Kpop idol အဖြစ်ရပ်တည်နိုင်ဖို့အတွက် ကိုယ်ရည်ကိုယ်သွေးနဲ့အရည်အချင်းတွေ အများအပြားရှိဖို့လိုပါတယ်။ ပရိသတ်အများအပြားရဲ့ အားပေးမှုရထားတဲ့ Idol တွေဟာ အဆို၊ အက အရည်အချင်းတွေအပြင် သူတို့ရဲ့သီချင်းတွေကိုယ်တိုင်ရေးတာ ကိုယ်တိုင်ကကွက်ဖန်တီးတာအထိပါ လုပ်နိုင်ကြပါတယ်။ ဒီနေ့မှာတော့ နာမည်ကြီး Kpop အဖွဲ့တွေထဲက ကကွက်ဖန်တီးနိုင်တဲ့ Idol တွေအကြောင်းပြောပြချင်ပါတယ်။ ဒီ Idol တွေထဲ ကိုယ့်ရဲ့ Bias ကော ပါလားမလား ကြည့်လိုက်ရအောင်နော်-
၁။ Seventeen’s Performance Unit
Seventeen အဖွဲ့ဝင်အားလုံးနီးပါးဟာ သီချင်းထုတ်လုပ်မှုအပိုင်းမှာ တာဝန်ယူနိုင်ကြပါတယ်။ အဖွဲ့ရဲ့ Performance Unit ခေါင်းဆောင် Hoshi ဟာဆိုရင် ကကွက်တိုင်း အပိုအလိုမရှိအောင် ပြန်လည်ဖန်တီးပေးနိုင်တဲ့သူအဖြစ် လူသိများပါတယ်။ Unit ရဲ့ နောက်ထပ်အဖွဲ့ဝင်သုံးဦးဖြစ်တဲ့ Jun ၊ The8 နဲ့ Dino တို့ဟာလည်း အဖွဲ့သီချင်းတွေနဲ့ သူတို့ရဲ့ တစ်ကိုယ်တော် ပရောဂျက်တွေအတွက်ပါ ကိုယ်ပိုင်ကကွက်တွေဖန်တီးနိုင်ကြပါတယ်။
၂။ Chungha
I.O.I အဖွဲ့ဝင်ဟောင်းဖြစ်တဲ့ Chungha ဟာ “Produce 101” ပြိုင်ပွဲဝင်ခဲ့ချိန်က “Bang Bang” သီချင်းဖျော်ဖြေမှုမှာပါဝင်တဲ့ သူမရဲ့ ကကွက်အမိုက်စားတွေကြောင့် ပရိသတ်တွေရဲ့ အာရုံစိုက်ခြင်းခံခဲ့ရတဲ့သူဖြစ်ပါတယ်။ သူမဟာ ၂၀၁၇မှာ တစ်ကိုယ်တော်ပွဲဦးထွက်နိုင်ခဲ့ပြီး အခုဆိုရင် သူမရဲ့သီချင်းတွေအတွက်ပါ ကိုယ်တိုင်ကကွက်ဖန်တီးမှုတွေလုပ်နေပါပြီ။
၃။ Stray Kids’ Lee Know, Hyunjin, and Felix
Stray Kids အဖွဲ့ရဲ့ Main Dancer ဖြစ်တဲ့ Lee Know ကတော့ ပွဲဦးထွက်သီချင်း “Hellevator” ရဲ့ကကွက်တွေကိုဖန်တီးထားတဲ့သူဖြစ်ပါတယ်။ Danceracha လို့လူသိများတဲ့ Lee Know, Hyunjin နဲ့ Felix တို့သုံးဦးဟာ အဖွဲ့သီချင်း ကကွက်ဖန်တီးမှုတွေမှာပါဝင်ခဲ့ကြပြီး သူတို့ကိုယ်တိုင်ဖန်တီးထားတဲ့ “SKZ-PLAYER” အကဗီဒီယိုတွေလည်းထွက်ရှိခဲ့ပါသေးတယ်။
၄။ Dreamcatcher’s SuA
SuA ဟာ သူမရဲ့ ညို့အားပြင်းပြီး ဆွဲဆောင်မှုရှိတဲ့ကကွက်တွေကြောင့် ရေပန်းစားလာတဲ့ Idol တစ်ဦးဖြစ်ပါတယ်။ Dreamcatcher ရဲ့ Main Dancer တစ်ဦးဖြစ်ပြီး အဖွဲ့ဝင်တွေရဲ့ Performance ဗီဒီယိုတွေအတွက် ကကွက်ပါဝင်ဖန်တီးပေးလေ့ရှိပါတယ်။ သူမဟာ CLC အဖွဲ့က Seungyeon နဲ့အတူ အကဗီဒီယိုတစ်ခုကိုလည်း ပူးတွဲဖန်တီးထားပါသေးတယ်။
၅။ ASTRO’s Rocky
Astro အဖွဲ့ဝင် Rockyဟာ အဖွဲ့ရဲ့လူကြိုက်များတဲ့သီချင်းတွေဖြစ်တဲ့ “Fireworks” နဲ့ “Morning Call” စတဲ့ သီချင်းတွေရဲ့ကကွက်ဖန်တီးမှုတွေမှာ ပါဝင်ဖန်တီးပေးခဲ့သူဖြစ်ပါတယ်။ အဖွဲ့ရဲ့ Youtube Channel မှာလဲ တစ်ကိုယ်တော် အကဗီဒီယိုတွေနဲ့ သူ့ရဲ့ကိုယ်ပိုင်ကကွက်ဖန်တီးနိုင်တဲ့ စွမ်းရည်ကိုပြလေရှိတဲ့ Idol တစ်ယောက်လည်းဖြစ်ပါတယ်။
၆။ CLC’s Seungyeon
CLC အဖွဲ့ရဲ့ ခေါင်းဆောင် Seungyeon ဟာဆိုရင် အဖွဲ့ရဲ့ ပရိသတ်တွေအတွက် သူမဖန်တီးထားတဲ့ အကဗီဒီယိုတွေကို တစ်နှစ်တိတိ လတိုင်းတင်ပေးခဲ့ပါတယ်။ သူမရဲ့ မတူညီတဲ့အကစတိုင်နဲ့ ကြော့ရှင်းတဲ့ကကွက်တွေကြောင့် အကအတော်ဆုံးအမျိုးသမီး Idol တွေထဲကတစ်ဦးအဖြစ် Kpop ပရိတ်သတ်တွေက သတ်မှတ်ထားကြပါတယ်။
၇။ NCT’s Ten and WinWin
NCT ဒါမှမဟုတ် WayV ရဲ့ပရိသတ်တွေဆိုရင် Ten နဲ့ WinWin တို့ရဲ့ “Lovely” သီချင်းအကဗီဒီယိုကို မသိတဲ့သူမရှိပါဘူး။ WayV ရဲ့ “Rainbow V” ဆိုတဲ့ပရောဂျက်အတွက် နှစ်ယောက်အတူဖန်တီးခဲ့တာဖြစ်ပြီး ငြိမ့်ညောင်းတဲ့ကကွက်တွေကြောင့် လူအများရဲ့အားပေးမှုရခဲ့တဲ့ ဖျော်ဖြေမှုတစ်ခုဖြစ်ပါတယ်။
၈။ Twice’s Dahyun and Momo
Dahyun ဟာအဖွဲ့ရဲ့ Rapper ဖြစ်ပေမယ့် သူမအဖွဲ့ သီချင်းတွေရဲ့ အကပိုင်းကိုလည်း ပါဝင်ဖန်တီးနိုင်တဲ့အရည်အချင်းရှိတဲ့သူတစ်ဦးဖြစ်ပါတယ်။ Main Dancer ဖြစ်တဲ့ Momo ကလည်း “Likey” သီချင်းရဲ့ကကွက်တွေကို ပါဝင်ဖန်တီးထားပါတယ်။
၉။ BTS’s Jungkook, JHope, and Jimin
BTS ရဲ့အကအတော်ဆုံးအဖွဲ့ဝင်တွေဖြစ်ကြတဲ့ JHope နဲ့ Jimin တို့နှစ်ယောက်ကတော့ အဖွဲ့ သီချင်းတော်တော်များများရဲ့ကကွက်တွေကို ဖန်တီးထားတဲ့သူတွေပါ။ အငယ်ဆုံးလေးဖြစ်တဲ့ Jungkook ကလည်း အကဖန်တီးနိုင်တဲ့ အဖွဲ့ဝင်တစ်ဦးဖြစ်ပြီး သူ့ရဲ့တစ်ကိုယ်တော်သီချင်း “My Time” မှာပါဝင်တဲ့ကကွက်တော်တော်များများကို ကိုယ်တိုင်ဖန်တီးထားတာပဲဖြစ်ပါတယ်။
Photo Source: Pinterest
By MyStyle Myanmar
