မင်္ဂလာပါရှင့်။ ဒီတခါမှာတော့ တောင်ကိုရီးယားသရုပ်ဆောင် မင်းသမီးတွေထဲက ခွဲစိတ်ကုသမှုမလုပ်ဘဲ သဘာဝအလှတရားနဲ့ ပရိသတ်တွေရဲ့ အားပေးမှုကို ရရှိခဲ့တဲ့ မင်းသမီးလေး Kim Go-Eun အကြောင်းလေးကို နည်းနည်းလေး မျှဝေပေးချင်ပါတယ်နော်။
သဘာဝအလှကို မြတ်နိုးသူ
အားလုံးသိကြတဲ့အတိုင်း ခွဲစိတ်ကုသတာကို အလှပြင်ဆိုင်တစ်ခုမှာ ခေါင်းလျှော်သလို လုပ်နေကြတဲ့ တောင်ကိုးရီးယားနိုင်ငံမှာ သူမကတော့ မျက်လုံးမှေးမှေးလေးကို ခွဲစိတ်ကုသမှုမလုပ်ဘဲ သဘာဝအလှကို လက်ခံထားတဲ့သူဖြစ်ပါတယ်။ အဲဒီလို လုပ်ဖို့လည်း စိတ်ကူးမရှိဘူးလို့ သူမကပြောဖူးပါတယ်။
အနုပညာအလုပ်စတင်ခြင်း
၂၀၁၂ ခုနှစ်မှာ A Muse ဆိုတဲ့ သူမရဲ့ ပွဲဦးထွက် ရုပ်ရှင်ဇာတ်ကား ထွက်ရှိခဲ့ပြီး အဲဒီ ဇာတ်ကားထဲမှာ အထက်တန်းကျောင်းသူအဖြစ် သရုပ်ဆောင်ခဲ့ပါတယ်။ အဲဒီဇာတ်ကားမှာပဲ အကောင်းဆုံး တက်သစ်စ သရုပ်ဆောင်စုကို ရရှိခဲ့တဲ့သူဖြစ်ပါတယ်။ အဲဒီဇာတ်ကားမရိုက်ခင်က တခြား ဘယ်ဇာတ်ကားမှာမှ သရုပ်မဆောင်ခဲ့ဖူးပါဘူး။ ကျောင်းမှာလုပ်တဲ့ သာမန်ပွဲတွေမှာပဲ ပါဝင်သရုပ်ဆောင်ခဲ့ဖူးတာဖြစ်ပါတယ်။
ရိုက်ကူးခဲ့တဲ့ ရုပ်ရှင်ဇာတ်ကား
A Muse (2012)
Monster (2014)
Coin Locker Girl (2015)
Memories of the Sword (2015)
Cheese in the Trap (2016)
Goblin (2016-2017)
မြန်မာနိုင်ငံမှာတော့ သူမကို Goblin ကားနဲ့ လူသိများပါတယ်။သူမကို ချစ်တဲ့ ပရိသတ်တွေအတွက် ကိုယ်ရေးအကျဉ်းကို ဖော်ပြပေးလိုက်တယ်နော်။
ကိုယ်ရေးအကျဉ်း
မွေးသက္ကရာဇ် – ၂ ရက်၊ ဇူလှိုင်လ၊ ၁၉၉၁
မွေးရာဒေသ – တောင်ကိုးရီးယား၊ ဆိုးလ်
သွးအမျိုးအစား- ဘီ
အရပ်အမြင့် – ၁.၆၇ မီတာ
ပညာရေး – ကိုးရီးယား အမျိုးသားအနုပညာတက္ကသိုလ်
အချစ်ရေး – Single (အရင်က မင်းသား Shin Ha Kyun နဲ့ တွဲခဲ့ပေမယ့် ပြတ်သွားပါပြီ)