မင်းသမီး Kim So Hyun က မြန်မာပရိသတ်တွေနဲ့ ရင်းနှီးပြီးသား ချစ်ပြီးသား မင်းသမီးချောလေးဖြစ်ပါတယ်နော်။ သူမရဲ့ အရပ်အမြင့်က ၅ ပေ ၅ လက်မ နီးပါးရှိတာကြောင့် မြန်မာမိန်းကလေးတွေရဲ့ အရပ်နဲ့လည်း သိပ်မကွာလှပါဘူး။
အသက်ငယ်သေးပေမယ့် တောင်ကိုရီးယား အနုပညာလောကမှာ နေရာတစ်ခုရထားတဲ့ မင်းသမီးလေး Kim So Hyun ဟာ သရုပ်ဆောင်ကောင်းရုံ ချစ်စရာကောင်းရုံသာမက ဖက်ရှင်လည်းကျသူတစ်ဦးဖြစ်ပါတယ်။
သူမကို ၁၉၉၉ ခုနှစ် ဇွန်လ ၄ ရက်နေ့က သြစတြေးလျနိုင်ငံမှာ မွေးဖွားခဲ့တာဖြစ်ပါတယ်။ ကလေးသရုပ်ဆောင်အဖြစ် ၂၀၀၆ ခုနှစ်မှာ Drama City ဇာတ်ကားနဲ့ ပွဲဦးထွက်ခဲ့ပြီး အနုပညာလောကထဲကို ရောက်ခဲ့တဲ့သူပါ။
အနုပညာပါရမီပါသူလို့လည်း ပြောရမယ့် မင်းသမီး Kim So Hyun ဟာ ဇာတ်လမ်းတွဲတွေရော၊ ရုပ်ရှင်ကားတွေပါ အများကြီးရိုက်ကူးထားသလို ရိုက်ကူးနေရဆဲဖြစ်ပါတယ်။
သူမကိုချစ်ပြီး သူမရဲ့ ဖက်ရှင်ကို သဘောကျသူတွေအတွက် Kim So Hyun ရဲ့ ဖက်ရှင်ကို မျှဝေပေးလိုက်တယ်နော်။
