မင်္ဂလာပါနော်။ အိန္ဒိယရုပ်ရှင်ချစ်သူတွေကတော့ ဘောလိဝုဒ် ထိပ်တန်းမင်းသမီးတွေထဲက တစ်လက်အပါအဝင်ဖြစ်တဲ့ Shraddha Kapoor ရဲ့ ပရိသတ်တွေ ဖြစ်နေကြမယ်လို့ထင်ပါတယ်။
အနုပညာကြေးအမြင့်ဆုံး အိန္ဒိယမင်းသမီးတွေထဲက တစ်လက်အပါအဝင်ဖြစ်ပြီး Forbes India ကနေ ပြုစုတဲ့ နာမည်ကျော်ကြားဆုံး အနုပညာရှင် အယောက်တစ်ရာစာရင်းမှာ ၂၀၁၄ ခုနှစ်ကတည်းက ပါဝင်ခဲ့ပါတယ်။
ရုပ်ရှင်ကားတွေလည်း အများကြီးထွက်ရှိထားပြီး ပရိသတ်တွေအားပေးတဲ့ ဇာတ်ကားတွေ၊ သရုပ်ဆောင်မှုတွေနဲ့ ပရိသတ်ရင်ထဲကို ဝင်ရောက်နေရာယူထားသူဖြစ်ပါတယ်။
Shraddha Kapoor ကို ၁၉၈၇ ခုနှစ် မတ်လ ၃ ရက်နေ့က အိန္ဒိယနိုင်ငံ မွန်ဘိုင်းမှာမွေးဖွားခဲ့တာဖြစ်ပြီး အရပ်အမြင့် ၅ပေ ၄ လက်မ ရှိပါတယ်။
မင်းသားကြီး Shakti Kapoor ရဲ့ သမီးဖြစ်ကာ ပထမဆုံး အနုပညာအလုပ်ကိုတော့ ၂၀၁၀ ခုနှစ်က ထွက်ရှိခဲ့တဲ့ Teen Patti ဇာတ်ကားမှာ ပါဝင်ရင်း စတင်လုပ်ဆောင်လာတာဖြစ်ပါတယ်။
သူမကို အထူးနာမည်ရသွားစေတာကတော့ ၂၀၁၃ ခုနှစ်က ထွက်ရှိခဲ့တဲ့ Aashiqui 2 ဇာတ်ကားဖြစ်ပြီး လက်ရှိအထိ ပရိသတ်အားပေးမှုကို အခိုင်အမာရရှိထားသူဖြစ်ပါတယ်။
ဖက်ရှင်လည်းကျပြီး မိမိုက်တဲ့ Shraddha Kapoor ရဲ့ဖက်ရှင်တွေကိုမျှဝေပေးလိုက်ပါတယ်နော်။
Image Source: Pinterest
