ကိုးရီးယားနိုင်ငံရဲ့ဖျော်ဖြေရေးလောကမှာဆိုရင် ပုံမှန်အားဖြင့် အနုပညာရှင်တွေဟာ Entertainment ကုမ္ပဏီ တွေနဲ့ ကာလတစ်ခုကြာ စာချုပ်ချုပ်ဆိုပြီး အနုပညာလုပ်ငန်းအသီးသီးကို လုပ်ကိုင်လေ့ရှိကြပါတယ်။ ဒါပေမယ့် လတ်တလောမှာတော့ နာမည်ရပြီးသား အနုပညာရှင်အချို့ဟာ ရှေ့ကလက်တွဲခဲ့တဲ့ Entertainment တွေ ကနေ ခွဲထွက်ပြီး ကိုယ်ပိုင်အေဂျင်စီတည်ထောင်ပြီး ရပ်တည်လာကြတာ တွေ့ရပါတယ်။ ဒီတော့ ကိုယ်ပိုင်အေဂျင်စီတည်ထောင်ထားကြတဲ့ K-pop Idols တွေကဘယ်သူတွေဖြစ်မလဲဆိုတာကို ကြည့်လိုက်ရအောင်နော်-
B.I
အသက် ၂၄ နှစ်ပဲရှိသေးတဲ့ B.I ကတော့ 131LABEL ရဲ့တည်ထောင်သူဖြစ်ပြီး IOK ကုမ္ပဏီရဲ့ အသက်အငယ်ဆုံး Executive Director တစ်ယောက်လည်းဖြစ်ပါတယ်။ လက်ရှိ IOK ကုမ္ပဏီနဲ့ လက်တွဲလုပ်ကိုင်နေတဲ့ အနုပညာရှင်ကတော့ GFriend အဖွဲ့ဝင် Sowon ဖြစ်ပါတယ်။
Zico
Zico ဟာ ၂၀၁၉ ခုနှစ်မှာသူ့ရဲ့ ကိုယ်ပိုင်ဖြစ်တဲ့ KOZ Entertainment ကိုတည်ထောင်ခဲ့ပြီးတော့ Dvwn နဲ့ FANXY လို့ခေါ်တဲ့အနုပညာရှင်နှစ်ဦးနဲ့အတူလက်တွဲလုပ်ဆောင်ခဲ့ပါတယ်။ ၂၀၂၀ ခုနှစ်မှာတော့ KOZ Entertainment ဟာ HYBE Labels တွေရဲ့အစိတ်အပိုင်းတစ်ခုအဖြစ်ပူးပေါင်းလိုက်ပြီဖြစ်ပါတယ်။
Kang Daniel
Kong Daniel ကတော့ ၂၀၁၉ ခုနှစ်မှာ သူ့ရဲ့ကိုယ်ပိုင်အင်ဂျင်စီဖြစ်တဲ့ KONNECT Entertainment ကိုတည်ထောင်ခဲ့ပါတယ်။ KONNECT Entertainment ဟာဆိုရင် လက်ရှိမှာ ကမ္ဘာကျော်အဆိုတော် တစ်ဦးဖြစ်တဲ့ 2NE1 အဖွဲ့ဝင် CL ၊ Producer နဲ့ တေးရေးဆရာတစ်ဦးဖြစ်တဲ့ Chancellor တို့နဲ့အတူ လက်တွဲစာချုပ်ချုပ်ဆိုထားပြီ ဖြစ်ပါတယ်။
Rain
Rain ဟာ ကိုယ်ပိုင်အင်ဂျင်စီဖြစ်တဲ့ RAINCOMPANY ကို သူ့ရဲ့ Manager နဲ့အတူ ၂၀၁၅ ခုနှစ်မှာတည်ထောင် ခဲ့ပါတယ်။ လက်ရှိ RAINCOMPANY ကနေ Debut ပေးခဲ့တဲ့ အနုပညာရှင်တွေကတော့ Ciipher Boy Group နဲ့ သရုပ်ဆောင် Oh Ye Ju တို့ပဲဖြစ်ပါတယ်။
Jay Park
2PM ရဲ့အဖွဲ့ဝင်ဟောင်းဖြစ်တဲ့ Jay Park ကတော့ လက်ရှိအကျော်ကြားဆုံး Hip-Hop Label တစ်ခုဖြစ်တဲ့ AOMG ကိုတည်ထောင်ခဲ့သူဖြစ်ပါတယ်။ Gray ၊ Loco ၊ Simon Dominic ၊ Yugyeom နဲ့ Lee Hi တို့ကတော့ AOMG နဲ့လက်တွဲလုပ်ကိုင်လျက်ရှိတဲ့ အနုပညာရှင်တွေပဲဖြစ်ပါတယ်။
PSY
Gangnam Style သီချင်းနဲ့လူသိများခဲ့တဲ့ PSY ကတော့ P Nation လို့ခေါ်တဲ့ အနုပညာရှင်အင်ဂျင်စီရဲ့ CEO ဖြစ်ပါတယ်။ လက်ရှိမှာ P Nation ဟာ လူသိများတဲ့အေဂျင်စီတစ်ခုအနေနဲ့ ရပ်တည်နေပြီး Jessi ၊ HyunA ၊ DAWN ၊ Crush နဲ့ Heize စတဲ့ နာမည်ကြီးအနုပညာရှင်များစွာနဲ့လည်း စာချုပ်ချုပ်ထားပြီဖြစ်ပါတယ်။
Hyolyn
Starship Entertainmant နဲ့ ၂၀၁၇ ခုနှစ်မှာ စာချုပ်သက်တမ်းကုန်ဆုံးပြီးနောက် Hyolyn ဟာ Bridʒ လို့ခေါ်တဲ့ ကိုယ်ပိုင်ထုတ်လုပ်ရေးကုမ္ပဏီကိုတည်ထောင်ခဲ့ပါတယ်။ သူမဟာ လက်ရှိ Bridʒ ရဲ့တစ်ဦးတည်းသော အနုပညာရှင်လည်းဖြစ်ပါတယ်။
Lay
Lay ဟာ သူ့ရဲ့ Chromosome Entertainment Group တည်ထောင်လိုက်တဲ့ အကြောင်းကိုတော့ ၂၀၂၀ ခုနှစ် အောက်တိုဘာလ ၇ ရက်နေ့မှာ တရားဝင်ကြေညာခဲ့ပါတယ်။ ကုမ္ပဏီဟာ လက်ရှိမှာ Trainee အသစ်တွေကို စုစည်းနေဆဲဖြစ်ပါတယ်။
Jackson
Jackson ကတော့ JYP Entertainment နဲ့ အလုပ်လုပ်စဉ်ကတည်းက Team Wang လို့ခေါ်တဲ့ သူ့ရဲ့ ကိုယ်ပိုင် Label တစ်ခုကိုဖန်တီးနိုင်ခဲ့တာဖြစ်ပါတယ်။ လက်ရှိမှာ Jackson ရဲ့နိုင်ငံတကာက လုပ်ငန်းတွေအားလုံးကို Team Wang ကတစ်ဆင့်လုပ်ကိုင်နေတာဖြစ်ပါတယ်။
Kim So Hye
I.O.I အဖွဲ့ဝင်ဟောင်းဖြစ်တဲ့ Kim So Hye ကတော့ ၂၀၁၆ ခုနှစ်မှာ S&P Entertainment လို့ခေါ်တဲ့ ကိုယ်ပိုင်အင်ဂျင်စီကိုတည်ထောင်ခဲ့ပါတယ်။ လက်ရှိမှာတော့ သူမဟာ အင်ဂျင်စီရဲ့ တစ်ဦးတည်းသော အနုပညာရှင်ဖြစ်ပါတယ်။
Highlight
“Beast” အဖွဲ့အနေနဲ့လူသိများခဲ့တဲ့ အဖွဲ့ဝင်တွေဟာ Cube Entertainment နဲ့လက်တွဲဖြုတ်ပြီးနောက် Around Us Entertainment လို့ခေါ်တဲ့ကိုယ်ပိုင်အင်ဂျင်စီတစ်ခုတည်ထောင်ခဲ့ကြပြီး လက်ရှိမှာ “Highlight” ဆိုတဲ့အဖွဲ့နာမည်အသစ်နဲ့အတူ သီချင်းတွေထွက်ရှိထားပါတယ်။
Shinhwa
Shinhwa အဖွဲ့ရဲ့အဖွဲ့ဝင်တွေဟာ သူတို့ရဲ့အဖွဲ့လိုက်လှုပ်ရှားမှုတွေကိုစီမံဖို့အတွက် Shinhwa ကုမ္ပဏီကိုတည်ထောင်ခဲ့ကြပါတယ်။ Eric နဲ့ Minwoo ကတော့ ပူးတွဲတည်ထောင်သူတွေဖြစ်ပြီး အခြားအဖွဲ့ဝင်တွေကတော့ ကုမ္ပဏီရဲ့ရှယ်ယာရှင်တွေပဲဖြစ်ပါတယ်။
Yubin
၂၀၂၀ ဖေဖော်ဝါရီလမှာ Yubin ဟာ သူမရဲ့ကိုယ်ပိုင်ဖြစ်တဲ့ “RRR Entertainment” ကိုတည်ထောင်ခဲ့ပါတယ်။ “RRR” ရဲ့အပြည့်အစုံကတော့ “ Real, Recognize, Real” လို့အဓိပ္ပာယ်ရပါတယ်။
Source: Allkpop
