Joomoonjin ကမ်းခြေ (Goblin ဇာတ်လမ်းတွဲ)
“မှင်စာသတို့သမီး (Goblin)” ဇာတ်လမ်းတွဲရိုက်ကူးပြီးနောက်နောက် ကိုရီးယားနိုင်ငံတွင် လူသွားအများဆုံးနေရာတစ်ခုဖြစ်လာခဲ့ကာ လှပသောနေထွက်ချိန်ကိုလည်း ခံစားတွေ့မြင်နိုင်မှာဖြစ်ပါတယ်။
နမ်ဆန်းတာဝါ (My Name Is Samsoon, My Love from the Stars နှင့် Boys Over Flowers ဇာတ်လမ်းတွဲများ)
ဆိုးလ်၏အချက်အချာကြသောနေရာတွင် တည်ရှိပြီး ကိုရီးယားလူမျိုးများနှင့် နိုင်ငံခြားသားများအထူးသွားရောက်လည်ပတ်ကြသည့် နေရာတစ်ခုဖြစ်ပါတယ်။ ယင်း၏လှပသည့်ညရှုခင်းနှင့် ဆန်းသစ်သောအနေအထားအသွင်အပြင်ကြောင့် များပြားကျော်ကြားသည့်ဇာတ်လမ်းတွဲများ၊ ရုပ်ရှင်ကားများကို အမြဲလာရောက်ရိုက်ကူးကြလေ့ရှိတာဖြစ်ပါတယ်။
ဝေါလ်မီဒို (Descendants of the Sun ဇာတ်လမ်းတွဲ)
ကိုရီးယားနိုင်ငံ၊ အင်ချွန်းမြို့တွင် တည်ရှိသည့် ကျွန်းတစ်ကျွန်းဖြစ်ပြီး ဆိုးလ်မြို့နှင့်မနီးမဝေးတွင်ရှိကာ နိုင်ငံခြားသားများကို အထူးဆွဲဆောင်နိုင်သည့် ကြီးမာလှပသော အပန်းဖြေဥယျာဉ်လည်းရှိပါတယ်။
Jeju Salt Beach (Missing 9 ဇာတ်လမ်းတွဲ)
ဂျယ်ဂျူကျွန်းသည် နာမည်ကြီးကမ်းခြေအများအပြားရှိပြီး Jeju Salt ကမ်းခြေသည်လည်း တစ်ခုအပါအ၀င်ဖြစ်ပါတယ်။ လှပသောရှုခင်းရှုကွက်နှင့် လှိုင်းလုံးများကို တစ်နှစ်ပတ်လုံးမြင်တွေ့နိုင်ပါတယ်။
ကော်ဖီဆိုင် (ကော်ဖီချစ်သူဇာတ်လမ်းတွဲ)
၂၀၀၇ ခုနှစ်တွင် အလွန်နာမည်ကြီးခဲ့သည့်ဇာတ်လမ်းတွဲတစ်ခုဖြစ်သော ကော်ဖီချစ်သူတွင် မင်းသား Gong Yoo နှင့် မင်းသမီး ယွန်းအွန်ဟေး တို့အချစ်စစ်ရှာတွေ့ခဲ့သည့် နေရာတစ်ခုဖြစ်ကာ ဆိုးလ်၊ Buamdong တွင်တည်ရှိပါတယ်။
ဟန်းမီစာအုပ်ဆိုင် (မှင်စာသတို့သမီး ဇာတ်လမ်းတွဲ)
အင်ချွန်းတွင် ၁၉၅၅ ခုနှစ်ကတည်းကဖွင့်လှစ်ခဲ့သော အသေးစားစာအုပ်ဆိုင်ဖြစ်ပြီး နွေးထွေးသောအတွင်းအပြင်အဆင်နှင့် အ၀ါရောင်အပြင်ဖက်အလှတို့ကြောင့် လူအများနှစ်သက်သဘောကျရသော နေရာတစ်ခုဖြစ်ပါတယ်။ မှင်စာသတို့သမီးဇာတ်လမ်းတွဲတွင် ပါဝင်ခဲ့ရာမှာ ယခုအချိန်တွင် ကိုရီးယားဇာတ်လမ်းတွဲချစ်ပရိတ်သတ်များနှင့် ပြည့်နှက်နေသော နေရာတစ်ခုဖြစ်နေပါပြီ။
ပြင်သစ်ရွာ (My Love From the Stars ဇာတ်လမ်းတွဲ)
ပြင်သစ်တွင်ရှိသော မြို့အသေးပုံစံအတိုင်း တထေရာတည်းတူပြီး ချစ်စဖွယ်ကောင်းသော ပြင်သစ်စတိုင်အဆောက်အဦး ၁၆ လုံးနှင့် တည်ဆောက်ထားသည့် ပြင်သစ်ရွာလေးပဲဖြစ်ပါတယ်။
ကိုရီးယားရိုးရာကျေးရွာ (လရောင်ဖန်ဆင်းနေမင်းကြမ္မာနှင့် ဆောင်ကျန်ကွမ်အရှုပ်တော်ပုံ ဇာတ်လမ်းတွဲများ)
ဂျိုဆွန်းခောတ်အတွင်းမှ အဆောက်အဦးများနှင့် ပတ်ဝန်းကျင်ပုံစံအတိုင်း ပြန်လည်ဖန်တီးထားသော ကျေးရွာတစ်ခုဖြစ်ပြီး ဂျိုဆွန်းခေတ်ကိုအခြေခံထားသော ဇာတ်လမ်းတွဲများ၊ ရုပ်ရှင်ကားအများစု ရိုက်ကူးရာနေရာတစ်ခုဖြစ်ပါတယ်။ ထို့အပြင် ကိုရီးယားရိုးရာဓလေ့ကို သင်ယူတွေ့ကြုံနိုင်သည့် ပညာရေးအစီအစဉ်များလည်း တစ်နှစ်ပတ်လုံး ကျင်းပလျက်ရှိပါတယ်။
