ဖက်ရှင်အကြောင်းစိတ်ဝင်စားကြတဲ့ စာဖတ်သူတို့အားလုံးပဲ မင်္ဂလာပါနော်။ ကိုးရီးယား အနုပညာအစီအစဉ်တွေ ကြည့်နေကျသူတွေကတော့ Street Woman Fighter ဆိုတဲ့အကပြိုင်ပွဲကို ကြားဖူးပြီးသားဖြစ်မှာပါ။ ဒီအစီအစဉ်ရဲ့ Season 2 မှာ BEBE ဆိုတဲ့အကအဖွဲ့နဲ့အတူ ပါဝင်ယှဉ်ပြိုင်နေတဲ့ အကပညာရှင် Bada Lee ဟာဆိုရင် သူမဖန်တီးထားတဲ့ အမိုက်စားကကွက်တွေ၊ မျက်စိမလွှဲနိုင်အောင် အထာကျတဲ့ ကဟန်တွေကြောင့် လတ်တလော လူကြိုက်များလာတဲ့ အကပညာရှင်တစ်ဦးဖြစ်ပါတယ်။


အသက် ၂၈ နှစ်အရွယ်သူမဟာ ငယ်စဉ်ကတည်းက အကကိုရှုးသွပ်သူဖြစ်တာကြောင့် JustJerk Academy ဆိုတဲ့ အက Studio အောက်မှာအဖွဲ့ဝင်အဖြစ် အကပညာသင်ခဲ့ပြီး နောက်ပိုင်းမှာတော့ Kpop လောကရဲ့ နာမည်အကြီးဆုံးအဆိုတော်တွေဖြစ်တဲ့ EXO ၊ NCT ၊ BLACKPINK ၊ Aespa ၊ The Boyz တွေရဲ့ ကကွက်ဖန်တီးရှင်၊ Backup Dancer အနေနဲ့ပါ ပါဝင်လုပ်ကိုင်ခဲ့ပါတယ်။


Bada ဟာ သူမရဲ့ ကကွက်တစ်ခုချင်းမလွတ်စေရအောင် ပိုင်နိုင်လွန်းတဲ့ အကစွမ်းရည်ကြောင့် ယောကျ်ားလေး၊ မိန်းကလေးမရွေး ကြွေဆင်းခြင်းခံရတဲ့ အထာကျကျ အကသမားတစ်ယောက်ဆိုရင်လည်း မမှားပါဘူး။ သူမဟာ Dancer ပီပီ ဖက်ရှင်ပိုင်းမှာလည်း လွတ်လွတ်လပ်လပ်နဲ့ ခပ်ပွပွဖြစ်မယ့် Boyish ဖက်ရှင်လေးတွေ ပိုရွေးဝတ်လေ့ရှိသူပါ။

သူမရဲ့ဖက်ရှင်တွေက ယောကျာ်းလေးဆန်ဆန်ဝတ်ရတာမျိုးကို ကြိုက်တဲ့ပျိုမေတို့အတွက် ကွက်တိပဲမို့ ဒီတစ်ခေါက်မှာ Bada Lee ရဲ့ အမိုက်စားဖက်ရှင်လေးတွေကို စုစည်းဖော်ပြပေးလိုက်ပါတယ်။ စိတ်ဝင်စားတယ်ဆိုရင် ကြည့်လိုက်ရအောင်နော်-

Photo Source: Pinterest

By MyStyle Myanmar