ကေပေါ့တေးဂီတဟာ အခုချိန်မှာ ကမ္ဘာတစ်ဝှမ်းကို လွှမ်းမိုးထားနိုင်တဲ့ တေးဂီတတွေထဲက ထိပ်တန်းစာရင်းမှာ ပါဝင်နေပါတယ်။ အခုချိန် အောင်မြင်တဲ့ ကေပေါ့လောကဖြစ်လာဖို့ဆိုတာကလည်း ရှေ့ကနေပြီး ဦးဆောင်လမ်းပြ လျှောက်လှမ်းခဲ့ကြတဲ့ အဖွဲ့တွေရဲ့ ကျေးဇူးတွေလည်း တစိတ်တပိုင်း ရှိနေပါတယ်နော်။

အခုလို အရမ်းလူကြိုက်များနေတဲ့ ကေပေါ့အဖွဲ့တွေဟာဆိုရင် ကုမ္မဏီတွေနဲ့ လတ်မှတ်ထိုးပြီး အချိန်အတိုင်းအတာတစ်ခုအထိ စာချုပ်ချုပ်ဆိုပြီး အလုပ်တွဲလုပ်နေကြတာပါ။

ဒါပေမယ့်လည်း မမျှော်လင့်ထားတဲ့ အခြေအနေ အကြောင်းကြောင်းတွေကြောင့် ဥပမာအားဖြင့် စာချုပ်နဲ့ပတ်သက်တာ၊ သတင်းထွက်တာ စတဲ့ ကိစ္စတွေကြောင့် အောင်မြင်မှုအတိုင်းအတာတစ်ခုကို ရောက်ရှိနေချိန်မှာပဲ အဖွဲ့ကွဲခဲ့ရတာတွေလည်း ရှိနေပါတယ်။

အခုဖော်ပြပေးသွားမှာကတော့ အောင်မြင်မှုရရှိနေချိန်ကြမှ အဖွဲ့ဖျက်သိမ်းခဲ့ကြရတဲ့ ကေပေါ့အဖွဲ့တွေအကြောင်းပဲ ဖြစ်ပါတယ်။

SISTAR

SISTAR အဖွဲ့ကတော့ ၂၀၁၀ ခုနှစ်မှာ debut လုပ်ခဲ့ပြီး Starship Entertainment လက်အောက်က အဖွဲ့ဖြစ်ပါတယ်။

အဖွဲ့ဝင်လေးယောက်ပါဝင်ပြီးတော့ Give It to Me, Touch My Body, SHAKE IT, Loving U, Alone, I Like That, I Swear, So Cool, Ma Boy စသဖြင့် သူတို့ရဲ့အောင်မြင်တဲ့ သီချင်းတွေ၊ အကတွေကြောင့် “Queens of Summer” လို့တောင် တင်စားခေါ်ဝေါ်ခံခဲ့ရတဲ့ SISTAR အဖွဲ့ဟာ ၂၀၁၇ ခုနှစ်မှာတော့ အဖွဲ့ဖျက်သိမ်းခဲ့ပါတယ်။

I.O.I

I.O.I အဖွဲ့ဟာ Produce 101 ဆိုတဲ့ အစီအစဥ်အကြီးကနေပြီး ပထမဆုံးမွေးဖွားလာခဲ့တဲ့ မိန်းကလေးအဖွဲ့ဖြစ်ပါတယ်။

စုစုပေါင်း အဖွဲ့ဝင် ၁၁ ယောက်နဲ့ ၂၀၁၆ ခုနှစ်မှာ အစပြုခဲ့တဲ့ I.O.I အဖွဲ့ဟာ Dream Girls, When the Cherry Blossoms Fade, Crush, Pick Me, Whatta Man (Good Man), DOWNPOUR, Very Very Very, I Love You, I Remember You စတဲ့ သီချင်းတွေနဲ့ တော်တော်လေး လူသိများခဲ့ပါတယ်။

ဒါပေမယ့်လည်း ကုမ္မဏီအသီးသီးက ပြန်လည်‌ခေါ်ဆောင်သွားမှုတို့ကြောင့် သူတို့ရဲ့အောင်မြင်မှုဟာ တစ်နှစ်တောင်မခံလိုက်ပါဘူး။

ဒီအဖွဲ့မှာပါဝင်တဲ့ Chungha နဲ့ Jeon Somi တို့က Solo အဆိုတော်အဖြစ် လှုပ်ရှားနေကြပြီး Kim Se Jeong, Jung Chae-yeon, Kang Mi-na, Kim So-hye, Kim Do-yeon, Lim Na-young တို့ကတော့ သရုပ်ဆောင်အဖြစ် လုပ်ကိုင်နေကြပါတယ်။

PRISTIN

I.O.I ရဲ့ အဖွဲ့ဝင်ဟောင်းနှစ်ယောက်ဟာ PRISTIN ဆိုတဲ့အဖွဲ့နဲ့ ၂၀၁၆ ခုနှစ်မှာ နောက်တစ်ကြိမ် debut လုပ်ခဲ့ပြီးတော့ ပရိတ်သတ်တွေ‌ တော်တော်လေးလက်ခံခဲ့ကြပေမယ့်လည်း ကံမကောင်းစွာနဲ့ပဲ မြန်မြန်ပဲ အဖွဲ့ပြိုကွဲခဲ့ပါတယ်။

X1

Project အဖွဲ့တွေထဲမှာ ကံမကောင်းဆုံးကတော့ X1 အဖွဲ့ပါပဲ။ Debut လုပ်ပြီး လအနည်းငယ်ပဲရှိသေးချိန်မှာ Produce 101 အစီအစဥ်ရဲ့ တာဝန်ခံ PD ဟာ မဲတွေ လိမ်လည်မှုကြောင့် အဖမ်းခံရပြီးနောက်မှာ အဖွဲ့ဝင်အားလုံးရဲ့ သဘောတူညီချက်နဲ့ အဖွဲ့ဖျက်သိမ်းခဲ့ပါတယ်။

miss A

မင်းသမီးချော Suzy ပါဝင်တဲ့ JYP Entertainment ရဲ့ မိန်းကလေးအဖွဲ့ miss A ဟာ ၂၀၁၀ ခုနှစ်ကနေ ၂၀၁၅ ခုနှစ်အထိ ထွက်သမျှ သီချင်းတိုင်း တော်တော်လေး လူကြိုက်များခဲ့ပါတယ်။

ထိပ်တန်းမိန်းကလေးအဖွဲ့တွေထဲမှာ တစ်ဖွဲ့အဖြစ် ပါဝင်နေပေမယ့်လည်း အဖွဲ့ဝင်တစ်ဝက်လောက်က ကုမ္မဏီကနေ နှုတ်ထွက်သွားချိန်မှာတော့ အဖွဲ့ပြိုကွဲခဲ့ပါတယ်။

2NE1

ကေပေါ့အကြောင်းပြောမယ်ဆိုရင် ချန်ခဲ့လို့မရတဲ့ Legend အဖွဲ့ 2NE1 ကတော့ အားလုံးထဲမှာ နှမြောဖို့အကောင်းဆုံးပါပဲ။ သူမတူတဲ့ ဖက်ရှင်တွေ၊ သီချင်းအမျိုးအစားတွေကြောင့် ၂၀၀၉ ခုနှစ်ကနေ ၂၀၁၄ ခုနှစ်အထိ ထိပ်ဆုံးမှာရပ်တည်နေခဲ့တဲ့ 2NE1 အဖွဲ့ကို ဖျက်သိမ်းလိုက်ပြီဖြစ်ကြောင်း YG Entertainment ရဲ့ ရုတ်တရက်ကြေညာလိုက်မှုဟာ ပရိတ်သတ်တွေသာမက အဖွဲ့ဝင်တွေကိုပါ ရှော့ရစေခဲ့တာပါ။

အခုချိန်ထိလည်း အဲ့အကြောင်းပြန်ပြောင်းတိုင်း စိတ်မကောင်းဖြစ်နေကြဆဲပါပဲ။

Wanna One

Produce 101 ရဲ့ ဒုတိယမြောက်အစီအစဥ်ကနေ မွေးဖွားလာတဲ့ Wanna One အမျိုးသားအဖွဲ့ကတော့ သူတို့ရဲ့ စီနီယာတွေဖြစ်တဲ့ I.O.I ထက်စာရင် အများကြီး ကြာခဲ့ပါတယ်။ သူတို့အဖွဲ့ဟာ စံချိန်တွေလည်းချိုးခဲ့သလို တော်တော်လေးကို အောင်မြင်မှုရရှိခဲ့တဲ့ Project အဖွဲ့တစ်ခုပါ။

၂၀၁၇ ကနေ ၂၀၁၉ ခုနှစ်အထိ လှုပ်ရှားခဲ့ပြီးနောက်မှာတော့ စာချုပ်သက်တမ်းကုန်ဆုံးပြီး ကိုယ်စီရွေးချယ်တဲ့လမ်းကို လျှောက်လှမ်းခဲ့ကြပါတယ်။