လာမယ့် ဒီဇင်ဘာ ၈ ရက်နေ့မှာတော့ Kim Ji Won နဲ့ Ji Chang Wook တို့ရဲ့ “City Couple’s Way of Love” ဆိုတဲ့ Romance Drama လေးကို စတင်ပြသတော့မှာပဲ ဖြစ်ပါတယ်။ မင်းသားကလည်း လူကြိုက်များလွန်းတဲ့ မင်းသားဖြစ်တဲ့အပြင် မင်းသမီးကလည်း Fight For My Way မှာထဲက Kdrama ပရိသတ်တွေ ချစ်ခဲ့ရတဲ့ မင်းသမီးလေးပါ။ ဒါ့အပြင် Second Lead အနေနဲ့ Dr. Romantic 2 ထဲက မင်းသမီးလေး So Joo-yeon ကလည်း ပါဝင်ထားပါသေးတယ်နော်။

ဇာတ်လမ်းထဲမှာတော့ Ji Chang Wook ကို ရိုးသားပြီးရည်မှန်းချက်ကြီးတဲ့ Park Jae-Won ဆိုတဲ့ Architect ပညာရှင်တစ်ယောက်အဖြစ်နဲ့ တွေ့ရမှာပါ။ Park Jae-Won ဟာ မြို့ကြီးတွေထဲက လမ်းကျဉ်းလေးတွေမှာ တမူထူးခြားတဲ့အရာတွေလုပ်ရတာကို နှစ်သက်သူတစ်ယောက်ပါ။ သူ့မှာ မမေ့နိုင်ပဲ ချစ်နေရတဲ့ အမျိုးသမီးတစ်ယောက်လည်း ရှိပါတယ်။

Kim Ji Won ကိုတော့ ဒီ Drama ထဲမှာ စျေးကွက်ရှာဖွေတဲ့ Freelancer Marketer Lee Eun-O အဖြစ်နဲ့ တွေ့ရမှာပါ။ သူမရဲ့ခရီးတစ်ခုမှာတော့ Park Jae-Won နဲ့ တွေ့ဆုံခဲ့ပြီး Park Jae-Won ကို ချစ်မိသွားရာက ဇာတ်လမ်းစမှာပဲဖြစ်ပါတယ်။

အဲ့နောက်ပိုင်းမှာ ဘာတွေဆက်ဖြစ်မလဲ၊ ဘယ်လိုရိုတဲ့ Drama လေးဖြစ်မလဲဆိုတာကိုတော့ ဒီဇင်ဘာ ၈ ရက်နေ့မှပဲ ကြည့်ကြတာပေါ့။

ဒီ Drama လေးကို ဒီဇင်ဘာ ၈ ရက်နေ့မှာ စတင်ပြသမှာဖြစ်ပြီး ဖေဖော်ဝါရီ ၂၃ မှာ ဇာတ်သိမ်းမှာပါ။ အပိုင်းကတော့ ၁၂ ပိုင်းပဲ ရှိပါတယ်။ အပတ်စဉ် အင်္ဂါနေ့တိုင်း ထုတ်လွှင့်ပြသမှာဖြစ်ပြီး တစ်ပတ်ကို တစ်ပိုင်းပဲ ထုတ်လွှင့်ပြသသွားမှာပါ။ ကြာချိန်ကလည်း တစ်ပိုင်းကို မိနစ် ၃၀ လောက်ပဲ ရှိတယ်ဆိုတော့ ပုံမှန်ကြည့်နေကျ Drama တွေထက်တော့ အရမ်းတိုပါတယ်နော်။

Source: www.mydramalist.com