Drama အသစ်မှာ အတူတူသရုပ်ဆောင်သွားမယ့် Lee Dong Wook နဲ့ Kim Bum

TVN ရုပ်သံလိုင်းကနေထုတ်လွှင့်ပြသသွားမယ့် Drama အသစ်တစ်ခုမှာ Lee Dong Wook နဲ့အတူ ကောင်မလေးတွေအသည်းစွဲဖြစ်တဲ့ F4 ကားထဲက Kim Bum ကလည်း အတူတူသရုပ်ဆောင်သွားမှာပါ။ နှစ်ယောက်လုံးကလည်း ကောင်မလေးတွေအသည်းစွဲမင်းသားတွေဆိုတော့ ဒီဇာတ်ကားလေးကို အရမ်းကြည့်ချင်နေကြပြီထင်ပါတယ်။

Drama ရဲ့နာမည်ကတော့ The Tale of Gumiho (The Story of Gumiho) ပါ။ ဒီ Drama ထဲမှာပါဝင်မယ့် အဓိကသရုပ်ဆောင်တွေကတော့ Lee Dong Wook, Kim Bum နဲ့ မင်းသမီး Jo Bo Ah ပါ။

ဒီ Drama ထဲမှာ Lee Dong Wook က Yi Yeon (Gumiho) အဖြစ်၊ Kim Bum ကတော့ Yi Yeon ရဲ့ညီဖြစ်သူ Yi Rang အဖြစ်နဲ့ သရုပ်ဆောင်မှာဖြစ်ပြီး မင်းသမီး Jo Bo Ah ကတော့ Nam Ji Ah အဖြစ်နဲ့ သရုပ်ဆောင်သွားမှာပါ။

ဘယ်ရက်မှာ ထုတ်လွှင့်ပြသမယ်ဆိုတာကို အတည်ပြုပေးထားခြင်းမရှိပေမယ့် ၂၀၂၀ နှစ်ဝက်မှာပဲ ပြသသွားမယ်လို့ ပြောထားပါတယ်။ ဒီ Drama လေးက ၂၀၂၀ မှာ Lee Dong Wook ရဲ့ ပထမဆုံး Drama လေးဖြစ်သလို၊ Kim Bum ကိုလည်း ၄ နှစ်လောက်ကြာမှ Drama ထဲမှာ ပြန်လည်မြင်တွေ့ခွင့်ရတာပါ။ Kim Bum က ၂၀၁၆ မှာ Mrs. Cop 2 ဆိုတဲ့ Drama ထဲမှာလည်း ပါဝင်ထားပါသေးတယ်။ ဇာတ်လမ်းကောင်းလေးမို့ မကြည့်ရသေးတဲ့ Kim Bum ပရိသတ်တွေ ပြန်ကြည့်လို့ရပါတယ်။