တက်တူးကိုယ်စီရှိကြတဲ့ တောင်ကိုရီးယားက နာမည်ကျော်မင်းသမီးချောများ

တက်တူးဖက်ရှင်ဟာ ယခုနောက်ပိုင်းတွင် လူငယ် လူရွယ်များအကြား ခေတ်စားလာသော ဖက်ရှင်တစ်ခုဖြစ်ပါတယ်။ မိမိခန္ဓာကိုယ်ပေါ်တွင် တက်တူးများရေးထိုးခြင်းအားဖြင့် မိမိရင်ထဲက အနုပညာကို ကိုယ်တိုင်ကိုယ်ကျ ပုံဖော်ရေးထိုးနိုင်ပါတယ်။

သင့်အနေနဲ့ တက်တူး မရေးထိုးခင်မှာ ကိုယ်နဲ့လိုက်ဖက်မယ့် တက်တူးဒီဇိုင်းများကို သေချာရွေးချယ်သင့်ပါတယ်။ အနုပညာရှင်များ ရေးထိုးလေ့ရှိကြတဲ့ တက်တူးများကို ကြည့်ပြီးလည်း တက်တူးဒီဇိုင်းအချို့ မှီငြမ်းနိုင်ပါတယ်။

ကိုရီးယား အနုပညာရှင်တွေဟာဆိုရင်လည်း သူတို့ခန္ဓာကိုယ်ရှိ တက်တူးကို အဓိပ္ပာယ်အမျိုးမျိုးဖြင့် ရေးထိုးလေ့ရှိကြပါတယ်။

Gong Hyo Jin

Camellia Blooms မင်းသမီးချော Gong Hyo Jin ကတော့ သူမရဲ့တက်တူးနဲ့ပတ်သက်ပြီး ပြသဖို့ ဝန်မလေးသူပါ။ သူမရဲ့လက်ချောင်းလေးတွေပေါ်မှာ တက်တူးအသေးလေးနှစ်ခုရှိပါတယ်။ ဘယ်လက်ညိုးပေါ်မှာ Peace ပုံစံတက်တူးလေးဖြစ်ပြီး လက်စွပ်ဝတ်တဲ့ လက်ချောင်းပေါ်မှာ Love လို့ ထိုးထားပါတယ်။ အဲ့တာအပြင် အထင်ရှားဆုံးကတော့ ဘယ်ဖက်ပုခုံးပေါ်က တက်တူးအကြီးပါပဲ။

Han Ye Seul

မင်းသမီး Han Ye Seul မှာ တက်တူး ၁၀ ခုကျော်ရှိပြီးတော့ တစ်ခုချင်းစီမှာ ထူးခြားတဲ့အဓိပ္ပာယ်လေးတွေရှိနေပါတယ်။ တစ်ခုကိုပဲ ရွေးပြောရမယ်ဆိုရင်တော့ သူမရဲ့ ညာဖက်ပုခုံးက မြွေပုံတက်တူးကတော့ တိရိစ္ဆာန်လိုပဲ အရေခွံခွာပြီး အသစ်လဲလိုက်သလို သူမရဲ့အတိတ်ကိုလည်း ချန်ထားခဲ့ချင်ပြီဆိုတဲ့ အဓိပ္ပာယ်နဲ့ပါ။

Bae Suzy

Bae Suzy ကတော့ တက်တူးနှစ်ခုရှိပြီး အရွယ်အစားသေးသေးလေးတွေပါ။ ပထမတစ်ခုကတော့ မကြာမကြာတွေ့ရလေ့ရှိပြီး သူမရဲ့ဘယ်လက်ချောင်းလေးမှာရှိတဲ့ အသည်းပုံသေးသေးလေးပါ။ နောက်တစ်ခုကတော့ လည်ပင်းအနောက်ဖက်မှာဖြစ်ပြီး အသည်းပုံသေးသေးလေးမှာ Cross အသေးလေး စိုက်နေတဲ့ပုံပါ။

Jung Ryeo Won

မင်းသမီး Jung Ryeo Won ရဲ့ တက်တူးတွေထဲက တစ်ခုဖြစ်တဲ့ “epignosis” ဆိုတဲ့ တက်တူးကတော့ အဓိပ္ပာယ်လေးနက်ပြီးတော့ သိသာထင်ရှားတဲ့တက်တူးပါ။

Han So Hee

The World of the Married နဲ့ တရှိန်ထိုး နာမည်ရလာခဲ့တဲ့ မင်းသမီးချော Han So Hee ကတော့ သရုပ်ဆောင်ဖြစ်မလာခင် သူမရဲ့လက်နှစ်ဖက်က တက်တူးတွေနဲ့ မဂ္ဂဇင်းတွေ ကြော်ငြာတွေရိုက်ကူးခဲ့ဖူးပါတယ်။ ဒါပေမယ့် သရုပ်ဆောင်အလုပ် စတင်လုပ်ကိုင်ဖို့အတွက် ထိုတက်တူးတွေကို ဖျက်လိုက်ရတဲ့အကြောင်းလည်း မကြာမကြာ ပြောဖူးပါတယ်။