အထိုင်များလို့ လှုပ်ရှားမှုနည်းလို့ စသဖြင့်အကြောင်းကြောင်းကြောင့် ဝမ်းဗိုက်မှာအဆီတွေစုနေလို့ စိတ်ညစ်နေပြီးလာ။ အိပ်ရာဝင်ခါနီး ဖျော်ရည်လေးတွေ သောက်ပေးရုံနဲ့ ဝမ်းဗိုက်အဆီတွေ လောင်ကျွမ်းစေမယ် ဆိုတာရော သိပြီးပြီလား။
မသိသေးရင် ဒီဆောင်းပါးလေးကို အဆုံးထိ ဖတ်ကြည့်လိုက်ပါနော်။
ဖျော်ရည် (၁)
ပါဝင်ပစ္စည်း
သခွားသီး (၁) လုံး
နံနံပင် (၁၀) ပင်
သံပရာသီး (၁) လုံး
ဂျင်း (ပါးပါးလှီး) အနည်းငယ်
ရှားစောင်းလက်ပတ်ဖျော်ရည် (၂) ဇွန်း
ရေ (၂) ဖန်ခွက်
ပြုလုပ်နည်း – ပါဝင်ပစ္စည်းအားလုံး ရေဆေးသန့်စင်ပြီး ကြိတ်စက်ထဲထည့်ကာ ကြေညှက်သည်အထိ ကြိတ်ပေးပါ။ ရလာတဲ့ဖျော်ရည်ကို သောက်သုံးပေးလို့ရပါပြီ။ တစ်လ ဆက်တိုက်ညစဉ်ပုံမှန်သောက်ပေးရင် ဝမ်းဗိုက်အဆီကျစေမှာဖြစ်ပါတယ်။
ဖျော်ရည် (၂)
ပါဝင်ပစ္စည်း
ဂရိတ်ဖရုသီး (၁) လုံး
စပါလင်ရေ ( Sparkling water) (၅၀၀) မီလီလီတာ
ရေ (၁) ဖန်ခွက်
သစ်ဂျပိုးခေါက် (၂) ချောင်း
ပူစီနံရွက် (၅) ရွက်
ရေခဲအနည်းငယ်
သကြား စားပွဲတင်ဇွန်း (၁) ဇွန်း
ပြုလုပ်နည်း – ဒယ်အိုးတစ်ခုအတွင်း သကြား သစ်ဂျပိုးခေါက် နှင့် ရေတို့ကိုရောပြီး သကာရည်ဖြစ်သည်အထိ ကြိုပေးပါ။ သကာရည်အဖြစ် (၅) မိနစ်လောက်ကြိုပြီးပါက အအေးခံထားပါ။
ထို့နောက် ကျန်ရှိနေတဲ့ ပါဝင်ပစ္စည်းများဖြစ်တဲ့ ဂရိတ်ဖရုသီး စပါလင်ရေ နှင့် အအေးခဲံထားတဲ့ သစ်ဂျပိုးခေါက်သကာရည်တို့ကို ခွက်တစ်ခုအတွင်းထည့်ပြီး သမအောင်မွေပေးပါ။ ပြီးရင်တော့ ရေခဲ ပူစီနံရွက်တို့ထည့်ပြီး သောက်သုံးနိုင်ပါပြီ။
ဖျော်ရည် (၃)
ပါဝင်ပစ္စည်း
ပန်းသီး (၁) လုံး သို့မဟုတ် သဘာဝပန်းသီးဖျော်ရည်စစ်စစ် (၁) လီတာ
ပူစီနံရွက် (၅) ရွက်
Lemon Juice (၁၀၀) လီတာ
သံပုရာသီး (၁) လုံး
ရေခဲအနည်းငယ်
ပြုလုပ်နည်း – ဖန်ခွက်တစ်ခုအတွင်း ပန်းသီးဖျော်ရည် Lemon Juice တို့ ရောထည့်ပြီး သံပုရာသီးကိုအရည်ညှစ်ထည့်ကာ မွေပေးပါ။ ထို့နောက် ရေခဲ ပူစီနံရွက်တို့ရောထည့်ပြီး အသင့်သောက်သုံးနိုင်ပါပြီ။
ဖျော်ရည် (၄)
ပါဝင်ပစ္စည်း
နာနတ်သီး (၁) လုံး
သံပုရာသီး (၁) လုံး
စပါလင်ရေ ( Sparkling water) (၁)လီတာ
ရေခဲအနည်းငယ်
သကြား စားပွဲတင်ဇွန်း (၁) ဇွန်း
ပူစီနံရွက် (၅) ရွက်
ပြုလုပ်နည်း – ဒယ်အိုးတစ်ခုအတွင်း သကြားနှင့် သံပုရာသီးကိုအရည်ညှစ်ပြီး အနည်းငယ် ပြစ်လာသည်အထိကြိုပေးပါ။ ရလာတဲ့အရည်ကို အအေးခံထားပါ။ ထို့နောက်ကြိတ်စက်အတွင်း နာနတ်သီးကို အရည်ဖြစ်သည်အထိကြိတ်ပေးပါ။
ပြီးရင်တော့ ခုနကအအေးခံထားတဲ့ သကြားသံပရာအရည် စပါလင်ရေ နဲ့ နာနတ်သီးဖျော်ရည်တို့ကိုရောပြီး ဖန်ခွက်ထဲထည့်ပါ။ နာနတ်သီးအဖက်လေးတွေကြိုက်တဲ့သူတွေအနေနဲ့လည်း အဖက်လေးတွေပါစားနိုင်ပါတယ်။ နောက်ဆုံးအနေနဲ့ ပူစီနံရွက် ရေခဲတို့ရောထည့်ပြီး သောက်သုံးနိုင်ပါပြီး။
