သရုပ်ဆောင်တွေက သူတို့သရုပ်ဆောင်ထားတဲ့ ဗီလိန်ဇာတ်ရုပ်အတွက် လက်တွေ့ဘဝမှာ အပြောခံရတာက အနုပညာရှင်တစ်ယောက်အနေနဲ့တော့ သူ့ရဲ့အနုပညာအတွက် အကြီးမားဆုံး ချီးကျူးမှုတစ်ခုလို့ လက်ခံထားပါတယ်။ ဒါပေမယ့် တချို့လူတွေကတော့ ဇာတ်လမ်းထဲတင်မက အပြင်လောကမှာပါ တကယ့်ဗီလိန်ဖြစ်နေကြပါတယ်။
1. Song Ha Yoon
မကြာခင်ကပြီးသွားခဲ့တဲ့ Marry My Husband မှာ ဗီလိန်နေရာကသရုပ်ဆောင်ခဲ့တဲ့ Song Ha Yoon က သူ့ရဲ့သရုပ်ဆောင်ချက်တွေကြောင့် အောင်မြင်ခဲ့ပေမယ့် သိပ်မကြာခင်မှာဘဲ မင်းသမီးဟာ အထက်တန်းကျောင်း ဒုတိယနှစ်မှာ အနိုင်ကျင့်မှုကြောင့် ကျောင်းထုတ်ခံခဲ့ရဖူးကြောင်း ဖော်ထုတ်ခံခဲ့ရပါတယ်။
2. Ji Soo
မင်းသား Ji Soo က Strong Woman Do Bong Soon နဲ့ My First, First Love တို့လို K-Dramas တွေကြောင့် နာမည်ရလာခဲ့ပေမယ့် 2021 ခုနှစ်မှာ ကျောင်းတုန်းက ကျောင်းအကြမ်းဖက်မှု အနိုင်ကျင့်မှုစတဲ့ မကောင်းမှုများစွာကို ကျူးလွန်ခဲ့တယ်လို့ စွပ်စွဲခံရပြီး နာမည်ကျခဲ့ပါတယ်။
3. Han So Hee
The World of the Married မှာ ဗီလိန်အဖြစ် သရုပ်ဆောင်ခဲ့တဲ့ Han So Hee က ရုပ်ရှင်လောကမှာ မှတ်တိုင်တစ်ခုဖြစ်လောက်အောင် သရုပ်ဆောင်ကောင်းခဲ့သူပါ။ ဒါပေမယ့် idol-မင်းသမီး Hyeri နဲ့ ရှစ်နှစ်ကြာ လူသိရှင်ကြား တွဲခဲ့တဲ့ မင်းသား Ryu Jun Yeol က Hyeri နဲ့ပြတ်ပြီး သုံးလအကြာမှာဘဲ Han So Hee နဲ့ Dating သတင်းထွက်ခဲ့တာကြောင့် “transit love” ဆိုပြီး စွပ်စွဲခံခဲ့ရပါတယ်။
ဝေဖန်မှုတွေကို ပရမ်းပတာတုန့်ပြန်ခဲ့တဲ့ Han So Hee က နောက်ဆုံးမှာတော့ လူသိရှင်ကြားတွဲပြီး နှစ်ပတ်လောက်အကြာမှာပဲ လမ်းခွဲခဲ့ပါတယ်။
4. Kim Hieora
ကျောင်းအနိုင်ကျင့်မှုတစ်ခုကို ဇာတ်အိမ်တည်ထားတဲ့ The Glory ဇာတ်လမ်းမှာ မင်းသမီး Kim Hieora ရဲ့ သရုပ်ဆောင်မှုတွေကြောင့် နာမည်ရလာခဲ့သူပါ။ ဒါပေမယ့် သူလည်း ကျောင်းတုန်းက ကျောင်းအနိုင်ကျင့်မှုရှိခဲ့တယ်လို့ သတင်းထွက်ပြီးနောက်ပိုင်း နာမည်ကျခဲ့ပါတယ်။
