ကိုရီးယား ဘီယွန်းစေးလို့ ပရိတ်သတ်တွေတင်စားခေါ်ဝေါ်ကြတဲ့ အဆိုတော် Ailee ရဲ့ ဖက်ရှင်များ

အားလုံးပဲ မင်္ဂလာပါ။ အသံအားကောင်းလှတာကြောင့် Debut လုပ်တဲ့အချိန်ကစပြီး လူသိများလာခဲ့တဲ့ တစ်ကိုယ်တော်အဆိုတော် Ailee ကို သိကြမှာပါနော်။

Ailee ဟာ ကိုရီးယား−အမေရိကန်စပ်တစ်ယောက်ဖြစ်ပြီး တေးရေးတေးဆို နှစ်ခုလုံးကို လုပ်ကိုင်နိုင်ပါတယ်။ ၂၀၁၂ ခုနှစ် ဖေဖော်ဝါရီလ ၉ ရက်နေ့မှာ YMC Entertainment လက်အောက်ကနေ Heaven လို့ခေါ်တဲ့သီချင်းနဲ့ Debut လုပ်ခဲ့ပြီး ၂၀၁၉ ခုနှစ်ရောက်လို့ စာချုပ်ကုန်သွားတဲ့အခါ စာချုပ်အသစ်ပြန်မချုပ်တော့ဘဲ Rocket3 Entertainment လို့အမည်ရတဲ့ ကိုယ်ပိုင်ကုမ္မဏီထောင်ခဲ့ပါတယ်။

သူမရဲ့ကိုရီးယားနာမည်ကတော့ Lee Ye Jin ဖြစ်ပြီး Ailee ကို ၁၉၈၉ ခုနှစ်၊ မေလ ၃၀ ရက်နေ့မှာ မွေးဖွားခဲ့တာဆိုတော့ အခုဆိုရင် အသက် ၃၂ နှစ် ပြည့်သွားပါပြီ။

Ailee က New Jersey, USA မှာ ကြီးပြင်းခဲ့တာဖြစ်ပြီး အသက် ၁၆ နှစ်အရွယ်ကစလို့ သီချင်းဆိုတဲ့အလုပ်ကို လေးလေးနက်နက် စတင်လုပ်ကိုင်ခဲ့ပါတယ်။ SISTAR အဖွဲ့ဝင်ဟောင်း Hyorin ၊ T-ARA အဖွဲ့ဝင် Jiyeon တို့နဲ့အတူ 2012 ခုနှစ်တုန်းက ထွက်ရှိခဲ့တဲ့ Dream High 2 မှာလည်း ပါဝင်သရုပ်ဆောင်ခဲ့ပါသေးတယ်။