နေ့တိုင်း ပြည့်နေတဲ့ Schedule နဲ့ K-Pop Idol တွေကို သူတို့ရဲ့ နေ့စဉ်ဘဝနဲ့ အနားယူချိန်တွေမှာ သူတို့ဘာလုပ်ကြလဲဆိုတာ ပရိတ်သတ်တော်တော်များများက သိချင်ကြပါတယ်။ ဒါဆိုရင်တော့ ဒီ Reality Show တွေကို လက်မလွှတ်သင့်ပါဘူး။ ဘာလို့လဲဆိုတော့ သူတို့ရဲ့စိတ်နဲ့ စိတ်ဝိညာဉ်တွေကို ကုစားဖို့ အားလပ်ရက်မှာ အချိန်ရတဲ့အခါ သူတို့ဘာတွေလုပ်ကြလဲဆိုတာကို ဒီ Show တွေမှာ တွေ့နိုင်ပါတယ်။
1. BTS In The SOOP
BTS အဖွဲ့ဝင်တွေ စိမ်းလန်းနေတဲ့ရှုခင်းကို ကြည့်ရှုခံစားရင်း ချက်တာ ၊ တောင်တက်တာ စသဖြင့် ပုံစံအမျိုးမျိုးနဲ့ အပန်းဖြေအနားယူတာကို ဒီ Show မှာ တွေ့ရမှာပါ။
2. Wanna One Go: ZERO BASE
ရိုက်ကူးနေတုန်း မိသားစုနဲ့ သူငယ်ချင်းတွေဆီ အလည်အပတ်သွားတာ ၊ ဝါသနာပါရာကို ရှာဖွေရတဲ့ ZERO BASE ကတော့ Wanna One Go အတွက် ခရီးစဉ်တွေပြည့်ကျပ်နေတဲ့ကြားက သူတို့ကို အသက်ရှုချောင်သွားစေမယ့် တကယ့်ရှိုးပွဲပါပဲ။ နောက်ဆုံးအပိုင်းမှာ အားလပ်ရက်တိုလေးအတွက် ဂျပန်နိုင်ငံ အိုဆာကာကိုတောင် ခရီးထွက်ခဲ့ပါတယ်။
3. NCT Life
ဒီ Show မှာတော့ ပရိတ်သတ်တွေက NCT အဖွဲ့ဝင်များရဲ့ စင်ပေါ်မှာ မမြင်ရနိုင်တဲ့ ပုံရိပ်တွေနဲ့ သူတို့နေ့စဉ်ဘဝထဲကို ဝင်ရောက်ကြည့်ခွင့်ရခဲ့ပါတယ်။ ထမင်းချက်၊ ဂိမ်းကစားကြပြီး ဝါသနာပါရာကိုလည်း လုပ်ကြတဲ့သူတို့က အားလပ်ရက်မှာ ကိုရီးယားရဲ့ တခြားဒေသတွေအပြင် တခြားနိုင်ငံတွေဆီလည်း ခရီးတိုထွက်ခဲ့ကြပါသေးတယ်။
4. SEVENTEEN’s One Fine Day
ဒီ Show မှာတော့ SEVENTEEN အဖွဲ့ဝင်တွေက အမည်မသိကျွန်းတစ်ခုဆီ ခေါ်သွားခံရတာပါ။ ဒီကျွန်းပေါ့်မှာ သူတို့ဝတ်ဖို့စားဖို့ ကိုယ်တိုင်ကြိုးစားရတာပါ။ အဖွဲ့ဝင်တွေရဲ့ မျက်နှာပြောင်မှုတွေ ၊ ချက်ပြုတ်သန့်ရှင်းရေး နဲ့ အဖွဲ့ဝင် 13 ဦးကြားက ခိုင်မာတဲ့နှောင်ကြိုးတို့ကို ပရိတ်သတ်တွေ ဒီ Show မှာ ခံစားရမှာပါ။
5. WINNER: Youth Over Flowers
tvN ရဲ့ ခရီးသွားဖြစ်ရပ်မှန်ရှိုးတစ်ခုဖြစ်တဲ့ Youth Over Flowers အတွက် အဖွဲ့ဝင် 4 ဦးပါတဲ့ WINNER အဖွဲ့က 2017 ခုနှစ် အောက်တိုဘာလ သြစတြေးလျမှာ တစ်ပတ်ကြာအောင် ဒီခရီးစဉ်ကိုရိုကခဲ့တာပါ။ ဒီအစီအစဥ်မှာတော့ ဘာမှပြင်ဆင်ထားခြင်းမရှိတဲ့ Idol တွေရဲ့ သဘာဝအတိုင်းလှုပ်ရှားမှုတွေကို တွေ့ရမှာပါ။
