၂၀၂၀ မှာကြည့်ရတော့မယ့် Kim Soo Hyun ရဲ့ Drama အသစ် Psycho But It’s Okay

K Drama ချစ်သူတွေနဲ့ Kim Soo Hyun ရဲ့ ပရိသတ်တွေကတော့ Psycho But It’s Okay ဆိုတဲ့ Drama မှာ အဓိကဇာတ်ဆောင်အနေနဲ့ Kim Soo Hyun ကို ကမ်းလှမ်းထားတာကို သိပြီးသားဖြစ်မှာပါ။ အခုဆိုရင်တော့ ဒီ Drama ကို ထုတ်လွှင့်မယ့် tvN ကနေ အတည်ပြုလိုက်ပါပြီ။ ထုတ်လွှင့်မယ့်ရက်တွေက အတိအကျမသိသေးပေမယ့် ၂၀၂၀ နှစ်အလယ်လောက်မှာ ပြသသွားမယ်လို့ ခန့်မှန်းပြထားပါတယ်။

Psycho But It’s Okay ဆိုတဲ့ Drama ထဲမှာ Kim Soo Hyun နဲ့အတူ မင်းသမီး Seo Ye Ji က အတူတွဲဖက်သရုပ်ဆောင်သွားမှာပါ။

ဇာတ်လမ်းအကျဉ်းလေးကတော့ စိတ်ရောဂါကုသတဲ့လူနာဆောင်က ကျန်းမာရေးဝန်ထမ်းနဲ့ လူတွေနဲ့ဆက်ဆံရတာကို အဆင်မပြေတဲ့ စိတ်ရောဂါကို ခံစားနေရတဲ့ ကောင်မလေးရဲ့ ဇာတ်လမ်းကို ရိုက်ကူးထားတဲ့ စိတ်ကူးယဉ်ဇာတ်လမ်းမျိုးပါ။

ဒီ Drama ထဲမှာတော့ Kim Soo Hyun က စိတ်ရောဂါကုသတဲ့လူနာဆောင်က ကျန်းမာရေးဝန်ထမ်း Moon Kang Tae အဖြစ်နဲ့ သရုပ်ဆောင်ထားပါတယ်။ ဒါ့အပြင် Moon Kang Tae ဟာဆိုရင် အရမ်းမိုက်တဲ့ ခန္ဓာကိုယ်ကိုပိုင်ဆိုင်ထားပြီး ဉာဏ်ကောင်းတဲ့သူ၊ သွက်လက်ထက်မြတ်တဲ့သူ၊ သူများအပေါ် စိတ်ရှည်ပြီး လိုက်လျောညီထွေဆက်ဆံတဲ့သူအပြင် အခြားသောကောင်းမွန်တဲ့အရာတွေနဲ့ ပြည့်စုံနေတဲ့သူပါ။ သူ့ထက် အသက် ၈ နှစ်ကြီးပြီး Autism ရောဂါလက္ခဏာရှိတဲ့ အကိုတစ်ယောက်လည်း ရှိပါတယ်။

မင်းသမီး Seo Ye Ji ကတော့ ဒီ Drama ထဲမှာ လူတွေနဲ့ ဆက်ဆံရတာကို အဆင်မပြေတဲ့ စိတ်ရောဂါကို ခံစားနေရတဲ့ စာရေးဆရာမအဖြစ်နဲ့ သရုပ်ဆောင်ထားပါတယ်။ ၂၀၂၀ ထဲမှာ ကြည့်ရမယ့် Drama တွေကတော့ ဇာတ်ကားကောင်းတွေချည်းပါပဲနော်။