ဝမ်းဗိုက်ရှိအဆီပိုများကို ဖယ်ရှားပစ်ဖို့ ရွေးချယ်သောက်သုံးပေးနိုင်တဲ့ ဖျော်ရည်များ

အာဟာရမျှတစွာပါဝင်ပြီး အမျှင်ဓာတ် ကြွယ်ဝတဲ့အစားအစာတွေက ခန္ဓာကိုယ်ရဲ့ဇီဝကမ္မဖြစ်စဉ်ကို ထိန်းညှိပေးပြီး ဝမ်းဗိုက်ရှိအဆီပိုများကို ဖယ်ရှားပေးကာ ကိုယ်အလေးချိန်ကို လျော့ချပေးပါတယ်။

သင့်အနေနဲ့ ဝမ်းဗိုက်ရှိအဆီပိုများကို ဖယ်ရှားချင်တယ်ဆိုရင်တော့ အခုဖော်ပြပေးမယ့် ဖျော်ရည်လေးတွေက ကူညီပေးနိုင်ပါတယ်။

Green Tea

Green Tea က ခေါင်းမာလွန်းပြီး ချေဖျက်ရခက်သော အဆီပိုများကို ဖယ်ရှားပေးနိုင်ပါတယ်။ လေ့လာတွေ့ရှိချက်များအရ Green Tea ပုံမှန်သောက်သုံးခြင်းဟာ ကယ်လိုရီများကို လောင်ကျွမ်းစေကာ ဗိုက်မှာစုနေတဲ့အဆီပိုတွေကို ဖယ်ရှားပေးနိုင်တယ်လို့ သိရှိရပါတယ်။

ပျားရည်နှင့် သစ်ကြမ်းပိုးခေါက်ဖျော်ရည်

ခန္ဓာကိုယ်ရဲ့ဇီဝကမ္မဖြစ်စဉ်ကို မြှင့်တင်ပေးပြီး အဆီပိုတွေကို လျင်မြန်စွာ လျော့ချပေးပါတယ်။ ရေနွေးနွေးတစ်ခွက်ထဲသို့ သစ်ကြမ်းပိုးခေါက် လက်ဖက်ရည်ဇွန်း ၁ ဇွန်းထည့်ပါ။ ပျားရည် အနည်းငယ်ထည့်ပြီးနောက် သမအောင် ရောမွှေလိုက်ပါ။ မနက်နိုးလင်းတိုင်း သောက်သုံးပေးနိုင်ပါတယ်။

ပန်းသီးရှာလကာရည်

မနက်အိပ်ရာနိုးပြီး ဗိုက်ထဲအစာ မရှိခင်မှာ ရေနွေးနွေးတစ်ဖန်ခွက်ထဲ ပန်းသီးရှာလကာရည် လက်ဖက်ရည်ဇွန်း ၁ ဇွန်းထည့်ကာ သမအောင် မွှေကာ သောက်သုံးလိုက်ပါ။ သင့်တစ်နေ့တာလုံးမှာ အစာချေစနစ်ကောင်းမွန်အောင် ကူညီပေးပြီး အစား အလွန်အကျွံ စားချင်စိတ်ကိုလည်း ထိန်းချုပ်ပေးပါတယ်။

နာနတ်သီးဖျော်ရည်

သင့်အနေနဲ့ ဖျော်ရည်ချဉ်ချဉ်လေး သောက်ချင်တယ်ဆိုရင်တော့ နာနတ်သီးဖျော်ရည်က အသင့်တော်ဆုံးပါပဲ။ နာနတ်သီးဖျော်ရည်ထဲမှာ ပါဝင်တဲ့ Bromelain သည် အဆီပိုများကို ဖယ်ရှားပေးဖို့ရန်အတွက် လုပ်ဆောင်ပေးပါတယ်။