စိတ်ကူးယဥ်ဆန်ဆန် ဇာတ်ကောင်တွေနဲ့ ဖန်တီးထားတဲ့ ကိုရီးယားဇာတ်လမ်းတွဲများ

ကိုရီးယားဇာတ်လမ်းတွဲတွေဟာ ကြည့်ရှုသူတွေကို ဘယ်တော့မှ မရိုးရလေအောင် ရသမျိုးစုံ ဇာတ်လမ်းမျိုးစုံကို ဖန်တီးရိုက်ကူးပေးလျက်ရှိနေပါတယ်။ လက်တွေ့မှာ မဖြစ်နိုင်ဘူးဆိုတာသိပေမယ့်လည်း ဒီလိုမျိုး စိတ်ကူးယဥ်ဆန်ဆန် ဇာတ်လမ်းမျိုးတွေကပဲ ပိုပြီးတော့ကို စိတ်ဝင်စားဖို့ကောင်းနေတာပါ။

အခုတခါပြောပြပေးမယ့် ဇာတ်လမ်းတွဲတွေကတော့ ဂြိုလ်သား၊ ရေသူမ၊ သွေးစုပ်ဖုတ်ကောင်၊ သရဲ၊ မြေခွေး၊ မှင်စာ စသဖြင့် စိတ်ကူးယဥ်ဆန်ဆန် ဇာတ်ကောင်တွေနဲ့ ရိုက်ကူးပုံဖော်ထားတဲ့ နာမည်ကျော်ကိုရီးယားဇာတ်လမ်းတွဲတွေပဲဖြစ်ပါတယ်။

“My Love From the Star” မှ ဂြိုလ်သား

၂၀၁၄ ခုနှစ်တုန်းက အင်မတန်နာမည်ကျော်ကြားခဲ့တဲ့ “My Love From the Star” ဇာတ်လမ်းတွဲမှာဆိုရင် နှစ် ၄၀၀ ကျော်တုန်းက ကမ္ဘာမြေကိုလာရောက်ခဲ့ပြီး မတော်တဆ ပိတ်မိနေတဲ့ ဂြိုလ်သား Do Min Joon အဖြစ် Kim Soo Hyun က သရုပ်ဆောင်ထားပါတယ်။

“Oh My Ghostess” မှ အပျိုစင်သရဲ

နာဘုန်းဆွန်းဆိုတဲ့ကောင်မလေးဟာ သရဲတွေ၊ ဝိညဥ်တွေကို မြင်တွေ့နိုင်ပြီး ရှက်ကြောက်တတ်တဲ့ကောင်မလေးတစ်ယောက်ပါ။ ဒါပေမယ့် ရည်းစားတောင်မထားလိုက်ရဘဲ သေဆုံးသွားမှုကြောင့် လူမဝင်စားနိုင်သေးဘဲ ကျင်လည်နေတဲ့ အပျိုစင်သရဲ ရှင်းဆူအယ် ဝင်ပူးခံလိုက်ရပြီးနောက် သူမရဲ့ဘော့စ် စားဖိုမှူး ကန်ဆန်ဝူးကို ဆွဲဆောင်ပါတော့တယ်။

“Vampire Prosecutor” နှင့် “Scholar Who Walks the Night” မှ သွေးစုပ်ဖုတ်ကောင်

“Scholar Who Walks the Night” ဇာတ်လမ်းတွဲကတော့ ဂျိုဆွန်ခေတ်မှ Scholar တစ်ဦးဟာ သွေးစုပ်ဖုတ်ကောင်အဖြစ် ပြောင်းလဲသွားခဲ့ပြီး သူချစ်ရတဲ့ကောင်မလေးနဲ့ ဘယ်လိုမျိုး ရှေ့ဆက်လက်တွဲသွားရမလဲဆိုတာကို စိတ်ဝင်စားစရာကောင်းစွာနဲ့ ကြည့်နိုင်မှာဖြစ်ပါတယ်။

“Vampire Prosecutor” ဇာတ်လမ်းတွဲမှာတော့ မင်းသား Yeon Jung Hoon ကနေပြီး တရားခံကိုလိုက်လံဖမ်းဆီးရာမှတဆင့် မတော်တဆ သွေးစုပ်ဖုတ်ကောင်အကိုက်ခံလိုက်ရာကနေ ပြောင်းလဲသွားခဲ့ရတဲ့ စုံထောက်အဖြစ် သရုပ်ဆောင်ထားပါတယ်။

“The Legend of the Blue Sea” နဲ့ “Surplus Princess” မှ ရေသူမ

“Goblin” မှ မှင်စာနဲ့ သေမင်း

Romance ဇာတ်လမ်းတွဲဆိုပေမယ့်လည်း မှင်စာနဲ့သေမင်းကြားက မတည့်အတူနေ သူငယ်ချင်းသံယောဇဥ်ကို ဟာသဆန်ဆန် မြင်တွေ့နိုင်မှာဖြစ်ပါတယ်။

“My Girlfriend is a Gumiho” နဲ့ “Tale of the Nine-Tailed” မှ အမြီးကိုးချောင်းမြေခွေး

“My Girlfriend is a Gumiho” ဇာတ်လမ်းတွဲမှာတော့ မင်းသမီး ရှင်မင်အာ နဲ့ မင်းသား လီဆောင်ဂီတို့ပါဝင်သရုပ်ဆောင်ထားပြီး အပြစ်ကင်းစင်တဲ့ မြေခွေးမလေးတစ်ယောက် လူသားတွေကြားထဲမှာ ဘယ်လိုမျိုး နေထိုင်သွားနိုင်မလဲဆိုတာကို ကြည့်ရမှာဖြစ်ပါတယ်။