အမျိုးသားတွေက ဝိုင်နဲ့ တူတယ်လို့ တင်စားမယ်ဆိုရင် မမှားနိုင် လောက်ဘူး ထင်ပါတယ်။ ဘာလို့ဆို ဝိုင်ဟာ နှစ်ချို့လေ ပိုကောင်းလေ လို့ ပြောကြသလိုပါပဲ အမျိုးသားတွေကလည်း အသက်ကြီးလေ ပိုပြီး ဆွဲဆောင်မှုရှိရှိနဲ့ ကြည့်ကောင်းလာကြတာ ဖြစ်ပါတယ်။
ဒါကို သက်သေပြဖို့အတွက် မြန်မာပရိသတ်တို့ တချိန်က အသည်းစွဲဖြစ်ခဲ့ရတဲ့ နာမည်ကြီး မင်းသားတွေကို ကြည့်မယ်ဆိုရင် သိနိုင်ပါတယ်။
ကဲ ဒါဆို အသက်ကြီးလေ ပိုချောလေ ဆိုတာကို သက်သေပြခဲ့ကြတဲ့ ဆွဲဆောင်မှု အရှိဆုံး အသက် ၅၀ တန်းဝင် ကိုရီးယား မင်းသားကြီးတွေက ဘယ်သူတွေဖြစ်မလဲဆိုတာ ကြည့်လိုက်ရအောင်ပါ။
(၁) Lee Byung Hun
မင်းသားကြီး Lee Byung Hun ကတော့ ပရိသတ်တွေရဲ့ နှလုံးသားထဲ အမြဲနေရာ ယူထားတဲ့ မင်းသားတစ်ယောက်လို့ ပြောရင် မမှားနိုင်ဘူး ထင်ပါတယ်။
ဆုများရှင် မင်းသားကြီး Lee Byung Hun ကို ၁၉၇၀ ခုနှစ်၊ ဇူလိုင် (၁၂) ရက်နေ့မှာ မွေးခဲ့ပြီး အခုဆိုရင် အသက် ၅၃ နှစ်ထဲကို ရောက်ရှိနေပြီဖြစ်ပေမယ့် ဆွဲဆောင်မှု ရှိနေဆဲ မင်းသားကြီးတစ်ဦးပဲ ဖြစ်ပါတယ်။
(၂) Jung Woo Sung
ဆွဲဆောင်မှုရှိတဲ့ မင်းသားကြီးတွေအကြောင်း ပြောမယ်ဆိုရင် Jung Woo Sung ကို ချန်ထားခဲ့လို့ရမှာ မဟုတ်ပါဘူး။ အသက် ၅၀ နှစ်ရှိပြီ ဖြစ်ပေမယ့် လူငယ်တစ်ယောက်လို မယုံနိုင်လောက်အောင် နုပျိုပြီး ဆွဲဆောင်မှုရှိနေဆဲပဲ ဖြစ်ပါတယ်။
မင်းသား Jung Woo Sung ကို ၁၉၇၃ ခုနှစ်၊ ဧပြီလ (၂၂) ရက်နေ့မှာ မွေးခဲ့ပြီး အသက် ၅၀ တန်းဝင် အမျိုးသား သရုပ်ဆောင်တွေထဲမှာ ဆွဲဆောင်မှုအရှိဆုံး မင်းသားတစ်ယောက်အဖြစ် ပရိသတ်တွေ အသိမှတ်ပြုခြင်း ခံထားရပါတယ်။
(၃) Cha Seung Won
Three Meals a Day အစီအစဥ်၊ A Korean Odyssey, Our Blues, The Greatest Love ဇာတ်ကားတို့နဲ့အတူ မြန်မာပရိသတ်တွေ ရင်းနှီးကြတဲ့ မင်းသားကြီး Cha Seung Won ကလည်း အသက် ၅၀ ကျော် ထိပ်တန်း မင်းသားကြီး တွေထဲမှာ ပါဝင်နေပါတယ်။
မင်းသား Cha Seung Won ကို ၁၉၇၀ ခုနှစ်၊ ဇွန်လ (၇) ရက်နေ့မှာ မွေးခဲ့ပြီး အခုဆိုရင် အသက် ၅၃ နှစ်ရှိပြီဖြစ်ပြီး အသက်ကြီးလေ ပိုပြီး ဆွဲဆောင်မှုရှိလေ ဆိုတာကို သက်သေပြနေတဲ့ မင်းသားကြီးပဲ ဖြစ်ပါတယ်။
(၄) Jang Dong Gun
ဒါရိုက်တာရင် လို့ လူသိများတဲ့ မင်းသားကြီး Jang Dong Gun ကိုလည်း ဆွဲဆောင်မှု အရှိဆုံး မင်းသားစာရင်းမှာ မထည့်လို့ မရပါဘူး။
မင်းသားကြီး Jang Dong Gun ကို ၁၉၇၂ ခုနှစ်၊ မတ်လ (၇) ရက်နေ့မှာ မွေးခဲ့တာ ဖြစ်ပါတယ်။
အခုလက်ရှိ အသက် ၅၂ နှစ်ရှိပြီဖြစ်ပြီး အသက် ၅၀ ကျော်တန်းထဲက ဆွဲဆောင်မှုရှိတဲ့ မင်းသားကြီး တစ်ယောက်ပဲ ဖြစ်ပါတယ်။
(၅) Lee Jung Jae
Squid Game စီးရီးနဲ့ ကမ္ဘာတစ်ဝှမ်းက ပရိသတ်တွေရဲ့ အားပေးမှု အခိုင်အမာရရှိခဲ့တဲ့ မင်းသားကြီး Lee Jung Jae ကိုတော့ ပရိသတ်တွေ သိကြမယ် ထင်ပါတယ်။
သူ့ကို ၁၉၇၂ ခုနှစ်၊ ဒီဇင်ဘာလ (၁၅) ရက်နေ့မှာ မွေးခဲ့ပြီး အခုလက်ရှိမှာ အသက် ၅၁ ဝန်းကျင်ကို ရောက်နေပြီ ဖြစ်ပေမယ့် မယုံနိုင်လောက်အောင် ဆွဲဆောင်မှု ရှိနေဆဲ နာမည်ကြီး မင်းသားတစ်လက်ပဲ ဖြစ်ပါတယ်။
