ကေပေါ့လောကမှာ တစ်ဦးနဲ့တစ်ဦး အရမ်းရင်းနှီးကြတဲ့ Idol များ

Idol အချင်းချင်းကြားမှာ အရမ်းရင်းနှီးကြတဲ့သူတွေရှိပါတယ်။ အပြန်အလှန် ချစ်ခင်ကြပြီး လေးစားမှုရှိကြတဲ့သူတွေဖြစ်ပါတယ်။ K-Pop ဂီတလောကမှာ အရမ်းကိုရင်းနှီးကြတဲ့ Idol တွေကို မျှဝေပေးလိုက်ပါတယ်။

၁။ Girl’s Day’s Hyeri နဲ့ Blackpink’s Rosé

Hyeri ပါဝင်တဲ့ DoReMi Market ကို Rosé သွားရောက်ခဲ့ပြီးနောက် ခင်မင်ရင်းနှီးသွားရာကနေမှ ညီအစ်မတွေလို ခင်သွားလောက်တဲ့အထိပါပဲ။ နှစ်ယောက်သား အချိန်ရှိရင် တွေ့လေ့ရှိသလို မရှိဘူးဆိုရင်လည်း ဗီဒီယိုခေါ်ပြီး စကားပြောကြတဲ့အထိပါပဲ။

၂။ Jeon So Min နဲ့ TWICE အဖွဲ့က Chayeong

ပွဲဦးမထွက်ခင်ကတည်းက JYP မှာ အတူတူ ထရိန်င်ဆင်းခဲ့ကြပြီး အချစ်ဆုံးသူငယ်ချင်းဖြစ်ခဲ့ကြတာပါ။ အခုထိလည်း ကုမ္မဏီမတူကြတော့တာတောင်မှ တွေ့ဆုံဆဲပါပဲ။

၃။ BLACKPINK’s Jennie နဲ့ Red Velvet’s Irene

သူတို့နှစ်ယောက်ကတော့ မကြာခဏဆိုသလို အတူတူ အပြင်သွားလေ့ရှိပြီး ဖျော်ဖြေရေးပွဲတွေမှာတော့ ဘယ်လောက်ရင်းနှီးတဲ့အကြောင်း ပြသတဲ့သူတွေပါ။

၄။ Sunmi နဲ့ Red Velvet’s Seulgi

Sunmi နဲ့ Seulgi တို့က Secret Unnie ဆိုတဲ့ အစီအစဥ်မှာ ပါဝင်ခဲ့ရာက သိကျွမ်းခဲ့ကြတာဖြစ်ပါတယ်။ အဲ့ကနေမှ ညီအစ်မတွေလို ခင်မင်ရင်းနှီးနေတာဖြစ်ပြီး တစ်ယောက်ရဲ့အောင်မြင်မှုကို တစ်ယောက်ဂုဏ်ပြုပေးနေသူတွေပါ။

၅။ Red Velvet’s Yeri နဲ့ TWICE’s Nayeon

Yeri နဲ့ Nayeon တို့ဟာလည်း အရမ်းကိုရင်းနှီးကြပါတယ်။ မအားတဲ့ကြားထဲကနေတောင်မှ တစ်ယောက်ရဲ့အစီအစဥ်ကို တစ်ယောက်က ရအောင်သွားပြီး အားပေးတတ်သူတွေပါ။

၆။ f(x) အဖွဲ့က Amber နဲ့ Ailee

သူတို့နှစ်ယောက်စလုံး အမေရိကားမှာ မွေးခဲ့ပြီး သူတို့ရဲ့ စိတ်ကူးအိပ်မက်တွေကို အကောင်အထည်ဖော်ဖို့ ကိုးရီးယားကို ပြန်လာခဲ့ကြသူတွေပါ။ သူတို့နှစ်ယောက်က အရမ်းကို ရင်းနှီးကြပါတယ်။