“Samantha နဲ့ Rachel” ပိုင်ရှင်ဆိုရင်တော့ မင်းသမီး အဆိုတော် Sejeong ကို ပြေးမြင်ကြမှာပါ။ သူမက လက်ရှိမှာ “Business Proposal” ဆိုတဲ့ ဇာတ်ကားထွက်ရှိထားပါတယ်။ Sejeong က ဒီကားနဲ့တင် လူသိများတာ မဟုတ်ပါဘူး။ Produce 101 ထဲက ပြိုင်ပွဲဝင်တွေထဲမှာ ချစ်စရာကောင်းပြီး အသံချိုချိုလေး ပိုင်ဆိုင်ထားသူ အဖြစ် ပရိတ်သတ်တွေ လက်ခံထားသူ ဖြစ်ပါတယ်။
Sejeong က သီချင်းဆိုတာနဲ့ အနုပညာ လောကထဲ ဝင်လာခဲ့သူ ဖြစ်ပေမယ့် သရုပ်ဆောင်တဲ့ နေရာမှာလည်း ထူးချွန်သူ ဖြစ်ပါတယ်။ သူမရဲ့ သရုပ်ဆောင် ကောင်းမကောင်း သင် “Business Proposal” ဇာတ်လမ်း ကိုကြည့်ရုံနဲ့ သိနိုင်ပါတယ်။
ဒါ့အပြင် Sejeong က OST သီချင်းတွေကို သီဆိုတတ်သူ ဖြစ်ပါတယ်။ သူမသီဆိုထားတဲ့ OST တွေ ပါဝင်တဲ့ နာမည်ကျော် ဇာတ်လမ်း အချို့ကတော့ “Legend of the Blue Sea” “Crash Landing On You” တို့ပဲ ဖြစ်ပါတယ်။ သင်က Sejeong ရဲ့ အသံချိုချိုလေးနဲ့ သီချင်းကောင်းကောင်းလေးကို နားထောင်ချင်ရင် “Flower Way” ဆိုတဲ့ သီချင်းကို နားထောင်ကြည့်ပါ။ သင်ကြိုက်သွားမယ်လို့ အာမခံပါတယ်။
Idol တစ်ယောက်ဖြစ်တဲ့ အပြင် မင်းသမီး တစ်ဦးပါဖြစ်တဲ့ Sejeong က ချစ်စရာကောင်းတဲ့ ဖက်ရှင်ဝတ်ဆင်ပုံကို ပိုင်ဆိုင်ထားတာတော့ အံ့ဩစရာ မဟုတ်ပါဘူး။
ဒီတော့ သူမရဲ့ ဖက်ရှင်တွေကို ဆက်ကြည့်လိုက်ရအောင်နော်။
Photo source: Pinterest
By MyStyle Myanmar
