Kpop ပရိသတ်တွေအားလုံးပဲမင်္ဂလာပါနော်။ Kpop Idol တစ်ဦးဖြစ်တဲ့ Jeon Somi ကတော့ ကိုးရီးယားနဲ့ ကနေဒါ စပ်ထားတဲ့ကပြားမလေးတစ်ယောက်ဖြစ်ပြီး လက်ရှိမှာ Solo အနုပညာရှင်တစ်ဦးအနေနဲ့ ရပ်တည်နေတဲ့သူဖြစ်ပါတယ်။ သူမမှာ ထူးခြားတဲ့အသံချိုချို၊ ဆွဲဆောင်မှုရှိတဲ့ကပြားမျက်နှာပေါက်အပြင် ကျစ်လစ်သေးသွယ်တဲ့ခန္ဓာကိုယ်ကိုလည်းပိုင်ဆိုင်ထားပါတယ်။ ဒီနှစ်ရဲ့ Comeback အနေနဲ့ “Dumb Dumb” ဆိုတဲ့သီချင်းတစ်ပုဒ်ထွက်ရှိထားပြီး ပရိသတ်တွေရဲ့အာရုံစိုက်အားပေးမှုကိုလည်းရရှိနေသူဖြစ်ပါတယ်။

ငယ်ငယ်ရွယ်ရွယ်နဲ့ဘက်စုံထူးချွန်တဲ့သူမဟာ ဖက်ရှင်ပိုင်းမှာ Outfit ပုံစံအမျိုးမျိုးနဲ့လိုက်ဖက်တဲ့ အလန်းစားပိုစ့်တွေဖန်တီးနိုင်တဲ့ Idol မော်ဒယ်လ်တစ်ယောက်ဆိုရင်လည်းမမှားပါဘူး။ လက်ရှိမှာလည်း တန်ဖိုးကြီး Luxury Brand တစ်ခုဖြစ်တဲ့ “Louis Vuitton” နဲ့ အချိန်အတော်ကြာလက်တွဲပြီး Modeling လုပ်နေတဲ့သူဖြစ်ပါတယ်။

၂၀၀၁ ခုနှစ်မှာမွေးတဲ့သူမဟာ ဒီနှစ်မှာ အသက် ၂၀ ရှိပြီဖြစ်ပါတယ်။ Somi ကိုချစ်တဲ့ Kpop ပရိသတ်တွေအတွက် သူမရဲ့ အထာကျကျနဲ့ဆွဲဆောင်မှုရှိတဲ့ ဖက်ရှင်ပုံရိပ်လေးတွေကိုဖော်ပြပေးလိုက်ပါတယ်။

Photo Source: Pinterest

By MyStyle Myanmar