မော်ဒယ် မင်းသမီး Jung Hoyeon (Squid Game) ရဲ့ လျှောက်လမ်းထက်က ဖက်ရှင်များ

Pure Model နာမည်ကျော် မင်းသမီးဆိုရင် Jung Hoyeon ကို မေ့ထားလို့ မရပါဘူး။ Hoyeon က ပွဲဦးထွက် Squid Game ဇာတ်လမ်းနဲ့ လူကြိုက်များလာခဲ့ပြီး Instagram မှာပါ ကိုးရီးယားမင်းသမီးတွေကြား Follower အများဆုံး ပိုင်ဆိုင်လာသူဖြစ်ပါတယ်။ သူမက ကိုးရီးယားပရိတ်သတ်အပြင် Global Fan တွေကိုပါ အခိုင်အမာပိုင်ဆိုင်ထားသူ ဖြစ်လာခဲ့ပါတယ်။

Hoyeon က 2010 မှာ မော်ဒယ်လောကထဲကို ဝင်လာခဲ့သူဖြစ်ပြီး Seoul Fashion Week Show မှာ နှစ်နှစ်တိတိ Freelance မော်ဒယ်လျှောက်ခဲ့သူပါ။ ၂၀၁၃ မှာတော့ Hoyeon က Korea’s Next Top Model Season 4 မှာ ပါဝင်ယှဉ်ပြိုင်ခဲ့ပြီး Runner Up ဆုကို ပိုင်ဆိုင်ခဲ့ပါတယ်။

သူမရဲ့ မော်ဒယ် Career အတွက် ၂၀၁၆မှာ ကိုးရီးယားကနေ စွန့်ခွာပြီး Oversea Career ကို စတင်ခဲ့ပါတယ်။ ၂၀၁၈ မှာတော့ Hoyeon ကို Models.com က ထိပ်တန်း မော်ဒယ် အယောက် ၅၀ စာရင်းထဲ ထည့်သွင်းဂုဏ်ပြုခဲ့ပါတယ်။

သူမက အရပ် ၅ပေ ၉ လက်မ ရှိပြီး Runway ပေါ်က သူမရဲ့ မျက်နှာထားပုံစံနဲ့ လျှောက်တဲ့ပုံစံက နှစ်ခါ ပြန်ငေးစေရပါတယ်။ ဒီတော့ Hoyeon ရဲ့ လျှောက်လမ်းပေါ်က Runway Fashion တွေကို ဆက်ကြည့်လိုက်ရအောင်နော်။