စစ်မှုထမ်းတယ်ဆိုတာဟာ ကိုရီးယားနိုင်ငံမှာတော့ အရွယ်ရောက်ပြီးတဲ့ ယောကျ်ားလေးတိုင်း လုပ်ဆောင်ရမယ့် တာဝန်ဝတ္တရားဖြစ်ပါတယ်။ ပိုက်ဆံရှိတဲ့ နာမည်ကျော်ကြားတဲ့ အနုပညာရှင်တွေဆိုပြီးတော့လည်း အခွင့်ထူးခံမရသလို တော်တော်လေးတင်းကြပ်တဲ့ ကိစ္စတစ်ခုပါ။
ဒါပေမယ့် တချို့အနုပညာရှင်တွေကတော့ မတော်တဆမှုတွေကြောင့် (သို့) လိုအပ်ချက်၊ သတ်မှတ်ချက်တွေ မကိုက်ညီတာကြောင့် စစ်မှုထမ်းခွင့် ကင်းလွတ်ခဲ့ကြပါတယ်။ သူတို့တွေက ဘယ်သူတွေဖြစ်မလဲ ဘယ်လိုအကြောင်းအရင်းတွေကြောင့်လဲဆိုတာ အခုပဲ ကြည့်လိုက်ရအောင်နော်။
၁။ Kim Woo Bin
Our Blues ဇာတ်ကားထဲက မင်းသားချော Kim Woo Bin ဟာ ၂၀၁၇ ခုနှစ်မှာ Nasopharyngeal Cancer ရောဂါခံစားခဲ့ရပြီး ကုသမှုတော်တော်ကြာအောင် ခံယူခဲ့ရပါတယ်။ ကုသမှုခံယူပြီးသွားတာတောင်မှ စစ်မှုထမ်းခွင့် ကင်းလွတ်ခဲ့သူတစ်ဦးပါ။
၂။ Ahn Hyo Seop
မင်းသား Ahn Hyo Seop ကတော့ တောင်ကိုရီးယားနိုင်ငံမှာ မွေးဖွားခဲ့ပေမယ့်လည်း အသက် ၇ နှစ်အရွယ်မှာ ကနေဒါနိုင်ငံကို ပြောင်းရွှေ့နေထိုင်ခဲ့ပြီး အသက် ၁၇ နှစ်မှာ ပြန်လာခဲ့ပါတယ်။ ဒါပေမယ့်လည်း သူ့ဟာ ကနေဒါနိုင်ငံသား ခံယူထားတဲ့အတွက်ကြောင့် စစ်မှုထမ်းဖို့ မလိုအပ်ပါဘူး။
၃။ Jang Dong Gun
ဒါရိုက်တာရင် လို့ မြန်မာပရိတ်သတ်တွေသိကြတဲ့ မင်းသားကြီး Jang Dong Gun ဟာဆိုရင်လည်း အဆုပ်အပြင်ဘက်ရှိ ရင်ဘတ်ထဲတွင် လေခိုနေခြင်း လို့ခေါ်တဲ့ (Pneumothorax) ရောဂါခံစားခဲ့ရပြီး ခွဲစိတ်ကုသမှု ရယူခဲ့ရတာကြောင့် စစ်မှုထမ်းစရာ မလိုအပ်ခဲ့ပါဘူး။
၄။ Bae Yong Joon
တချိန်က ကမ္ဘာတစ်ဝှမ်း တော်တော်ပေါက်ခဲ့တဲ့ ဇာတ်လမ်းတွဲ Winter Sonata ထဲက မင်းသားချော Bae Yong Joon ကတော့ အခုချိန်မှာ သရုပ်ဆောင်အလုပ်တွေမလုပ်တော့ဘဲ အနားယူသွားပါပြီ။ သူကတော့ စစ်မှုထမ်းတဲ့အခါ လိုအပ်တဲ့ မျက်စိပါဝါအား မကိုက်ညီတဲ့အတွက်ကြောင့် စစ်မှုထမ်းခွင့် ကင်းလွတ်ခဲ့ပါတယ်။
၅။ Park Hae Jin
ထိပ်တန်းကိုရီးယားမင်းသားတွေထဲက တစ်ဦးအပါအဝင်ဖြစ်တဲ့ မင်းသား Park Hae Jin ဟာ စစ်မှုထမ်းဖို့ ရှောင်ပြေးတယ်ဆိုပြီး သတင်းတွေထွက်ခဲ့ပေမယ့်လည်း သူငယ်စဥ်ကတည်းက ခံစားခဲ့ရတဲ့ စိတ်ကစဥ့်ကလျားရောဂါကြောင့် ၂၀၀၄ ခုနှစ်မှာတော့ စစ်မှုထမ်းဖို့ ကင်းလွတ်တဲ့အမိန့်ထွက်ရှိခဲ့ပါတယ်။
၆။ Yoo Ah In
လက်ရှိမှာ ဆေးမှုကြောင့် တရားရင်ဆိုင်နေရတဲ့ မင်းသား Yoo Ah In ကတော့ ဦးနှောက်အကျိတ် ခံစားခဲ့ရပြီး စစ်မှုထမ်းနိုင်ရည် ရှိမရှိကို အကြိမ်ကြိမ် စစ်ဆေးခဲ့ပြီးနောက် ရလဒ်တွေကြောင့် စစ်မှုထမ်းစရာ မလိုအပ်ခဲ့ပါဘူး။
၇။ Eun Ji Won
နာမည်ကြီး Reply 1997 ဇာတ်လမ်းတွဲမှာ ပါဝင်သရုပ်ဆောင်ခဲ့ပြီး SECHSKIES အဖွဲ့ခေါင်းဆောင် Eun Ji Won ဟာ ငယ်ငယ်တုန်းက ဟာဝိုင်ရီမှာ ကျောင်းတက်ပြီး ကြီးပြင်းခဲ့သူပါ။ ကိုရီးယားကို ပြန်လာချိန်မှာတော့ သူ့ရဲ့ပညာရေးက စစ်မှုထမ်းဖို့ လိုအပ်တဲ့ ပညာအရည်အချင်း သတ်မှတ်ချက်ကို မကိုက်ညီတာကြောင့် စစ်မှုထမ်းခွင့် ကင်းလွတ်ခဲ့ပါတယ်။
၈။ Shin Hyun Joon
အချစ်လှေကားထစ်လေးများ ဇာတ်လမ်းတွဲထဲက မင်းသားကြီး Shin Hyun Joon ကတော့ မင်းသား Bae Yong Joon လိုပဲ မျက်စိအားနည်းလွန်းတာကြောင့် စစ်မှုထမ်းစရာ မလိုအပ်ခဲ့ပါဘူး။
၉။ Jo Jung Suk
မင်းသား Jo Jung Suk ဟာ သူ့အဖေဆုံးပါးသွားပြီးတော့ မိခင်စားဝတ်နေရေးအတွက် ရှာဖွေလုပ်ကျွေးပြုစုရမယ့် တစ်ဦးတည်းသူဖြစ်တာမို့ စစ်မှုထမ်းခွင့် ကင်းလွတ်ခဲ့ပါတယ်။
၁၀။ Seo In Guk
Death’s Game မင်းသား Seo In Guk ဟာ ၂၀၁၇ ခုနှစ်မှာ စစ်ထဲဝင်သွားခဲ့ပေမယ့်လည်း လေးရက်သာ ကြာမြင့်ခဲ့ပါတယ်။ Osteochondritis dissecans ဆိုတဲ့ ရောဂါခံစားခဲ့ရတဲ့အတွက် စစ်မှုထမ်းစရာ မလိုအပ်ခဲ့ပါဘူး။
၁၁။ Jung Woo Sung
Jung Woo Sung ဟာ ငယ်စဥ်တုန်းက စီးပွားရေးကြပ်တည်းတာကြောင့် အထက်တန်းနဲ့ကျောင်းထွက်ခဲ့ရပြီး စစ်မှုထမ်းဖို့ သတ်မှတ်ချက်တွေထဲက တစ်ခုဖြစ်တဲ့ ပညာရေးနဲ့ မကိုက်ညီတာကြောင့် စစ်မှုမထမ်းခဲ့ရပါဘူး။
