ဖိလစ်ပိုင်မင်းသမီးချောလေးတွေထဲက တစ်ဦးဖြစ်တဲ့ Julia Barretto ရဲ့ဖက်ရှင်လေးတွေ

အခုတစ်ခါ MyStyle Myanmar မှဖော်ပြပေးချင်တဲ့ အနုပညာရှင်မင်းသမီးချောလေးရဲ့နာမည်အပြည့်အစုံကတော့ Julia Francesca Barretto Baldivia လို့ခေါ်ပါတယ်။ ဒါပေမယ့် နိုင်ငံတကာကပရိတ်သတ်တွေကတော့ သူမကို Julia Barretto လို့ပဲ သိကြတာများပါတယ်။ ၁၉၉၇ ခုနှစ် မတ်လ ၁၀ ရက်နေ့မှာ မွေးဖွားခဲ့တာဖြစ်ပြီး အသက် ၂၄ နှစ်ရှိပါပြီ။

ဖိလစ်ပိုင်နိုင်ငံရဲ့ လူသိများကျော်ကြားတဲ့ ရုပ်သံထုတ်လွှင့်ရုံ ABS-CBN ရဲ့ Kokey အတွက် ရွေးချယ်ခံခဲ့ရာကနေ လူသိများလာခဲ့ပြီး ၂၀၁၄ ခုနှစ်ကထွက်ရှိခဲ့တဲ့ Mirabella ရုပ်သံဇာတ်လမ်းတွဲမှာ ဇာတ်ဆောင်မင်းသမီးနေရာမှာ ပါဝင်သရုပ်ဆောင်ခဲ့ပါတယ်။ ဒါ့အပြင် A Love to Last: Season 1, Ngayon at Kailanman, I Am U, I Love You, Hater, Vince and Kath and James, Between Maybes, Love You to the Stars and Back စတဲ့ ဇာတ်လမ်းတွဲတွေ၊ ရုံတင်ကားတွေကိုလည်း ရိုက်ကူးခဲ့ပြီးသူလေးပါ။

ဖိလစ်ပိုင်ဇာတ်လမ်းတွဲလေးတွေကို အမြဲကြည့်လေ့ရှိတဲ့ မြန်မာပရိတ်သတ်တွေအနေနဲ့ ဒီမင်းသမီးချောလေးကို သေချာသိကြမှာဖြစ်ပြီး သူမရဲ့အချိုးအစားလှတဲ့ ခန္ဓာကိုယ်၊ ဝတ်ပုံစားပုံလေးတွေက မြန်မာနိုင်ငံက ပျိုမေလေးတွေလည်း လိုက်ပြီးအတုယူလို့လွယ်ကူတာမို့ သူမရဲ့ဖက်ရှင်လေးတချို့ကို လေ့လာကြည့်လို့ရအောင် ဝေမျှပေးလိုက်ပါတယ်။