀၂၂ နှစ်ကုန်ပိုင်းမှာပဲ Season 2 ထွက်ဖို့ အတည်ပြုထားပြီး ဒီထဲမှာ Yung Jung က အဓိကဇာတ်ဆောင်အနေနဲ့ ပါဝင်ရိုက်ကူးထားတယ်လို့လည်း သိရပါတယ်။ ဒီလို သရုပ်ဆောင်လောကမှာပါ နာမည်ရလာတဲ့ သူမကတော့ ငယ်ငယ်ကတည်းက အနုပညာပိုင်း ဝါသနာပါသူလေးဖြစ်ပြီး ၇ နှစ်လောက် ပန်းချီပညာသင်ခဲ့သူဖို့ ပန်းချီကောင်းကောင်းဆွဲတတ်တဲ့သူ တစ်ယောက်လည်းဖြစ်ပါတယ်။

Photo Source: Go Yung Jung Instagram

အသက် ၂၆ နှစ်ရှိပြီဖြစ်တဲ့ သူမဟာ ပြစ်မျိုးမှဲ့မထင်တဲ့ Visual နဲ့ Model တစ်ဦးလို့ ပြောစရာမလိုအောင် ပြေပြစ်တဲ့ ခန္ဓာကိုယ်အချိုးအစားကျကျကို ပိုင်ဆိုင်ထားသူပါ။ ထိပ်တန်းမော်ဒယ်တစ်ဦးဖြစ်တာမို့ Elle ၊ Vogue နဲ့ Cosmopolitan စတဲ့နာမည်ကြီးမဂ္ဂဇင်းတွေရဲ့ မျက်နှာဖုံးအဖြစ် မကြာခဏဖော်ပြခံရဖူးသူလေးဆိုရင်လည်း မမှားပါဘူး။

ဒါကြောင့်မို့ ဒီတစ်ခေါက်မှာ မော်ဒယ်နဲ့ မင်းသမီးချောလေး Yung Jung ရဲ့ အမိုက်စားဖက်ရှင်လေးတွေကို ဖော်ပြပေးသွားမှာပါ။ စိတ်ဝင်စားရင် ကြည့်လိုက်ရအောင်နော်။

Photo Source: Pinterest

By MyStyle Myanmar