ဇာတ်လမ်းတွဲအနေနဲ့လည်း ပြန်လည်ရိုက်ကူးသင့်တဲ့ ကိုရီးယား ဇာတ်ကားကောင်း (၆) ကား

စာဖတ်သူဟာ ကိုရီးယား ဇာတ်လမ်းတွဲတွေသာမက ဇာတ်ကားတွေကိုရော ကြိုက်နှစ်သက်တဲ့သူတစ်ဦးဖြစ်ပါသလား။ ဒါဆိုရင်တော့ အကောင်းဆုံး ကိုရီးယား ဇာတ်ကား (၆) ကားကို မျှဝေပေးချင်ပါတယ်။

ကြည့်ပြီးကြတဲ့ သူတွေလည်း ရှိမှာဖြစ်ပေမယ့် မကြည့်ရသေးတဲ့ သူတွေအတွက် မျှဝေပေးလိုက်တယ်နော်။

The Villainess

ဒီကားမှာတော့ မင်းသမီးချော Kim Ok Bin က Sook Hee ဆိုတဲ့ ရက်စက်တဲ့ လုပ်ကြံသတ်ဖြတ်သူအဖြစ် သရုပ်ဆောင်ထားပါတယ်။ တစ်ကားလုံး ချခန်း သတ်ခန်းတွေနဲ့ချည်း ပြည့်နေတာမို့ အက်ရှင်ကားကြိုက်သူတွေဆိုရင် အင်မတန်သဘောကျကြမှာပါ။

A Werewolf Boy

မင်းသား Song Joong Ki နဲ့ မင်းသမီး Park Bo Yong တို့ သရုပ်ဆောင်ထားတဲ့ကားပါ။ Song Joong Ki ပိုပြီး နာမည်ကြီးလာတဲ့အချိန် ဒီဇာတ်ကားကို ပြန်ရှည်ပြီး ကြည့်ကြတဲ့ ပရိသတ်တွေလည်းရှိပါတယ်နော်။

Veteran

ဒိတ်ဒိတ်ကြဲမင်းသားနှစ်ဦးဖြစ်ကြတဲ့ Hwang Jung Min နဲ့ Yoo Ah In တို့က အပြိုင် ပါဝင်သရုပ်ဆောင်ထားကြပါတယ်။ ကိုရီးယားနိုင်ငံမှာသာမက နိုင်ငံတကာမှာလည်း ရေပန်းစားခဲ့တဲ့ ဇာတ်ကားတစ်ကားဖြစ်လို့ ဒရမ်မာအနေနဲ့ ပြန်ရိုက်မယ်ဆိုရင် တော်တော်လေးကို ကောင်းမှာပါ။

Along With the Gods: The Two Worlds

ဒီဇာတ်ကားထဲမှာတော့ မင်းသား Ha Jung Woo, Kim Hyang Gi, Joo Ji Hoon, Cha Tae Hyun တို့က အဓိက ပါဝင်သရုပ်ဆောင်ထားကြပြီး မိခင်နဲ့ သားသမီးကြားက ချစ်ခြင်းမေတ္တာကို ဖော်ကျူးထားလို့ မျက်ရည်ဖြိုင်ဖြိုင်ကျစေမှာပါ။

The Outlaws

Ma Dong Seok နဲ့ Yoon Kye Sang တို့က အဓိက ဇာတ်ကောင်တွေဖြစ်ပြီးတော့ သူလည်းပဲ Box Office တော်တော်ရခဲ့တဲ့ ဇာတ်ကားကောင်းတစ်ကား ဖြစ်ပါတယ်။ အခုချိန်ထိလည်း ဒီဇာတ်ကားထဲက ဒိုင်ယာလော့ခ်တွေက နာမည်ကြီးဆဲပါပဲ။

My Annoying Brother

“My Annoying Brother” မှာတော့ မင်းသား Jo Jung Suk နဲ့ EXO အဖွဲ့ဝင် D.O တို့က ပါဝင်သရုပ်ဆောင်ထားကြပြီး ဟာသဇာတ်ကားလေးပဲဖြစ်ပါတယ်။ ဟာသဇာတ်ကားလေးဆိုပေမယ့် Ending ကတော့ Sad Ending ဖြစ်လို့ တစ်သျှူးဆောင်ထားရပါမယ်။